Krooniiki Gbɔmpeepeekaaku 2

Juuda naantiibi

1 Jaakɔb ní bi gíti yíì yii Isirayeel. U-jipɔmbi di sá Rubeen nì Simeeyɔn nì Leefii nì Juuda nì Isakaar nì Sabulɔn, 2 nì Daani nì Jooseefi nì Beenjameen nì Neefitalii nì Gaadi nì Aseer.

3 Juuda jipɔmbi di sá Eer nì Oonan nì Seera. U-nimpuu, Suuwa bisal un sá Kanaan tiŋkinee di màl̄ u-jipɔmbi gbanti taatil. Ama ní u-jipɔŋkpiliu Eer nìn ŋá tin kaa fáatiǹ ti-Dindaanee ní úǹ yāntì u kpíì. 4 Boonee ní Juuda coopu Taamaar dāa gíti màl̄-u Peereesi nì Seera. U-jipɔmbi kɔkɔ nìn nyáń biŋmoo dee. 5 Peereesi jipɔmbi di sá Eesirɔn nì Amuul. 6 Seera jipɔmbi di sá Simrii nì Eetan nì Eeman nì Kaalkool nì Daara. Bi mun nyáń binib biŋmoo dee. 7 Kaarmii jipɔɔn di sá Akaar. Úǹ di nìn cáań nnaabu ki tɔ́ Isirayeel yab pu. Di sá yii u nìn yōoǹ tiwan tin bi jáń ki fōō kujaaun bi dūu sú Unimbɔtee. 8 Eetan jipɔɔn di sá Asariya. 9 Eesirɔn jipɔmbi di sá Yeerameeyeel nì Raam nì Kaleeb un bi gíti yíì yii Keelubaayee.

10 Raam di màl̄ Amiinadaab ní Amiinadaab màl̄ Naasɔn un sá Juuda yab kpiliuee. 11 Naasɔn di màl̄ Salima ní Salima màl̄ Boowaasi. 12 Boowaasi di màl̄ Oobeedi ní Oobeedi màl̄ Jeesee. 13 Isayi jipɔŋkpiliu di sá Eeliyaab, uliliiti di sá Amiinadaab, utataati di sá Simeeya, 14 unanaati di sá Neetaneeyeel, uŋmooŋmooti di sá Radayi, 15 ululuuti di sá Ooseem ní Daafiidi sá ululuúti. 16 Bi-niisalib di sá Seeruya nì Abiigayiil. Seeruya jipɔmbi di sá Abisayi nì Joowaab nì Asayeel. Bi nyáń bita dee. 17 Abiigayiil di màl̄ Amaasa. Amaasa baa di sá Yeeteer un sá Isimaayeel maaliŋunee.

18 Eesirɔn jipɔɔn Kaleeb^a nimpoobi Asuuba nì Jeeriyɔɔti màl̄-u mbininjabiyaamu muta. Bíǹ di sá Jeeseer nì Soobaab nì Ardɔn. 19 Asuuba kúm boonee ní Kaleeb cáá Eefiraati ní úǹ màl̄-u Uur. 20 Uur màl̄ Urii ní Urii màl̄ Beesaleel.

21 Eesirɔn nín bàn̄ abin imuŋku itee ní u cáá Galaadi baa Makiir bisal ní ki màl̄ Seeguub. 22 Seeguub di màl̄ Yayiir un nìn ŋúb́ ntimu mmuŋku nì muta Galaadi tiŋkinee. 23 Ama Geesuur nì Aram bɔtiibi nìn jáń ki fōō Yayiir timbilimmu nì Keenaati tiŋki nì ntimbilimu mun bí mu-taapuee. Ntimu gbanti nìn nyáń ntimu imuŋku ita ní. Galaadi baa Makiir naantiibi di nìn kóò ntimu gbanti kɔkɔn. 24 Eesirɔn kúm boonee, Kaleeb nìn kpáfì nì u-baa Eesirɔn nimpuu Abiiya, Eefiraata tiŋkin ní ki màl̄ Aseekuur un náań Teekoowa tiŋkee.

