Hare Hi Sigkie Die Poribo
2
Hintu tui dorkari soittio sigkie hodagani hos. 2 Buro manuschunore tui sigkie dis jene thara nije-nije domon on para. Thara manonio ar shantoshil uo poribo. Tharar gom mon, shokto bischias, hospana ar dhorjio tha poribo. 3 Thik sedogkie gori, buro miliegunore tui sigkie dis jene thara pobitro manjio dogkie solon phiron goron. Thara manjiore bodnam tangidie ar modo hur no on para uo poribo. Sienir bodoli, thara gom sigkie die uo poribo. 4 Gabur-miliegune tharar negkunore ar tharar puo-shabagunore hos pan para, buro miliegune tharare osit bijier goron para shigie poribo. 5 Gabur-miliegune shantoshil, sudduo, ghoro ham gorie, doyelu ar nijor negkunor tole than para thara sigei pebak, jene Itchioro hodagan huno jone bodnam gori no paron.6 Thik sedogkie gori, gabur morodtune shantoshil on para utsaho tuli dis. 7 Je huno iet tharare gom ham gorinei deges. Tor sigkieni bojong no oinei sormanio oi para uij rageis. 8 Huno jone tore duj badei di no paron para, soittiogano doge hoda hos. Tor biruddigune lajan para siennie goris. Tor sombonde tharar hitchu bojong hoda hobar no thebo hinottei, thara lajeibak. 9 Banidajigune tharar nijor girojchuor tole thebartei ar beg hamanit tharare gome hujhi goron para tui sigeis. Tharare mue-mue suol no dibartei tui sigeis. 10 Thara sur no goron para sigeis. Sieno bodoli, je huno hamot thara bischias-joggio bili degadok. Je huno hittendi amar mukti gorie Itchiorbuo hodagani shaje para, thara siennie uo poribo.
11 Haron muktigan anede Itchiorbuor doyegan beg manuschuno idu dega diegi. 12 Aw-pobitrogan, songsarik lubbogan bad dinei, ei jugkuot shantoshil, dharmig ar bhokti bhabe thebartei iene amare sigei. 13 Hujhi ashagan ami barsei thagode, ami sedogkie gori tha poribo. Sei ashagan olode amar oborug Itchiorbuor ar mukti gorie Jisu Kristor mohimagan, dega dibogi die sien. 14 Beg niom sara hamanittun amare shorei anibartei, ar ami pobitro oi para the nije-nije amattei die. Ami tar manus oinei gom ham goribartei utjogi obartei the amare pobitro gorsie.
15 Ei hodagani sigeis. Beg odhiharaniloi utsaho goris ar bujei dis. Tore hono jone aw-mannio no gortok.