Senapotibour Bischias
7
Jisu tar beg hodagani manus-chunore hoi phureinei, the Kapernaum sohorot gelo. 2 Siot ek shot jon soinnior ugure senapotibuorδ ek jon banidaji elo. The tare baari hos pai. The aw-sug oinei morong-morong oie. 3 Senapotibuoiδ Jisur hobor suninei, the hoiek jon Judaiunor borjon Jisu sidu di padeilo. Jisu einei, ei tar banidajibuore gom gori de para thara hujoli goribartei gelak. 4 Thara Jisur sidu lungineioi, tare baari hujoli gorinei holak, “Tui tare sien gori dena lak. 5 Haron the amar jadtuo hos pai, ar the amattei ekkan synagog banei dede.” 6 Sebeden Jisu tharar loge gelo. Jisu ghorot lungong-lungong oineigoi, senapotibuoiδ tare hoiek jon somarsier darai hoipadeinei holo, “Probu, tui hosto no goris. Haron tui mor ghorot ebar mor lak noi. 7 Senottei, mui tor sidu jebar lak bili mui nijore-nije shobai mone no gorong. Hintu tui hole, mor sagorsiebuo gom obo. 8 Haron muio odinor tole agong. Soinnioguneio mor odinor tole agon. Mui ek jon soinniore ‘Ja!’ hole, the jai. Ar mui ei soinniobuore ‘Ai!’ hole, the eje. Mui mor banidajibuore ‘Ien gor!’ hole, the gore.” 9 Jisu sei hodagan suninei, tare amok thareilo. The tar pune-pune jadonde manusc-hunor mokkie phirinei holo, “Mui tomare hongor, Israel manuschunor moiddieo edogkie jodepode bischias gorie mui lagot no pang.” 10 Senapotibuora hobor boiebuo ghorot phiri enei aw-sugkiebuo gom oie gori lagot pelakki.Rani milie Puobuore
Jiei Tulilo
11 Tar hellie ien olo. Jisu Nain honde sohoranot gelo. Ek jhag manus ar tar onek sisjio tar loge gelak. 12 Sohoranor girie duoaranot The lungiegio, sawh, ekkuo mora manus bhar gori andon. The olode tar mabuor ekkuo gori puo elo, ar tar mabuo olode rani-milie. Sohoranottun ek jhag manus tar loge elak. 13 Sei rani-miliebuore deginei, Probuttun sit puri udilo. The tare holo, “No hanis.” 14 Sebeden Jisu hai jeinei, pallieng ghoranot dhorilo, ar bhaar gori nedonde sigune mow olak. Jisu holo, “Gabursie, mui tore hongor, uth.” 15 Mora manuschuoi udinei bojilo, ar hoda ho dorilo. Sebeden Jisu tare tar mabuore gojei dilo. 16 Thara begkune dorelak. Ar thara Itchiorore baini gorinei holak, “Amattun ek jon dangor muni nigillie. Itchiore tar manuschunor idu bereilogi.” 17 Jisur sombonde sei hoboran goda Judea dejot, ar seropala adamanit shidie gelo.
Jisu Ar Baptisma
Goridie Johone
Mot 11:2 -19
18 Johonor sisjiogune Johonore begkani holakki. 19 Johone tar di jon sisjio daginei, Jisuttun pujor goribarlottei tharare dipadelo. The ei hodagan pujor gora bajei dilo, “Ebode sibie tui ni na, nahi, ami oinnio jonore barchedong?” 20 Sei di jon sisjioi Jisur sidu lungineigoi, thara Jisure holak, “Ami tortun pujor goribarlittei, Johone amare tor idu dipadeie. The pujor gora bajei dede ‘Ebode sibie tui ni na, nahi, ami oinnio jonore barchedong?’ ” 21 Thik sei lokkene, Jisu onek manus biedittun ar bor aw-sugottun gom gorsie, ar dujto aptagun dabei di die. Onek han manuschio gom gorsie. 22 Jisu tharare uttor dinei holo, “Tumi jieni degila ar sunila, jeinei sieni Johonore hogoi: Hanune degodon, lengune adton, pharangi manuschun sudduo odon, halune sunodon, ar moragun jeda odon. Ar goribpunor sidu gom hoboran prosar gora awr. 23 Jar mor sombonde monor shiongshama nei the hoballie!” 24 Sebeden Johonor hobor boyeun janar porendi, Jisu Johonor sombonde manuschunore huo arambo gorilo, “Moruobomit tumi hi sebartei jeio? Boiere laraidie hagara sebartei jeio ni na? 25 Hintu tumi hi sebartei jeio? Doul habor ursie manus sebartei tumi jeio ni na? Suno, jakjomog habor urinei arame thande manuschun raj-ghorot no than. 26 Hintu tumi hi sebartei jeio? Muni sebartei tumi jeio ni na? Mui tomare hongor: oi, the munittun bes dangor. 27 Etar sombonde Pobitro Sastrot lega age:
‘Sawh, mor hoborboiebuo tor mujungedi padangor. The tor podtan hajei dibo.’