25 Eesirɔn jipɔŋkpiliu Jeerameeyeel jipɔmpeekaau di sá Raam. Bin kíǹee di sá Buuna nì Ooreen nì Ooseem nì Akiya. 26 Jeerameeyeel gíti cáá unimpu ubɔ bi yíì-u yii Atara. Úǹ di sá Oonam na. 27 Jeerameeyeel jipɔmpeekaau Raam jipɔmbi di sá Maasi nì Yamiini nì Eekeer. 28 Oonam jipɔmbi di sá Samayii nì Yaada, ní Samayii jipɔmbi sá Nadaab nì Abiisuur. 29 Abiisuur nimpuu Abiyayiil màl̄-u Akiban nì Mooliidi. 30 Nadaab jipɔmbi di sá Seeleedi nì Apayiim. Ní Seeleedi kpíì kaa màl̄. 31 Apayiim jipɔɔn di sá Yiseeyi. Yiseeyi jipɔɔn di sá Seesan. Seesan jipɔɔn di sá Alayi. 32 Samayii naal Yaada jipɔmbi di sá Yeeteer nì Joonatan. Yeeteer kaa màl̄ ní ki kpíì. 33 Joonatan jipɔmbi di sá Peeleeti nì Saasa. Yeerameel naantiibi dee.

34 Seesan kaa cáá mbininjabiyaamu, u màl̄ nnimpubiyaamu ŋma ní. Ama Seesan cáá uyumbunaacimpɔɔn ubɔ u sá Eejipiti tiŋkin ní bi yíì-u yii Yaara. 35 Ní Seesan lēē u-bisalib ubɔ ki tīī u-yumbuu gbanti u cáá, ní ki màl̄ Atayii. 36 Atayii di màl̄ Naatan ní Naatan màl̄ Sabaadi. 37 Sabaadi màl̄ Eefilaal ní Eefilaal màl̄ Oobeedi. 38 Oobeedi màl̄ Jeewuu ní Jeewuu màl̄ Asariya. 39 Asariya màl̄ Eeleesi ní Eeleesi màl̄ Eelaasa. 40 Eelaasa màl̄ Siismayi ní Siismayi màl̄ Saluum. 41 Saluum màl̄ Jeekamiya ní Jeekamiya màl̄ Eeliisama.

42 Jeerameeyeel naal Kaleeb naantiibi di sá u-jipɔŋkpiliu Meesa, Siifi baa biyaamu nì Mareesa, Eebrɔn baa naantiibi. 43 Eebrɔn jipɔmbi di sá Koora nì Tapuuwa nì Reekeem nì Seema. 44 Seema di màl̄ Rakam ní Rakam màl̄ Jɔɔrkeeyam. Reekeem di màl̄ Samayii. 45 Samayii màl̄ Mawɔn ní Mawɔn màl̄ Beeti-Suur. 46 Kaleeb gíti cáá unimpu ubɔ bi yíì-u yii Eefa. Eefa di màl̄ Aran nì Moosa nì Gaseesi. Aran mun màl̄ kibininjabiki ní ki pú-kì diyindi yii Gaseesi. 47 Yaadayi jipɔmbi di sá Reegeem nì Jootam nì Geesan nì Peeleeti nì Eefa nì Saafi. 48 Kaleeb gíti cáá unimpu ubɔ bi yíì-u yii Maaka. Maaka di màl̄ Seebeer nì Tiirana. 49 Boonee ní Maaka dāa gíti màl̄ Madimana baa Saafi, ní ki kútì Makibeena nì Giibeeya baa Seefa. Kaleeb cáá bisal ubɔ, bi yíì-u yii Akisa.

50 Kaleeb dicaŋkun yab bin kíǹee sèé: U-nimpuu Eefiraata jipɔŋkpiliu Uur jipɔmbi nìn cáá mbininjabiyaamu muta. Múǹ di sá Soobaal un náań Kiiriyati-Yeeyariim tiŋkee, 51 nì Salima un náań Beetileem tiŋkee, nì Areefi un náań Beeti-Gadeer tiŋkee. 52 Soobaal un náań Kiiriyati-Yeeyariim tiŋkee naantiibi di sá binib bin kóò Aroowee tiŋkinee nì bin kóò Meenuwɔti tiŋkinee dijandi, 53 nì Kiiriyati-Yeeyariim yab nín pēē pēē mmaal puee, an dàkà yii Yitirii yab nì Puuti yab nì Suuma yab nì Miisiraa yab. Binib gbanti kansikin biba di sá Soora tiŋki yab nì Eesitawool tiŋki yab.

54 Salima naantiibi di sá Beetileem tiŋki yab nì Neetoofa tiŋki yab nì Atarooti-Beeti-Joowaab tiŋki yab nì Manaati tiŋki yab dijandi nì Koora yab, 55 nì bigbannyiliibi bin kóò Jabeesi tiŋkin ki nóó nì bi nín pēē pēē mmaal puee, an dàkà yii Tiirati yab nì Simeeya yab nì Suuka yab. Bíǹ di sá Keen yab bin nyánní Amaati maaliŋun, ki sá Reekaab yab naanjee.