Ci kʊ Pol a ba
KOLƆƆSƖ ZANNƆ
ma
Ci kʊ Pol a ba Kolɔɔsɩ zannɔ ma bɩ
gasʊʊrɛ
Pol ɩ ci bɩ ba. A ba a ʊ Efɛɛzɩ zannɔ ci bɩ barɛ dɔmɩm ʊ. Kolɔɔsɩ kʊ bɩ, Pol mɩŋŋa n ta b'ʊ y, a zibəəkɔɔn deem k'a tɔ m Epafras kʊ m, b'ɩ lemim nyɩnta bɩ pa da ʊ sɔ.
Ci bɩ ba Pol ʊ, bɩ ma bɩ, a ɩ lɔnnɔcɛ ʊ Rɔm ʊ. Ci bɩ ba a ʊ, k'a Kolɔɔsɩ gʊɔɔ wɔɔ bɔ zaa ʊ ʊ, kʊ ŋ bɩ zu ŋʊaarhɔdɩndarɛ ʊ y, bala, gʊɔɔ ɩ ba hɩ ŋ nɩ, ŋ ʊ, pakra m kʊ ŋ nɩ fɩr ka a mɩŋŋɔɔ ma ziro ba, kan baŋŋʊgasʊrɛ kɩ, minno vantɔɔ kɩ. Bɩ y'a ka Pol n ci ba k'a hɩ ŋnɩ a ʊ, Yeezuu Krista bala nɩ gʊaa bʊmbɔm fasɩ.
Ci b'ɩ mɩsɩrbaa kʊ kristagʊɔɔ a ga m ŋn'a ba bɩ hɩnkam. Bɩ, Krista wɔɔ ʊ ga m ʊ yo ma, ʊ gɔɔta kan kɩ dɔmɩm haay, an nɩ wɔɔ yɔm lɔmbaa do haay wɔ ʊ.