Ilan 43

1 Unimbɔti, sòoǹ m-bɔti kí pɔ̀-mi,

mɔ̄tì m-pu binib bin kaa nyí-si nee cee.

Fīī-mi kí nyāntí binyimɔndambi nì binikpɔliibi nee ŋaan.

2 Unimbɔti, sii ní m sáǹ ki kɔ́.

Ba pu ní a dū-mi ki fá?

Ba pu ní ḿ nīn bí kunimbaaun

m-nannanliibi wɔ́b́-mi?

3 Yàntī ḿ wāl̀ a-walfiŋu nì a-baamɔŋyi,

í kpòotī-mi kí cùnnì a-circir jool pu,

kí cáá-mi kí bànnì a-circir kɔŋkooŋŋun.

4 Niinee ní ḿ sútí kí pìl̄ sii Unimbɔti saraafaŋŋu,

sii Unimbɔti un yàntī m bí dipɔɔpiŋkpaandinee.

M làá bɔ̀ɔ̀ kubeeu kí nyɔ̄ŋkì-si, Unimbɔti, m-Nimbɔtiu.

5 «Ba pu ní m bí kunimbaaun míǹ,

ba pu ní m yáliŋkí nì m-ba míǹ?»

M làá nīn máká Unimbɔti pu.

Tiŋman m làá nīn bí ki nyɔ́ŋkí-u,

úǹ di sá m-fiiliu nì m-Nimbɔtiu.