Dinyeel 36

Eesayuu naantiibi yiŋŋi

1 Eesayuu un bi gíti yíì Eedoomee naantiibi yiŋŋi sèé. 2 Eesayuu cáá Kanaan tiŋkin ní binimpoobi. Ada un nìn sá Eelɔn, ueetija bisalee nì Ooliibama un nìn sá Ana bisal nì Siibeeyɔn ueefija naantiiuee. 3 U nìn gíti cáá Isimaayeel bisal Basmaati, Neebayɔti niisal. 4 Ada nìn màl̄-u Eeliifaasi, ní Basmaati màl̄-u Reewuyeel, 5 ní Ooliibama màl̄-u Yeewusi nì Yalaam nì Kɔɔra. Mbininjabiyaamu mun Eesayuu màl̄ Kanaan tiŋkinee dee.

6 Boonee Eesayuu yōoǹ u-nimpoobi nì u-jipɔmbi nì u-bisalib nì binib bin kɔkɔ pée bí u-dicaŋkunee, nì u-waŋkuti kɔkɔ nì tigaajati tin kɔkɔ u kāl̀ Kanaan tiŋkin ki kée ki yíkìi búntì kitiŋ kiba poon ki wāatì u-naal Jaakɔb. 7 Di sá yii bi nìn cáá tigaajati tikpil, ní kitiŋ kin poon bi kóòyee kaa nìn gíti bà-bi, kun puee bi-waŋkuti nìn būtì tikpil. 8 Míǹ pu ní Eesayuu, un bi gíti yii Eedoomee, cūtìi kóòń Seeyiir jool pu.

Eesayuu naantiibi

9 Eedoom yab bin nìn kóò Seeyiir jool puee naanja Eesayuu maaliŋu yab yiŋŋi sɔ̀.

10 Eesayuu jipɔmbi yiŋŋi sèé. U-nimpuu Ada jipɔɔn di sá Eeliifaasi, ní u-nimpuu Basmaati jipɔɔn sá Reewuyeel. 11 Ní Eeliifaasi jipɔmbi sá Teeman nì Oomaar nì Seefoo nì Gatam nì Keenaasi. 12 Eeliifaasi nìn gíti cáá unimpuliliiti ubɔ bi yíì-u Tiimina. U mun màl̄-u kibininjabiki bi yíì-kì Amaleeki. Eesayuu nì u-nimpuu Ada naantiibi dee.

13 Reewuyeel jipɔmbi di sá Naati nì Seera nì Sama nì Miisa. Eesayuu nì u-nimpuu Basmaati naantiibi dee. 14 Eesayuu nimpuu Ooliibama un sá Ana bisal nì Siibeeyɔn naantiiuee úǹ màl̄ Yeewusi nì Yalaam nì Kɔɔra.

15 Eesayuu maaliŋu poon bin sá adican kpilibee yiŋŋi di sá Teeman nì Oomaar nì Seefoo nì Keenaasi 16 nì Kɔɔra nì Gatam nì Amaleeki. Bi nìn kóò Eedoom tiŋkin ní. Eesayuu nì u-nimpuu Ada jipɔŋkpiliu Eeliifaasi jipɔmbi dee.

17 Eesayuu jipɔɔn Reewuyeel maaliŋu poon bin sá adican kpilibee yiŋŋi di sá Naati nì Seera nì Sama nì Miisa. Bi nìn kóò Eedoom ní ki sá Eesayuu nì u-nimpuu Basmaati naantiibi.

18 Eesayuu nimpuu Ooliibama, Ana bisal jipɔmbi bin sá adican kpilibee yiŋŋi di sá Yeewusi nì Yalaam nì Kɔɔra.

19 Eedoom yab dicaŋŋi kpilib dee, ní bi-kɔkɔ sá Eesayuu naantiibi.

20 Bin nìn péé péé ki kāl̀ Eedoom tiŋkinee di sá uoorja Seeyiir naantiibi. Bi-yiŋŋi di sá Lootan nì Soobaal nì Siibeeyɔn nì Ana 21 nì Diisɔn nì Eeseer nì Diisan. Bíǹ di nìn sá Oori yab, Seeyiir jipɔmbi bin nìn kāl̀ Eedoom tiŋkinee dicaŋŋi kpilib. 22 Lootan jipɔmbi di sá Oori nì Eemam ní u-niisal sá Tiimina. 23 Soobaal jipɔmbi di sá Alfan nì Manaati nì Eebaal nì Seefoo nì Oonam. 24 Siibeeyɔn jipɔmbi di sá Aya nì Ana. Ana gbanti di sá un dāa nìn ká dinyimbɔbil diba kuteeun ŋyunti ŋun u nìn bíi kpàá u-baa Siibeeyɔn mammuee. 25 Ana jipɔɔn di sá Diisɔn ní u-bisal sá Ooliibama. 26 Diisan jipɔmbi di sá Eemidan nì Eesban nì Yitiran nì Keeran. 27 Eeseer jipɔmbi di sá Biiliyan nì Saafan nì Yaakan. 28 Diisan jipɔmbi di sá Usi nì Aran.

29 Oori yab bin nìn sá adican kpilibee di sá Lootan nì Soobaal nì Siibeeyɔn nì Ana 30 nì Diisɔn nì Eeseer nì Diisan. Bíǹ di nìn sá Oori yab dicaŋŋi kpilib Seeyiir tiŋkin ki dī nì bi-dicaŋŋi nín sá puee.

31 Bibɔtiibi bin kāl̀ abee Eedoom tiŋkin ki wāatì ní Isirayeel yab nín kíĺ dibeel Isirayeel tiŋkinee sèé. 32 Beewɔɔr jipɔɔn Beela kāl̀ dibeel Eedoom tiŋkin. U nìn sá Diinaba tiŋkin ní. 33 Beela kpíì ní Seera jipɔɔn Joobaab un nìn sá Boosiraa tiŋkinee fōō dibeel. 34 Joobaab kpíì ní Usaam un nìn sá Teeman yab tiŋkinee fōō dibeel. 35 Usaam kpíì ní Beedaadi jipɔɔn Adaadi fōō dibeel. Úǹ di nìn kūū Madiyan yab Moowaab tiŋkinee. U-tiŋki di sá Afiiti. 36 Adaadi kpíì ní Samla fōō dibeel. U nìn sá Masireeka tiŋkin ní. 37 Samla kpíì ní Saayuul fōō dibeel. U nìn sá Reewoobooti, kitiŋ kin nìn bí Eefiraati mɔɔkpaandi caŋinee ní. 38 Saayuul kpíì ní Akibɔɔr jipɔɔn Baal-Aani fōō dibeel. 39 Akibɔɔr jipɔɔn Baal-Aani kpíì ní Adaar fōō dibeel. U nìn sá Pawu tiŋkin ní. U-nimpuu di nìn sá Matireedi bisal Meetabeel, Meesayaab naantiiu.

40 Eesayuu maaliŋu poon bɔtiibi nì bi-naakɔti nì bi-timmu nì bi-yiŋŋi di sá Tiimina nì Aliwa nì Jeeteeti 41 nì Ooliibama nì Eela nì Piinɔn 42 nì Keenaasi nì Teeman nì Miibsaar 43 nì Magidiyeel nì Iram. Eedoom tiŋki bɔtiibi nín sá puee dee, ubɔti kamaa nì u-tiŋki kin pu u kóò ki yèe.

Eesayuu di sá Eedoom yab naanja.