Isa Al Masih eded̄u Imam Agung ndaita
8:1-13
8
Isina ma penti d̄i ade sara'a ra nuntu b̄a ndai ede eded̄u: Ndaita ntau Imam Agung ma b̄une ede, ma doho parenta sama-sama lab̄o Allah Ta'ala Mana'e ro ntoru d̄i saroga. 2 Sia kalampana taki ro puta kai Imam Agungkaina d̄i ^Bili Mawancu Raso, eded̄u d̄i ade Kema Ruma ma sapodakaina, ra tu'u b̄a Ruma, laina ra tu'u b̄a manusia.3 Sanikina mana'ekai imam-imam rahanta d̄imad̄onggo ro mbei koroba atao d̄onggo ro mbei d̄i Allah Ta'ala. Ndede rau Imam Agung ndai; Sia pab̄uaku ntauna au-au ^di^donggo ro mbeina. 4 Misampara Sia wara d̄i ade dunia ake, Sia wati d̄imandad̄i imam, b̄ara wa'ura wara imam ma d̄onggo ro mbei koroba ma pab̄ua d̄ikalampa b̄une ra raparentakai b̄a hukum Taurat. 5 Karawi d̄ikalampa b̄a siad̄oho kai imamkaina ede sapodakaina sab̄ua conto ro ninu ra d̄i ma wara d̄i saroga. Ede wa'ura ngoa b̄a Allah Ta'ala d̄i la Musa ntoina, wakatu la Musa ma ne'e tu'u Kema Ruma. Allah Ta'ala ma nggahi ndake d̄i la Musa, <<Kawarapu! Samenana ede pab̄uapu ndawimu b̄une conto ra tei d̄i nggomi ese wawo doro.>> 6 Pala ake Isa Al Masih maraka taki ro puta kai Imamkai-Na ma d̄o'o ncewi d̄ese ro ntasa ntewikaisi lab̄o ra karawi b̄a imam-imam ede. B̄a one sake ra ndawi b̄a Sia d̄i ade weki Allah Ta'ala ro manusia, eded̄u sake ma ncewi taho b̄ara kai dasa sake d̄i ru'u b̄a lampa rawi-lampa rawi ma ncewi taho.
7 Nggara watisi wara makura d̄i sake ma sarambakai ntoina, ndad̄i wati paraluna ndawi wali sake ma ka^duakaina. 8 Pala Allah Ta'ala wa'ura rumpana mancara d̄i ela-Na, ndad̄ina nggahi Allah Ta'ala,
<<Kawarapu, d̄imaraka wakatuna,
Nahu ^dimandawina sake ma b̄ou lab̄o bangsa Israel,
ro lab̄o bangsa Yehuda.
9 Laina b̄une sake randawi b̄a Nahu lab̄o wa'i ro waro siad̄oho
aipu wakatu Nahu wa'a kalosaku siad̄oho ra d̄i dana ro rasa Mesir.
Siad̄oho wati to'ana d̄i sake ra ndawi b̄a Nahu lab̄o sia^doho;
b̄ara ndedena Nahu wati kandad̄i auku siad̄oho.
10 Pala ake, akeku sake ^dindawi b̄a Nahu lab̄o ela ro dou Israel
d̄i ainaina-ainaina ma kento, nggahi Ruma:
Nahu ^dimatoho hukum-Ku d̄i ade fiki ro kananu siad̄oho,
ro matuntina d̄i ade siad̄oho.
Nahu d̄imandad̄i Allah Ta'ala siad̄oho,
ro siad̄oho d̄imandad̄i ela Nahu.
11 Siad̄oho wati paraluna ngoa ro tei d̄i sasama ela ro douna,
atao mangoa d̄i cinana,
<Patapu Ruma.>
B̄ara siad̄oho sara'ana, ma to'i ro ma na'e,
^dimapata Nahu.
12 Nahu ^dimakangampu weana ncara ro kancaru siad̄oho,
ro Nahu wati ^dimakawara wali dosa-dosa siad̄oho.>>
13 Kai katada au ra sake ma b̄ou, Allah Ta'ala ndawina sake ma sarambakaina ede ndad̄i tua ro mpasa; ro au ra ma wa'ura tua, ^dimambora roci rau.