4
तमर थाने लड़ई आउर झगड़ा कोन थान ले आयला ? काय हाय सुरख बिलास ले नाई जोन तमर अ ने लडु आत - भिडु आत। 2 मी लालच, सोगाड़ आस, आउर तमके मिरू नु आय,इये काजे तमी हत्या करू आस। तमी डाध करू आस, आउर काई पायके ना सकास, तेबे तमी झगड़ा होयते आउर तडु आस। तमके ये काजे ना मिरे कि मांग नु आस। 3 तमी मांगु आस आउर पाउ नु आस, ये काजे की अडरा मन ले मांगु आस, ताकि आपना खायबार-पियबार ने उड़ाय देउ आस। 4 हे व्यभिचारिणिमन काय तमी ना जानास कि सोंसार ले मित्र करबार माहायरबुले बइट करबार आय ? अतः जोन कोनी सोंसारर मिल होयबार चाहु आय, हाय अपना निज के महा परबर बयरी बनाउ आस। 5 काय तमी ये सकझु आस की पवित्र शास्त्रर व्यर्थ बलु आय, "जोन आत्मा के हाय हामर भितरे बसायला काय हाय असनी लालच करू आय जाहार बोर डाहा आय ? 6 हाय तो आउर बले अनुग्रह देउ आय, चे लागी ये लिकला आचे, "महापरबु अभिमानी मनर विरूद्ध करू आय भीतर दीनमनर उपरे अनुग्रह करू आय। 7 ये काजे महापरबुर लगे हाई जहाॅं, आउर शैतान र मुआ मुई करा, तेबे हाय तमर लग ले निकरी पोरायसी। 8 महापरबु लगे आसातेबे हाय बते तमर लगे आयसी, हे पापी मन आपना हाथ शुद्ध आउर दूय मनर लोग, आपना ह्रदय के पवित्र करा। 9 मुरमुरा हुआ, आउर शोक करा, आउर कांदा। तमर हासबा ता सोक ने आउर तमर आनंद मुरमुरा ने बदली जाओ। 10 परबु छोमे दीन बनाहोबे हाय तमके सिरोमणी बनायसी। 11 हे भाइमन, एक दूसर के बदनामी ना करा जोन आपना भाई के बदनाम करू आय नोयले भाई उपरे दोष लगाउ आस, हाय नियमर बदनाम करू आय आउर नियम उपरे दोष लागाउ आय आउर अगर तुय नियम उपरे दोष लगाई आस तो तुय नियम उपरे चलबा बितनु आस मातर हाय उपरे हा कीमी बेबु आस। 12 नियम देबा बिता आउर हा कमी तो गोटकी यी आस जोन बाचायबार आउर नाश करनबा ने असमर्थ आय। मातर तुय कोन आस जोन आपना पारा र उथरे दोष लगाउ आत। 13 तमी जोन ये बलु आस, "आपि नायले काली के हामी कोनीआउर नगर ने जाई करी हाय थाने गोअक बरिस कटाउ आस, आउर बेबाद करी लाभा कमाऊ आस। 14 आउर ये ना जानास की काली के काय होयसी। सूनी तो दका, तमर जीवन आचे ची काय ? तमी तो आपर आसन आस जोन खिनिक दायले दफाा देउ आय आउर गाथप होइ जाउ आय। 15 येतार विपरीत तमके ये बलबार चाहिये ’अगर परबु चाहायले तो हामि जीव रबु, आउर ये मोयले हाय काम बले करबु।’ 16 मातर ऐबे तमी आपना ढोंग मारबा उपरे घमंड करू आस, असन सबु घमंड अडरा होउ आस ? 17 ऐई काजे जोन कोनी भलाई करबार जानु आय, आउर ना करे हातार काजे ये पाप आय।