1 Peter
1 पतरस
1
पतरस बाटले जोन यीशु मसीहर पेरित आय, हांय परदेशी मनर नाव जोन पुन्तुस, गलालिया, कप्प दुकिया, आसिचां आवरी बिधुनियाने ऐने हाने होई रउआत, 2 आवरी माघ परभु बुआर भाविसर गिआनर असन, आतमार पबितर करबार बाअले आगेयां मानषार आवरी यीशु मसीह रलउर छिड़की जीबा काचे बाचा गला आत। तोमके अनुगरह आवरी शान्ती खुबे मिरते रओ। 3 हामर परभु यीशु मसीह र माहा परभु आवरी बुआर धनवाद होओ, जोन यीशु मसीहर मरला मन थान ले जीव उठबा बाटले, आपना र बडत्रे दया ले हाक के जीबता आशा काचे नुआ जनम देला, 4 जसनू गोटक नाश ना करय, आवरी निरमल, आवरी अजर मिरास काचे जोन तोमर काचे सरग ने सोंगायला आचे; 5 जाहार राका माहा परभुर सामरतले विश्वास र लागी हांय उधार काचे, जोन आयबा समेयां ने आयबा बिती आय, करा जाऊ आय। 6 एकता लागी तमी हरिक होऊ आस, ये बले जरूरी आय की ऐबे खिीनक मा दिन काचे नाना परकारर परिकक्षा मनर लागी दुख ने आचास ; 7 आवरी ये ई काचे आय की तोमर परकला विश्वास, जोन जोयले तोपायलार नाश हायेबा सोना लेबले खुबे मोलर आय, यीशु मसीह र आयबा पाचे परसंसा आवरी महिला आवरी आदर र लागी हुआ। 8 तार तमि ना दली मया सोंगाऊ आस, आवरी अबर तो ताके ना हकी बले विश्वास करी आसन हरिक आवरी मगन होऊ आस जोन सोच ले बाहरे आवरी महिला ले भरला आचे; 9 आवरी आपनार विश्वासर फल जसनू आतमा मनर उधार मिराऊ आस। 10 ई उधार र बारे में हायं भविष्यवक्ता मन खुबे ठकरायलाय आवरी जाचलाय की, जोन मन हायं अनुगरह र बारे में जोन तोमर ऊपरे हाये बार रये, भविष्यवाणी करी रये। 11 हायमन ये गोटर खोज करलाय की मसीह र आतमा जोन किरने रये, आवरी पयले लेची मसीह र दुख मनर आवरी तारपाचे हायेबा बिती महिला र गवाई देयते रये, हाय कोन आवरी कसन समेया र बाटे दकायते रये। 12 हांय मन ने ये में आनायलाय की हाय आपना नाई मातर, तोमर सेवा काचे ये गोट के बलते रयेत, जाहार समाचार अबर तोमके तिकर बाटले मिरला जोन मन पबितर आतमा र बाटले, जोन सरगले पआया गला, तोमके समाचार सुनायला; आवरी ये गोट मन के सरग दुतगन बले धी आनले दकबार आशा सोगाऊ आत। 13 ई लागी आपना-आपा बुधीर आठा बांधी करी, आवरी चेता रई करी, हाय अनुगरह सबु आशा सोंगाध जोन यीशु मसीह र उाबया सेया ने तोमके मिरबा बिता आय। 14 ोट धरबा पिला मनर असन आपनार गिआन नारबा दायर समेयार जुना अभिलाषा मनर असन ना हुआ। 15 मातर जसन तमर हाग देबा बिता पबितर आय, असनी चीतमी बले आपना सबु चाला चलन ने पबितर बना। 16 कसन की लिकला आचे, "पबितर बना कसन की मय पबितर आय।" 17 आवरी जड़दाय की तामे ’हे बुआ, बली करी ताके पारतना करू आस, जोन काहरी बाटेना होई सबुर कामर असन निआय करू आय, तो आपना परदेशी होयबा समेया ने डरी करी राहा। 18 कसन की तमि जानास की तोमर काइ्र काम नोयला चाल-चलन जोन बुआ दादी समेयां ले चली आयसी आचे, हातार ले तोमर छुटकारा चांदी-सोना मतलब नाश होयबा चित्र मनर बाटले ना होयला, 19 मातर दोष नोयला आवरी कलंक नोयला मेमना, जसनू मसीह र खुबे मोलर लऊर लागी होयला। 20 तार गिआन तो जगर उत्पन्न र पईलेलेची जाना जाई रये, मातर अबर ये सरा सरी जुग ने तोमर काचे आयला। 21 एतार बाटले तमि हायं माहा परभु उपरे विश्वास करू आस, जोन तिके मरला थान ले जीआयला आवरी महिला देला की तमर विश्वास आवरी आशा माहापरभु उपरे होओं। 22 जसन की जड़ दाय तमि भाईचारा र कपट ना सोंगाई असन तिती ले सत के मानले आपना मन मनके पबितर करला आचे, तो तन मन के देई एक दूसर ले खुबे मया सोंगाहा। 23 कसन की तमि नाश होयबा नाई मातर नाश ना होयबा बीज ले, माहापरभुर जीवता आबरी सबुदाय होयबा वचन र लागी नुआ जनम पायला आचे। 24 कन की "सबु जीव रला लोक लाटा असन आत, आवरी तिकर सबु सभा लाटार फुल असन आय लाटा सुकी जाऊ आय, आवरी फुल छड़ी जाऊ आय, 25 मातर परभुर बचन जुग-जुग गोटकी लगे रउ आय। आवरी ई सुसमाचार बचन आय जोन तमके सुनाया जाई रये।