3
ये मोर भाईमन, तमर थान ले खुबे उपदेशक ना बना, कसन की जान बा आस की हामी उपदेशक आउर बले दोषी ठबबु। 2 ई काजे की हामी सबु खुबे हार फिट जाउ आस, जोन कोनी वचन ने ना फिटे दाई तो सिद्ध मनुक आय आउर सबु देह उपरे बले लगाम लायके सकु आय। 3 जड़ दाय हानि आपना बस ने करबा काजे घोड़ा र मुह ने लगाकर तगउ आव, तेबे हमि हातार सबु देह के बले किंदराय के सकु आव। 4 दका जबाज बले, के बी असन बडत्रे हाउ आय आउर खुबे लेहरा ले चलाय जाउ आय, नेबैबले गोटोक सुरूची पतवारर बाटले घअवारीर मनरअनुसार किदाय जाउ आय। 5 असनी घी जीभ वाले गोटक सुरू मा अं गआय आउर हाय बड़े-बड़े गोट के गोताउ आय। दका, ख्नििक मा जोय ले कतक बड़े छार ने जोय लागी जाउ आय। 6 जीभ बले गोटक जोय आय जीभ हामर अंग ने अधर्मर गोटक लोक आय आउर सबु देह उपरे कलंक लगाउ आय, आउर जीवर गति ने जोय लगाय देेउ आय, आउर नरक कुंउ र जोय ले पोड़ते रउ आय। 7 कसन की सबु प्रकार बन पशु चेड़े हिण्डबा बिता जन्तु आउरपानी जन्तु तेबे मनुक जातीर वश ने होयके सकु आय आतुर होयले बले, 8 मातर जीभ के मनुक में ले कोनी बश मा करके सकोर हाय गोटक असन तीज आय जीन केे बले वेबो बयी नाई, ये जीभ नाशक विशले भरी होयला आये। 9 इतिले हामि परबु आउर बाबा स्तुति करू आव, आउर इतिले मनुक कर जोन महापरबु असन जनमला आचे, रूप देउ आत। 10 गोटक ची मुह ले धन्यवाद आउर श्राप दूनों निकरू आय। ये मोर भाईमन, असन ना होयबार आय। 11 काय घरनर गोटक यी मुह ले मांगा आउर खरा पानी दूनों निकरू आय। 12 ये मोर भाईमन, काय अंजीरर गच के पाय तुन, नोयते दाकर लता ने अंजीर घर के सकु आय ? असनी ची खरा झरन ले मांग ना निकर के सके। 13 तक संज्ञान बान आउर समझदार कोन आस ? जोन असन अत हाय आपना काम के अच्छा चाल चलन ले हाय नम्रता संगे परगट करा जोन ज्ञान ले जनमु आय। 14 मातर अगर तमी आपना-आपना मन ने पिता डाटा आउर विरूद्ध सोगउ आस तेबे सतर विरूद्ध ने घमंड ना करा, आउर ना तो झूठ बला। 15 ये ज्ञान हाय नु आय जोन उपर ले उतरला आचे, मातर सांसारिक, आउर शारीरिक आउर शैतानी आय। 16 कसन की जोन थाने डाहा आउर विरूद्ध होके आय, हाय बकेड़ा आउर सबु परकारर दूष्ट करम बले छोड़ आय। 17 मातर जोन ज्ञान उपर ले आउ आय हाय पइले तो पवित्र होउ आय आउर मिसबार कोमल आउर मुदभाव आउर दया आउर अच्छा फल ले ओराय होई पक्षपात आउर कपट नोयला बिता होउ आय। 18 मिसायबना बिता धारमिकताफल मिसा हाल संगे बुनु आय।