5
Sanikina imam agung rakad̄ale d̄i ade weki ela Ruma, ro rahanta d̄imakarawi wea d̄i ru'u b̄a Allah Ta'ala. ^Ditaki karawina eded̄u d̄imad̄onggo ro mbei d̄i Allah Ta'ala au ra mbei ro koroba-koroba kangampukai dosa. 2 Ndai imam agung ede namapu ro kura d̄i ade mboto pahu lampa rawi, b̄ara ndedena sia naloa mapu nggahi ro elina d̄i dou-dou ma wati b̄ade au-au ro ma santuda mori ro wokona. 3 Ro b̄ara ndai sia namapu ro kura, ndad̄i sia pab̄uaku d̄onggo ro mbeina koroba, laina b̄ara dosa-dosa ela Ruma mpoa, pala b̄ara dosa-dosa ndai rauna. 4 Wati wara kone sab̄ua dou rau ma hanta weki ndaina ndad̄i imam agung. Dou ndad̄ikaina imam agung, nggara ka^dalesi b̄a Allah Ta'ala d̄i ru'u b̄a taki ro puta ede – sama b̄une la Harun.5 Ndede rau Al Masih. Sia wati hantana weki ndai-Na ndad̄i Imam Agung. Ndai Allah Ta'ala ma rahantana Sia. Nggahi Allah Ta'ala d̄i Sia,
<<Nggomiku Ana Nahu;
d̄i ainaina ake Nahu mandad̄i Ama-Mu.>>
6 D̄i ayat makalai Allah Ta'ala nggahi rauna,
<<Nggomi eded̄u Imam santoi-ntoina,
b̄une Imam Melkisedek.>>d
7 Aipu wakatu Isa Al Masih morina d̄i dunia ake, Sia do'ana ro rahona kai nangi ro kanggicana d̄i Allah Ta'ala, ma wa'una kasalama Sia ra d̄i madekaina. Ro b̄ara Sia to'ana d̄i Allah Ta'ala kai b̄ini b̄a lia ro horoma, ndad̄i Sia ringa ro kade'e b̄a Allah Ta'ala. 8 Isa Al Masih eded̄u Ana Allah,2 pala konena ndede, Sia tana'o ndad̄i to'a kai ncai susa ro ncoki-Na. 9 Ndad̄i sawa'u b̄a Sia kanggorina taki kai mpuruna, Sia ndad̄i fu'u b̄a salamakai ma ede ro hid̄i d̄i ru'u b̄a samenana dou ma to'a d̄i Sia, 10 ro Allah Ta'ala rau kandad̄ina Sia mandad̄i Imam Agung, b̄une Imam Melkisedek!e
Ngoa ro kawara
5:11–6:12
11 Mab̄oha ka'ada'an Isa Al Masih mandad̄i Imam Agung, wara mboto ma paralu d̄ingoa b̄a nami d̄i ru'u b̄a nggomid̄oho, pala nanggonggiku d̄i ngoa kab̄ae b̄ara nggomid̄oho ngeri poda loamu ka'ao. 12 Sapodakaina wa'ura raka wakatuna d̄i ru'u b̄a nggomid̄oho ndad̄i guru, pala nggomid̄oho mbuipu paralumu tana'o d̄i dou makalai mab̄oha isina ma penti ra d̄i ngoa ro tei b̄a Allah Ta'ala. Nggomid̄oho watipu wa'umu tarima ngaha ro nono ma tera; nggomid̄oho mbuipu pab̄ua nonomu susu mpoa. 13 Dou ma mbuipu nono susu, ede aona sia mbuipu to'i keana; sia watipu loana ka'ao mab̄oha au ma ncihi ro au ma ncara. 14 Ngaha ro nono ma tera eded̄u d̄i ru'u b̄a dou mana'e ro tua kananuna b̄ara wa'ura tua fiki ro kananu, nawa'ura loa pata cengga b̄e ma taho ro b̄e ma iha.