28 Haron, mui tomare hongor: Jedog jon miliettun jormo oion, baptisma goridie Johonottun bes huno jon dangor muni nei. Hintu Itchioro rejjiot je begottun sigon, the Johonottun bes dangor.” 29 Beg manuschune ar hajana-tulliegune sien suninei Itchioror hodagan thik bili haam helak. Haron sei doge-doge Johone tharare baptisma gori die. 30 Hintu Pharisigune ar dhormo Niom hobor pande sigune tharar nijottei bili Itchioror uddischuo-gan mani no lon. Haron thara Johonor baptismagan no manon. 31 Sebeden Probuie holo, “Ei jugor manuschun hiloi mui tulona gorim? Thara hedogkie? 32 Thara olakke ath-hola bazarot bojinei daga-dagi goronde guroguno dogkie. Thara hon:
‘Ami tomartei bashi bei dilong, hintu tumi no najila. Ami tomartei mono dugor gan gei dilong, hintu tumi no hanila.’
33 Haron Johone einei, the pidie ar angguro ros no hai. Ar tumi tare hoio, ‘Tare bhude peie.’ 34 Munischioro Puobuo einei, haba-daba gorilogi. Ar tumi ho, ‘Habubuo ar mattolliebuore sawh, the olode hajana-tulliegunor, ar pabigunor bondhu.’ 35 Hintu Itchioro gyenan tar hamanit dega jai.”
Pabi Miliebuor Pab Hema
36 Sei lokkene ek jon Pharisie Jisure bhat hebartei bolelo. 37 Sawh, sei sohoranot ekkuo pabi milie elo. Jisu Pharisibuor ghorot bhat har bili hobor peinei, the ekkuo alabaster silo shijirit tumbas tel loinei elo. 38 The Jisur pijendi thieinei hanilogi. Tar thengani sogo paniloi bhijei dinei di, tar mada sulaniloi puji dilo. The tar thengani thajei suminei sumi, tumbas tel guli dilo. 39 Pharisibuoi Jisure tar ghorot boleiede sibiei, sien deginei mone-mone holo, “Ei miliebuo pabi hinottei, ei Manuschuo judi muni ole, ei miliebuo honna ar hedogkie miliei tare dhorer the hoi paribo.”
40 Jisu tare holo, “Simon, mortun tore ekkan hoda hobar age.” Simone holo, “Guruthagur, ho.”
41 Sebeden Jisu holo, “Di jon manjie ek jon tengaδ udor diere tenga ugurei pan. Ek jone pas shot denariδ aro ek jone ponjas denari ugurei pan. 42 Harottun tengaδ ugureibar no elak hinottei, the duo jono horojchun doye gorinei mab dilo. Ikkie tharar di jonottun honna bes tare hos pebo sei?” 43 Simone uttor dilo, “Mui mone gorong, jar bes horoj mab gora oie, sibiei.” Jisu tare holo, “Tui thik hoda hole.” 44 Sebeden the miliebuor mokkie oinei Simonore holo, “Ei miliebuore tui degor ni? Mui tor ghorot einei, mor thengani dhoidibartei tui more pani no duos. Hintu the mor thengani tar sogo paniloi bhijei dinei di, tar mada sulloi puji dilo. 45 Tui more no sumos. Hintu mui sommuonggidie sittun dhorinei, the mor thengani sumi no phuroi. 46 Tui more tel madat di no duos. Hintu the mor thenganit tumbas tel guli di die.
47 Sienittei, mui tore hongor: The more baari hos pai hinottei, tar shagor pab theleio, mui mab dilung. Hintu jare ekkan gori mab die oie, the ekkan gori mab pebo.” 48 Sebeden Jisu miliebuore holo, “Mui tor pabpani mab dilung.” 49 Tar loge boji agonde sigune holak, “Pabio mab dede Manuschuo ibie honna?” 50 Jisu miliebuore holo, “Tor bischiaschane tore uddhar gorilo. Shantie jagoi.”