2
‘‘इफिसूसर कलिसियार दूत के ए लिखः ‘‘जोन सात तारामन के आपनार उजा हाते धरलााआचे, आऊर सोनर सातो दियामनर मजी गता बुलूमाय, हाय ए बलसी आचे कि 2 मूय तोर बुमा माऊर तोर मसागत आऊर तोर धिराजा के जानीः आऊर ए बले कि तूय बुरा लोवग्मन के दखके ना सकीस, आऊर जोन आपना के प्रेरित बलूआय, आऊर आय ची नाई, तीके तूय परफीफरी झूठा पायलीस । 3 तूय हधरजा धरूआस, आऊर मोर नाथ बगजे दुख उठायउठाय थाकीस नाई । 4 मावर मोथो तोर बिरूद ने ए बलबार आचे कि तूय आपनर आगर असन मया के छड़ी देली आस। 5 ईकाजे सुरताकर कि तूथ कोन लगले घसलीआस, आऊर मन के बाहाड़ाब आऊर आगर असन काम के कर आऊर तूय मन ना बाहाड़ायलिस आले मूय तोर लगे आसीकरी तोर दिया के तार जगा ले गुचाय देबी। 6 मातर हाँ तोर भितर ए गोट तो आचे कि तूय नीकूल इयोर काम ले द्यृणा करूआस, जाके मूय बले घीनाऊआँय। 7 जाहार लगे कान आचे हाय सुना कि आत्मा कलिसियाँ के काय बलसी आचे। जोन जय पायबाय, मूय ताके हाय जीवनर गज थान ले जोन महापरबूर सरग लोक ने आचेए फल खायबा काजे देबी। 8 ‘‘स्मूरनार कलिसियार दुत के ये लिखः‘‘जोन पहला आउरी आखरी आय, जोन मोरी रये आउरी ऐने जीव उठला, हाय ऐ बलसी आचे कि 9 मयं तोर कलेष आउर दारदीर के जानी (मातर तुय सौकार आस) आउरी जोन आपना के यहुदी बलुआत आवरी नुवात, हायंमन षैतानर सभा आत, तीकर निन्दा के बले जानी। 10 जोन दुख तोके सहके पड़सी, हातारले ना डर। कसन बलले दका, षैतान तमरने काकी बले जेलखाना ने डाल बा काजे होयलाचे, ताकि तमी परखे जाहा आवरी तमके दस दिन ते कलेष उठायके पड़सी। प्राण देना तक विष्वासी रहा, तेबे मयं तमके जीवनर मूकुट के देबी। 11 जाहार कान आचे हायं सुनो कि आत्मा कलिसिया लो काय बलसी आचे। जोन जय पाववाय, हांके दुसरा मोरना ले हानि ना पहँुचे। 12 ‘‘पिरगमूनर कलिसियार दुत के यह लिखः ‘‘जाहार लगे दुराधारी आउरी मेज तलवार आचे। हायं ये बलसी आच 13 मैं ये जानी कि तुम हायथाने रउआस जोन षैतानर सिंहासन आय, तुय मोर नाम उपरे स्थिर ररउआस, आउर मोर उपरे विषवास करना ने हांय दिन मन ने बले पीटी ना गुचलीस जहारथाने मोर विषवास योग्य साक्षी अन्तिमपास, तमर मंजी हांय जगह ने घात करी गला जोन थाने षैतान रउआय। 14 मातर मोके तोर विरूद्ध ने खिंडिक गोट बोलबार आचे कबन बलले तोर थाने असन लोक आचेत जोन बिलाम र षिक्षा के मानुआत, जोन पीला के इस्गालिमनर छोमे ठोकर र कारन सोंगायबार सिकायला कि हांय मूति उपरे चोगायला वस्तु खाओत आउर व्यभियार करोत 15 असनी ची तमर थाने असन लोक आचेत, जोन नीलकुड मनर शिक्षा के मानुआत । 16 इ काजे मन फेराव, नोयले मुय तोर लगे झटके आई करी आवनार मुहर तलवार ले तिकर संगे लडबी । 17 जहार कान आचे हाय मन सुना कि आत्मा कलिसिया के काय बोलसी आये । जोन जय पाओ, हांके मुय गुप्त मन्ना मन ले देबी, आउर हांके गोटोक सफेद पकना बले देवी, आऊर हाय पकना उपरे गोटोक नाव लिखी रयसी, जाके हांतार पायबबीता र सिवा आऊर कोत न जानबाय । 18 ‘‘ थुआधीरा र कलिसीयार दूत के ए लिखः मापरू र बेटा जहार आकी जोयर ज्वाला र असन, आउर जहार गोड अच्छा पीतलर असन आय, हाय ए बोलजी आचे कि 19 मुय तोर काम आउर तोर मया आउर विश्वास आउर सेवा आउर धीरज के जानी आउर ए बले कि तोर पिछला काम पहला ले बढीकिरी आचे । 20 मातर मोके तोर विरूद्व ए बोलवार आय कि तुय हाय बायले जेबेल के रहके देबीआज जोन आपना के भविष्यव्कतिन बोलुआय आउर मोर दास मनके व्यभिचार करबा ने आउर मूर्ति र छोमे चेगायला वस्तु खायबा सिकायकरी भरमाउआय । 21 मुय हांके मन फिरायबा काजे अवसर देली, मातर हाय आपना व्यभिचार ले मन फिरायबार ना चाहे । 22 दक, मुय हांके रोगशैया उपर डालबी आची , आउर जोन हांतार संगे व्यभिचार करूअत यदि हाय मन बले हांतार काम ले मन ना फिरायबाय तेबे मुय तिके बडे कलेश ने डालबी 23 मुय तार पीला मन के मारी देबी तेबे सब कलिसिया मन जानी जिबाय कि हदय आउर मन के जांचबा बीता मुय ची आय आउर मुय तमर ने हर एक के हांतार काम र अनुसार बदला धरबी । 24 मातर तमी थुआयीरा र बाकी लोक संगे, जतक ए शिक्षा के ना मानेत आउर हाय बात मनके जाके शैतान र गहरा बात बोलुआत ना जानेत, ए बोलबी आची कि मुय तमर उपरे आउर बोझ ना डाली । 25 मातर हा, जोन तमर लगे आचे हांके मोर आ ओतले थामी रहा । 26 जोन जय पाओ-आउर मोर काम र अनुसार अंत ले करते रहसी, मुय ताके जाति जाति र लोग उपरे अधिकार देबी, 27 आउर हांय लोहा र राजदण्ड धरी तिकर उपरे राज करबी, जोन परकार कुमार माटीर बर्तन चकनाचूर होउआ मुय बले असनी ची अधिकार अरपना बुआ ले पायलीआची । 28 आउर मुय हांके सकारिया र तारा देबी । 29 जहार कस आचे हांय जुना कि आत्मा कलीसिया ले काय बोलसीआच