3
Butuu budi, mah nyimi Naomi yɔɔ bə wu lə, “Kpɛɛ ŋiaa, mmi ŋŋeŋna lə nlə ŋkiɛɛ nyo nnu mə lə jə wə yee i chɨ̄nə wə.2 Kələ lə mbɛɛ nnu bə́ chee nu lə Baosh, ə mbɛɛ ə kichəŋ ki ŋkwu nyɨmə Alimele mə nnu wə dɔ̄ɔ yo sháŋ bə hlɔŋ yi bəkwɛɛ bə nimi bie ə wu sho. Kee ŋəŋ, daŋ butuu lə duŋ Baosh hlə̄ fwoo sháŋ yi bite bi bali ə bibɛɛni mə ə dɔhɔ kkɨŋ bə́ tuu kie mə.3 Wii gbo wo wə lɔɔ mɛŋ mənfu chee nuaa, wə lee bindu bwo binuaa bie ba gbaaŋ, wə bwɔ gəŋ ə dɔhɔ kkɨŋ bə́ tuu kie sháŋ ye mə. Wə kə bemi lə Baosh kələ lə wə yo həmə kə, hləŋ hləŋ bwii bwɔɔ nnu mə lə di kaa biləə biih bi kitaŋ.4 Bwɔɔ nnu i diee kaa, bwo nɔŋ həkwe gbe kinɨŋ, fwoŋ kələ dɔhɔ kkɨŋ mə lə nɔŋ kie, wə gəŋ tuuli kindu kkɨŋ i kəə kie, wə nɔŋ baha ə wu go. Mə lə yɔɔ wə fieŋ ffɨŋ wə lə fə.”5 Luth yɔɔ lə, “Nlə nfə fieŋ finhliŋ ffɨŋ wə yɔɔ lə nfə.”6 Nəni i bwɔ gəŋ ə dɔhɔ kkɨŋ bə kə kiə de bəŋ gəŋ fə dəŋ yəəŋ ye ma nyimi hə nachɛ lə wu.7 Ə chulə Boash diee bwo ŋwi, i wo njənjə ə gbo wii go gbaaŋ too gəŋ nɔŋ kinɨŋ baha ə kintu ki de kie go. Luth hlə wɛɛni tuuli bələŋge nnu i ma kəə yo ə wuh ŋii go nɔŋ baha ə wu tɨŋ8 Ə bwo chu ə butuu, i bu ŋənə. I ja fa ŋəŋ lə kpɛ nɔŋna baha ə wu tɨŋ.9 I bii bə wu lə “Ə wə nyəhə lə?” I chuu lə, “Ə mi ŋwuŋ nimi wa Luth; kəə mi bə kindu ko bənyii lə wə lə bah mi.”10 Bo-ash chuu lə, “Chu hləmə wə, ŋiaa kpɛ, fwɔ wo winuaa wwuŋ wə nyii wuhŋ nuaala ka wi fwii we. Wə yaa bələ hlɔ́ŋ yi bənəə bbəŋ bə́ dūŋ bie bə kpo ləkə bə njɨnənə kə.11 Nəni ŋiaa kpɛ, wə kə bii lə kə, nlə nfə wə fieŋ finhliŋ ffɨŋ wə biila lə nfə wə. Bəne bə fəŋ ə kwili lɨŋ mə kəla lə wə duŋ kpɛ nnu i kənə fwɔ winuaa.12 Fi duŋ chɛɛŋ lə nduŋ ə kichəŋ ki Alimelek mə. Mbɛɛ ju yo nnu i baha ə wə go bəə Naomi ka mi.13 Nɔŋ fəŋ butuu wu, həmubwaa ə mə bwo yɔɔ lə mə lə chee wə ye kpɛɛ lə, kinuaakə, ə mə nakə leki bə njə wə ə yiih li Chu bəŋ, ə nfə fi. Nɔŋ həkwe.14 Nəni, Luth nɔŋ həkwe, lə butuu kpe kwe