5
Bheilog, hintu somoi ar oktor sombonde ole, mui tomare legibar dorkar nei. 2 Haron tumi nije gome-dalei hobor po jei, Probur dinnuo edogkie gori ebo, jene sur reidot ejon. 3 Manjie jokkene hobak, “Shanti ar rokkie age,” sebeden tokkanot tharar ugure dongso onagan ebo. Sien pedoli-milier guro oidie ped pirie oidie dogkie gori ebo. Ar thara sari jei no paribak.4 Bheilog, hintu tumi daw andharot no ago. Senottei ei dinnuo suro dogkie gori tomar idu no lungibogi. 5 Tumi begkune phoro ar dinor manus. Ami reidor manus noi, andharo manuschio noi. 6 Senottei, oinnio jone ghum jande dogkie gori ghum no jebong. Hintu uijkare ar nijore-nije domon gori. 7 Haron jigune ghum jan thara reidot ghum jan, ar jigune mattol on thara reidot mattol on. 8 Hintu ami dinor manuschuno dogkie gori nijore-nije domon gori. Bischiaschan ar hospanagan buk patti dogkie gori bani, ar muktir ashagan tamar tokkie dogkie gori madat di. 9 Haron Itchiore amare rak tulibartei thik no gore, hintu amar Probu Jisu Kristor darai muktigan pebartei thik gorsie. 10 Jisu amattei morsiegidie olode jene, ami jagonot ok, ghumot ok, ami tar loge baji thebartei. 11 Senottei, tumio gorotte doge shantona diedi ar gorei tulo-tuli gorsio.
Sejor Sigkiegan
12 Bheilog, tomar moiddie hadoni goronde sigunore ar Probu iot tomare sejei nejande, ar uij duonde sigunore sorman goribartei ami tomare ujuleir. 13 Tharar hamo obodananittei hospanaganot tharare shanggadik gori sorman gorsio. Tomar moiddie shantie thago. 14 Bheilog, ami tomare ujuleir. Alsigunore uij duo, mon shoktogunore utsaho tuli duo. Durbol manuschunore bol duo, ar prottiek jondoi soijjio gorsio. 15 Harore bojonggoi hena uguro-uguri no gorsio. Tomartei ar begkunottei jien gom sien onsur loreio.
16 Onsur hujhi oio. 17 No jireie gori bor mago. 18 Begkanit hujhi hoda hoio. Haron Kristo iot tomartei sien Itchioro ischiegan. 19 Aptabuore aguno dogkie gori morei no phellio. 20 Muniguno hodagani bis no degkio. 21 Begkani porikkie gorsio, jien gom sien shokto gori dori thago. 22 Beg bojonganittun durot thagkuo.
23 Shanti Itchiorbuoi the nije tomare puro gori pobitro gorog. Ar amar Probu Jisu Kristo ebode lokkene tomar goda aptabuo, poranan, ar heyegan duj di no parsie gori ragei duok. 24 Tomare dagkiede sibie bischias-joggio ar sien goribuo.
25 Bheilog, amattei bor magi duo.
26 Beg bheilogkunore pobitro sumon dinei salam duo. 27 Ei sidigan beg pobitro bheilogkuno sidu madeibartei Probure shakki gori mui tore daetto dilung.
28 Amar Probu Jisu Kristor doyegan tomar loge thok. Amen