Timote ta Tesaloniki ʊ Pol kan a zukuuro kɩ tɔ ra
3
Yɩ a ʊ ncɩnaaʊ,
kʊ wɔɔ n'a ŋʊam kʊ awɔɔ yɩ,
bɩ wɔɔ bɩr ʊ dam ma bɩ,
wɔɔ n kɔ ʊ lɛ sa,
ʊ ʊ k'ʊ gɔɔta ʊ minto Atɛnnɩ ʊ.
2 A m bɩ,
wɔɔ n'ʊ danyɩ Timote nyɔɔ,
wɔɔ zibəəkɔɔn m an nɩ Woso zi bam Krista lemim nyɩnta bɩ padarɛ nɔ ʊ.
A nyɔɔ wɔɔ ʊ awɔɔ ma k'an awɔɔ paŋŋa da ra,
an awɔɔ heer yo a sɩrakarɛ nɔ ʊ,
3 k'an bɩr yɩrɛ ɩ ʊ,
awɔɔ gɔsɩ b'a bɔ a jɛ m fɩr k'awɔɔ n'a yɩm naa minto y.
Bala,
awɔɔ dɔ a ʊ,
Woso zaa bɩ nɔ ʊ,
pakra m kʊ wɔɔ n fɩr yɩ.
4 Nyɩnta kʊ wɔɔ ʊ awɔɔ zi b'ʊ bɩ,
wɔɔ ser ka ʊ a hɩ awɔɔ m,
ʊ ʊ,
pakra m kʊ wɔɔ n fɩr yɩ,
b'awɔɔ dɔ,
a ʊ,
hɔ kʊ wɔɔ hɩ b'ɩ ba bɩ.
5 Naa tɔ ma m,
kʊ mɔɔ n m da ma dɔ,
m bʊr m ma kʊ m awɔɔ mim dɔ bɩ,
mɔɔ n Timote nyɔɔ,
k'an awɔɔ sɩrakarɛ mim dɔ,
k'an b'a hɩ m m.
Bala,
mɔɔ da bɔ ʊ,
mɔɔ ʊ,
ɩ b'a ka Sʊtaana n awɔɔ makra ba,
awɔɔ m sɩrakarɛ to,
zi kʊ wɔɔ ba awɔɔ zi bɩ n bɔ vam y.
6 Bɩ kɛɛrɛ naa,
Timote a to awɔɔ zi b'ʊ an bʊr,
a lemim nyɩnta hɩ wɔɔ m,
awɔɔ sɩrakarɛ kan awɔɔ ŋʊarɛ kɩ mim bɩncɛ ʊ,
a a hɩ,
a ʊ,
wɔɔ tɔ gɔɔta an awɔɔ nɔ ʊ nyɩnta,
bɩ amba wɔɔ lɛ n taa k'ʊ ʊ ya,
ʊ awɔɔ yɩ bɩ,
awɔɔ lɛ taa k'a a ya,
awɔɔ yɩ sɔ.
7 Ʊ danyɩnɔ,
yɩ a ʊ ncɩnaaʊ awɔɔ sɩrakarɛ minto bɩ,
wɔɔ n heerkoodəbaa yɩ,
ʊ fɩryɩrɛ kan ʊ makrarɔ kɩ nɔ ʊ.
8 Bala,
wɔɔ ɩ heernyɔɔ m kɛɛrɛ ɩ ʊ,
mɩsɩrbaa daa wɔɔ yɩ,
k'awɔɔ nɩ jɩnɩm kɔɔkɔɔ Zuuba zuure nɔ ʊ bɩ minto.
9 Awɔɔ tɔ ma,
wɔɔ b'ʊ dam ma ʊ Woso barka da,
ʊ a nya y,
heernyɔɔ gʊta k'awɔɔ n'a kam wɔɔ ʊ a taa bɩ minto.
10 Sinuu ʊ kan gunuu ʊ kɩ wɔɔ y'a yɛm han gʊta,
k'an a ka k'ʊ ʊ da ma,
ʊ awɔɔ yɩ k'ʊ hɔ k'a jɩra awɔɔ sɩrakarɛ ma bɩ na awɔɔ m ma.
11 Wɔɔ gɔɔta ʊ n'a yɛm wɔɔ Zɩ Woso mɩŋŋa kan wɔɔ Zuuba Yeezuu kɩ han,
kʊ ŋ nɩ wɔɔ zaa banka k'ʊ ʊ da ma,
ʊ bʊr awɔɔ zi.
12 Wɔɔ y'a yɛm kʊ Zuuba n a ka k'awɔɔ ŋʊarɛ kan kʊ kɩ kan gʊɔɔ haay kɩ bɩ n a da ra an bɩr tam lɛɛ tee…,
amba wɔɔ n'awɔɔ ŋʊam bɩ m.
13 K'an a ba maam,
an awɔɔ heer yo,
k'awɔɔ m bɩr mɩŋŋa,
mim ba awɔɔ gʊr zi wɔɔ Zɩ Woso taa y,
hinni kʊ wɔɔ Zuuba Yeezuu n nɩ zɛŋ ʊ kan a gʊɔɔ kɩ haay bɩ tɔ ma.