Yeereemii timinsii
gbɔŋku
Tibɔkilkaal
Kigbambiki nee cáá ilan iŋmoo ní. Isirayeel yab maam poonee, Yeereemii nín ŋmàn̄-kì. Tibɔti tin pu kigbambikee tɔ́kɔ́ee di sá Babiloon yab janjakitil nín nìn dɔ́miń ki nāaǹ Jeerusaleem tiŋki puee ní. Nnaabu gbanti di kúntì Juuda beel din nìn sá ditimbundi ki bí di-ba puee. Tin jítì gbantee nìn ŋá kii dipoondi din ti-Dindaan nìn pōoǹ Daafiidi dooooyee ŋá fámee. U nìn pōoǹ-u yii: «A-kpátam boonee, a-naantiibi di làá nīn kàal̀ dibeel kí nīn pée cáa cá jaanjaan, di sá tiba kpá kí cìŋkì a-dicaŋkun yab beel, kun puee di dāa cáá mpɔn ní» (2 Sami 7.16).
Bin nìn ŋmátì asaluu gbanti poonee téetí ní ki dàkafī maamaaci bɔti tin nìn jítì bi-nimbilaaliyin gbantee pu, ní ki nìn bí ki pɔ̄ɔntí kí béé kun di yì-tì ní an ŋá mimmee. Ŋma di cáań sámbu gbanti kɔkɔ ní? Ti-Dindaan kalin kpántì u-nibul nannanliu tiŋman pu níii? Nì míǹ kɔkɔee, Isirayeel yab béè bi-bɔkpil. Ama ní ki téetí mun yii: «Ti-Dindaan ŋanti kaa dóò, u-neendi kaa kúntì» (Itim 3.22-23). Tibɔti gbanti baba di nìn pée kíǹ ki sá kun pu bi-mákal tɔ́kɔ́ee, min kamaa bi nìn wāĺ nì bi-nimbiliŋ tin jítèe.