Kiŋwaati ki fwii kkɨŋ Pwɔɔ mà bieŋ bə
Timɔti
Fieŋ ffɨŋ fi dùŋ ə Kiŋwaati ki Timɔti ki fwii kɨhŋ mə
Pwɔɔ mà bieŋ bə hlɔŋ ŋiaŋ nyo ju nnu yii liih duŋ lə Timɔti. Timɔti mà duŋ mbɛɛ Kleto, i mà duŋ mbɛɛ nnu kitɨŋ ki Ɛshia kitənə mə.
Bieŋ bbɨŋ Pwɔɔ bieŋ ki bi ə kiŋwaati kiih ki fwii kɨhŋ mə duŋ bitɔh. Fi fwii duŋ i yɔ̄ɔ ə fi mə i kèeh lə, yee bə́ jə̂ bwɔɔ bə keehnə kkɨŋ ki dùŋ kə duŋ nə yəəŋ ə bəne bə kimbemi mə. Kɨhŋ keehnə mà duŋ lə, Mbiŋ nnu kkə ŋə̀ŋ nu duŋ mbiŋ yiwaha, mbɛɛ duŋ ə yee i kə̄nə kinfukwoo kə, kahiŋ lə mbɛɛ kəla bieŋ bidi bbɨŋ bi dùŋ ə nələ mə bwɔɔ nnu mbɛɛ fə fwɔ wudi ye bənɨhŋ bəndi dɨŋ bieŋ bidi ləkə bənduŋ kpɛh.
Kiŋwaati kie yɔɔ dəŋ ye duŋ ə Timɔti yee i nɨ̄ŋ nimi liih ə kimbumə ki bəne bə kimbemi mə, bə ye duŋ ə yee bəne chēe Chu. I baa yɔɔ ki dɨŋ fwɔ wi bikuu bi bimbumə bi bəne bə kimbemi maa bəne bbəŋ bə́ chɨ̀nə bə́ fə̀ nimi ə bimbumə mə kənə bənduŋ. Bəŋkaanə i keeh'la Timɔti ye duŋ ə yee i nɨ̄ŋ ye mbɛɛ nimi Jisho Kleto nwaa lə.
Bikuu bi bieŋ ə Kiŋwaati kɨhŋ mə
1:1-2 Kinchɔɔ
1:3–3:16 Bikeehnə ye duŋ ə yee bə́ fə̄ bieŋ ə kimbumə mə bə ki bəche bikuu bi kimbumə mə
4:1–6:21 Bikeehnə ye Timɔti lə yee i nɨ̄ŋ nimi liih