Seefaniya i

Kugbɔŋu kun sòoǹ

Seefaniya

puee

Tibɔkilkaal

Unimbɔti bɔnaatiliu Seefaniya nāatì Unimbɔti bɔti abin 700 kúntitam poon ní Yeesu Kriisitoo nín dɔ́miń duulinyan. An yaa yíì u péeǹ Abakuuki ki nāatì Unimbɔti bɔti. Ŋyunti ŋun u nāatì Unimbɔti bɔtee, ubɔti Joosiyaasi kaa nìn dá láá bɔ́ntì dinimbɔtinool bɔti ki dóò (kpèè 2 Bib ayil 23.1-28), ní Juuda yab beel nìn bí dinimbinaamandi poon. U sòon̄ Unimbɔti nín làá dāá tɔ̄ u-tundi puee: Unimbɔti làá sòoǹ Juuda yab nì Jeerusaleem bɔti (1.1-2.3), ki làá nàan̄ anibul ŋin māntìi tú Juuda beelee (2.4-15), ní boonee kí nyāntí Jeerusaleem tiŋkin tikpitil, ní kí kíń ki-nib bin sīntiǹ bi-ba taapuee nì biwɔfib kí ŋmā kí kpántí inifunaan kɔkɔ bimbim (3.1-20). Jeerusaleem tiŋki làá fàtīí ká ki-paaŋŋu.

Seefaniya ceeyee, Unimbɔti nibul yaa kaa nyántì binib bin dū bíǹ bi-ba nín là puee ki līntì ti-Dindaan marab nyɔkɔpuee, bi kpá kí ŋá mpèémɔnti nì Unimbɔti. Ama u lēē bin bí kitiŋ gbantin ki sīntiǹ bi-ba taapuee pu mmɔ́ɔn (2.3, 3.12).