Mbinɔ Anja sinde
Malekɔ
ai aandeki nee
Moo a yɔnga
Mbinɔ Anja nde Malekɔ ai aandeki nde a nde ketabo moti angala ketabo ini nda mosá asuba a Nsaeɔ nda mbènɔ-mbènɔ, inde atɔmii lenda la Yesu Kilisitɔ. Ketabo moti na moti, nd'asuba a ketabo nda ini nde, bakoga yu bate «Mbinɔ Anja». Ai baandeki ketabo nda ini nde nde mbusa a kukua la Yesu.
Bande ai baandeki ketabo nda ini nde a nde Matayo, Malekɔ, Luka na Yɔani. Mbinɔ Anja nda Malekɔ nde yɛu a nde ketabo engbi kpɛɛ angala ind'atɔɔ bhulibhu, na iyu yɛu ai baandeki mosá la ind'atɔɔ, mbusa a bɔtɛana la Yesu. Basɔmi bati balebei bende Mbinɔ Anja nde ai baandeki nde a nji nda Lɔma. Na indɔ ai nde nga dhodea la meema a baKilisitɔ nde bai naa Lɔma.
Malekɔ nde ai aúbhianani bía ngolisi nde ma Pɔlɔ bona Balanaba. Boumu laɛ ai aujuani nde mbènɔ nde akɔ́mi nee sɔndɔlisana la bona Pɔlɔ a tamba ndaɛ nda kotetei (Ɛkɔl 13.13). Mbusa indɔ Malekɔ ai batambi go na Balanaba (Ɛkɔl 15. 37-39), ago ai nde dha Pɛtɛlɔ (1 Pɛt 5.13).
Asuba a ketabo nde, Malekɔ ayɔngi éma ati a yɔnga la ja la ngolisi nde ma Yesu, na a egolisi a Yesu a yɔnga la mbènɔ a sungia la lɛɛngɔ. Malekɔ aandeki éma ntuantua nde Yesu ai akɔli na lɛɛngɔ na bolabhɛ nde ai aelabheligi bato, kukua na jujua laɛ a kukua.
Buanaga la ketabo
(1.1-13) Kɛngɛtisa la ketabo
(1.9-13) Nkási nda Yesu naa Galilaya
(8.22—10.52) Yesu agee naa Yɛlusalɛma
(11.1—16.8) Nkási nda Yesu naa Yɛlusalɛma, kukua na jujua laɛ angala bàku.