Efesios
Karta Pabloba b̶ʉd̶a ãbarã Éfeso puurud̶ebenarã baita
Pablo Romad̶e jʉ̃a uru panasiid̶e nau karta ãbarã Éfeso puurud̶ebenarã baita b̶ʉsii. Año 62 b̶ʉsii.
Pablo Efesod̶e neesii Aquila, Priscila baara. (Hechos 18:19). Pablo waya neesiid̶e año ome ãbarãmaa jaradea b̶uabachii (Hechos 19:8-10). Maarãd̶ebenarã ãreaba Cristod̶e ijãasid̶aud̶eeba Dachi Akõre kĩra nuree juaba kaped̶aad̶ad̶e ijãabadaurã kĩrusid̶au (Hechos 19:21-41). Mau Dachi Akõre kĩra nii wẽra Artemisa abachid̶au.
Pabloba b̶ʉsii judiorã maud̶e judiowãerã Cristo ome panuud̶eeba ãchi puuru ab̶aburu bamera. Capítulo 1 b̶ʉ kub̶uu Dachi Akõreba Cristod̶eeba waud̶a, Pabloba Dachi Akõremaa biꞌia berread̶a maud̶e ãbarã baita ʉtaa id̶id̶a. Capítulo 2 maud̶e 3 b̶ʉ kub̶uu Dachi Akõreba Cristod̶e ẽbẽrarãd̶eeba waubia kʉ̃ria b̶uu ʉ̃rʉbena. Capítulo 4 ab̶a 6 b̶ʉ kub̶uu saka dachiba mau waud̶ai.