Bè-wénia i

O Yeesu tonkarowà

Bè-wénia

vũahṹ

Vũahṹ túaró ɲúhṹ

Ho vũahṹ na kà lé o Luki vɔ̃nna bìo ɲun níi na o túara.

Bìo zéenía wéréwéré ho vũahṹ mu yi, lé bìo ɓa kèrètĩ́ɛwa kuure wee déráa wán ká le wà:

1. O Yeesu yòoró ho wáayi lè le Dónbeenì Hácírí liiró o nì-kenínia wán bìo (1.1–2.36).

2. Ɓa kèrètĩ́ɛwa kuure ɲúhṹ ɓúaró ho Zeruzalɛɛmu yi o Yeesu yòoró ho wáayi mɔ́n (2.37–7).

3. Le bín-tente bueró ho kɔ̃hṹ lùa na ká yi bìo (8–12).

4. Bìo le wó wó dɔ̃nnáa ho dĩ́míɲá kãna ɓúenɓúen yi (13–28).

Ho vũahṹ mu yi á wa mún ǹ mi le lònbee lè mí sìíwà na ɓa kèrètĩ́ɛwa kuure kã́a yi.

Mu bìowa na bìo bía ho vũahṹ mu yi, lé bṹn hɛ́ra ho tonló na ɓa kèrètĩ́ɛwa ko a ɓa sá lɛ́n fɛ́ɛɛ ɲii: O Yeesu *Krista bín-tente bueró ho dĩ́míɲá lè mí kùaráa ɓúenɓúen yi.