Zãn i

Le Dónbeenì bín-tente vũahṹ na ó o

Zãn

túara

Vũahṹ túaró ɲúhṹ

O Zãn na hĩ́a lé o Yeesu nì-kenínia nì-kéní lé wón túara ho vũahṹ na kà. O sansan wee bío míten bìo, ò o le o nì-kenínii ɓúi (18.15), tàá o nì-kenínii na ó o Yeesu wa (13.23; 19.26; 20.2; 21.7, 20,41).

Bìo o Matiye là a Maaki là a Luki túara cɛ̀rɛ̀ɛ ó orɛ́n wã́a yí bĩnía yí tò yi mí vũahṹ yi. Bìo o Zãn túara mí vũahṹ lé bìo kà:

1. O zéenía le o Yeesu lé le Dónbeenì bíonì na wi fɛ́ɛɛ, le o wó míten là a nùpue á ɓueé kará làa wɛn. O zéenía bìo ó o Zãn Batiisi fɛɛra a Yeesu tũ̀iá poni dã́ní yi. O mu zéenía bìo ó o Yeesu fòráa mín lè ɓa nùpua lè mí sìíwà (1).

2. O Zãn zéenía le o Yeesu ló le Dónbeenì cɔ̃́n, á mún zéenía bìo o Yeesu kàránna lè ɓa nùpua (2–12).

3. O zéenía bìo ó o Yeesu kàránna lè mí nì-kenínia ho tĩ́nàahṹ na ɓa wìira a yi (13–17).

4. O Zãn bía bìo wó a Yeesu yi bìo (18–19).

5. Ho vũahṹ vaa véeníi, ó o mún bía a vèeró, làa bìo ó o zéeníanáa míten lè mí nì-kenínia mí vèeró mɔ́n bìo (20–21).