Kiŋwaati ki fwii ki
Pita
Fieŋ ffɨŋ fi dùŋ ə Kiŋwaati ki Pita ki fwii kɨhŋ mə
Kiŋwaati ki Pita ki fwii kɨhŋ duŋ i mà bieŋ bə bəne bə Kleto bbəŋ bə́ mà hlaama gəŋ yee bə́ nɔ̄ŋ ə bidɔhɔ mə chili chili (1 Pita 1:1). Fieŋ fiŋkuntaŋ ffɨŋ fi mà fə i hlə bieŋ kiŋwaati kɨhŋ mà duŋ bəndiɛɛ tɔŋ ŋə bəne bəhŋ ye bəne màa bə́ hlɔ̄ɔlə wuh ə bə́ dɨŋ, bə́ ŋə̀ŋ bəŋgə yu tɔ́ŋ ŋŋəŋ bə́ mà yiila ŋie ə Kleto mə. Bəndiɛɛ tɔ́ŋ ŋəbə nəni, Pita hlə ŋoo bə́ ki hlɨŋ nwaa ki Jisho Kleto nnu ŋkpe wi bə nfu wi ə kpe mə màa ŋkaachi wi lə i yá yi fiimə bwo, ə duŋ fieŋ ffɨŋ bə́ lə yee bə́ kēe fwi ə fi go, bə́ yìi bufe mə.
Bikuu bi bieŋ ə Kiŋwaati kɨhŋ mə
1:1-2 Kinchɔɔ
1:3-12 Bəŋoo ye Chu fwoo bəne
1:13–2:10 Keehnə ki kinduŋh kinchaa
2:11–4:19 Ye duŋ ə mbɛɛ Kleto yee i jə̄ bəŋgə bbəŋ i wò
5:1-11 Ye duŋ ə mbɛɛ Kleto yee i bwɔ̄kwe i baa i nɨ̀ŋ dəŋ bə bəne
5:12-14 Kihəŋgbɔŋ