Dinyeel 5

Adam naantiibi bɔti

1 Adam maaliŋu bɔti sɔ̀.

Ŋwiin ŋun Unimbɔti náań unilee, u nìn náań-u ki nántiǹ úǹ u-ba ní. 2 Uninja nì unimpu ní u nìn náań. U nìn bīiǹ bi-boon ní ki pú-bi diyindi yii unil^a.

3 Adam bàn̄ abin dilaataal nì mmuŋku nì saalaa ní ki màl̄ kibininjabiki ki nántiǹ úǹ u-ba naŋku, ní ki pú-kì diyindi yii Seeti. 4 Adam nín màl̄ Seeti boonee, u gíti ŋá abin alaataa anii ní. U nìn gíti màl̄ mbininjabiyaamu nì nnimpubiyaamu ki kútì. 5 Abin ŋin kɔkɔ Adam ŋá ní ki nín kpíìyee kpáfì abin alaataa awa nì abin mmuŋku nì saalaa ní.

6 Seeti ŋá abin dilaataal nì abin aŋmoo ní ki màl̄ Eenɔsi. 7 Seeti nín màl̄ Eenɔsi boonee, u gíti ŋá abin alaataa anii nì abin aluli ní. U nìn gíti màl̄ mbininjabiyaamu nì nnimpubiyaamu ki kútì. 8 Abin ŋin kɔkɔ Seeti ŋá ní ki nín kpíìyee kpáfì abin alaataa awa nì abin saalaa nì ali ní.

9 Eenɔsi ŋá abin imuŋku inaa nì saalaa ní ki màl̄ Keenan. 10 Eenɔsi nín màl̄ Keenan boonee, u gíti ŋá abin alaataa anii nì abin saalku ní. U nìn gíti màl̄ mbininjabiyaamu nì nnimpubiyaamu kí kútì. 11 Abin ŋin kɔkɔ Eenɔsi ŋá ní ki nín kpíìyee kpáfì abin alaataa awa nì abin aŋmoo ní.

12 Keenan ŋá abin imuŋku ita nì abin saalaa ní ki màl̄ Maalaleeyeel. 13 Keenan nín màl̄ Maalaleeyeel boonee, u gíti ŋá abin alaataa anii nì abin imuŋku ili ní. U nìn gíti màl̄ mbininjabiyaamu nì nnimpubiyaamu ki kútì. 14 Abin ŋin kɔkɔ Keenan ŋá ki nín kpíìyee kpáfì abin alaataa awa nì abin saalaa ní.

15 Maalaleeyeel ŋá abin imuŋku ita nì abin aŋmoo ní ki màl̄ Jeereedi. 16 Maalaleeyeel nín màl̄ Jeereedi boonee, u gíti ŋá abin alaataa anii nì abin mmuŋku nì saalaa ní. U nìn gíti màl̄ mbininjabiyaamu nì nnimpubiyaamu ki kútì. 17 Abin ŋin kɔkɔ Maalaleeyeel ŋá ki nín kpíìyee kpáfì abin aŋmoo kpá alaataa awa ní.

18 Jeereedi ŋá abin dilaataal nì imuŋku ita nì abin ali ní ki màl̄ Eenɔki. 19 Jeereedi nín màl̄ Eenɔki boonee, u gíti ŋá abin alaataa anii ní. U nìn gíti màl̄ mbininjabiyaamu nì nnimpubiyaamu ki kútì. 20 Abin ŋin kɔkɔ Jeereedi ŋá ki nín kpíìyee kpáfì abin alaataa awa nì imuŋku ita nì abin ali ní.

21 Eenɔki ŋá abin imuŋku ita nì abin aŋmoo ní ki màl̄ Matusaleem. 22 Eenɔki nín màl̄ Matusaleemee, u nóó Unimbɔti deedee áli abin alaataa ata. U nìn gíti màl̄ mbininjabiyaamu nì nnimpubiyaamu ki kútì. 23 Abin ŋin kɔkɔ Eenɔki kāl̀ kitiŋ puee kpáfì abin alaataa ata nì imuŋku ita nì abin aŋmoo ní. 24 Eenɔki nìn nóó Unimbɔti deedee, an puee Unimbɔti yōoǹ-u baa ti ká-u^b.

25 Matusaleem ŋá abin dilaataal nì imuŋku inaa nì abin aluli ní ki màl̄ Leemeeki. 26 Matusaleem nín màl̄ Leemeeki boonee, u gíti ŋá abin alaataa aluli nì imuŋku inaa nì abin ali ní. U nìn gíti màl̄ mbininjabiyaamu nì nnimpubiyaamu ki kútì. 27 Abin ŋin kɔkɔ Matusaleem ŋá ki nín kpíìyee kpáfì abin alaataa awa nì imuŋku ita nì abin awa.

28 Leemeeki ŋá abin dilaataal nì imuŋku inaa nì abin ali ní ki màl̄ kibininjabiki. 29 U nìn pú-kì diyindi yii Noowa^c ní ki bí yii: «Un bí nee di làá cáań-ti dipɔɔsɔŋkil ti-Dindaan nín tɔ́ kitiŋ mbusu ti kɔ́ agìŋ́kpaan ŋin poonee.» 30 Leemeeki nín màl̄ Noowa boonee, u ŋá abin aŋmoo kpá alaataa aluu. U nìn gíti màl̄ mbininjabiyaamu nì nnimpubiyaamu ki kútì. 31 Abin ŋin kɔkɔ Leemeeki ŋá ki nín kpíìyee kpáfì abin alaataa aluli nì abin ata kpá imuŋku inaa ní.

32 Noowa nìn cáá abin alaataa aŋmoo ní ki màl̄ Seem nì Kaam nì Jaafeeti.