4
ए काजे ए भाई मन, हांमी तोमके बिनती करबु आचु आउर तोमके परभु यीशु ने समझायकु आचु कि जसन तोमी हांमर ले लायगर चाल आउर माहापरभु के हरिक करबार सिकायला आहास, आउर जसन तोमी चलते चलु बले आहास, असनी ची आउर बले बाड़ते जाहा। 2 कसन की तोमी जानबा आहास कि हांमी परभु यीशुर बाटले तोमके कोन - कोन आज्ञा पहुंचायलाय। 3 कसन की माहापरभुर मन ए आय कि तोमी पवित्र बनाः अर्थात व्यभिचार ले बाची रहा 4 आउर तोमर थानले सबु गोटक पवित्रता आउर मानर संगे आपना बायले के पायबार जाना। 5 आउर ए काम अभिलाषा ले नाई आउर ना हांय जाति मनर समान जोन माहापरभु के ना जानेत, 6 कि ए गोटने कोनी आपना भाई के ना ठगो, आउर ना हांतार उपरे दाव चलावत, कसन की परभु ए सबु गोटर पलटा धरबा बीता आय जसन कि हांमी पहिलेची तमके बलला आउर चेतायला बले रये। 7 कसन की माहापरभु हांमके शुद्ध होयबा काजे नाई, मांतर पवित्र होयबा काजे हांगदेला आचे। 8 इ लागी जोन एके छूत जानुआय, जोन आपना पवित्र आत्मा तोमके देउआय। 9 मांतर भाई चारार मयार विषय ने ए जरूरी नु आय कि मुंय तोमर लगे कांई लिकबी, कसन की एक दुसर ने भय सोगाहा तोमी आपना ची माहापरभु ले सिकलआचासः 10 आउर सबु मकिदुनियार सबु भाई मन संगे असन समझायलु आचु कि आउर बले बड़ते जाहा, 11 आउर जसन हांमी तोमके आज्ञा देलु आचु असनी ची ओगाय रबा काजे आपना-आपना काम धाम करबार आउर आपना-आपना हाथ ले कमायबार हिम्मत कराः 12 ताकि बाहारे बीता ले मान पाआह, आउर तोमके कोनी तिजर घाटा होओ। 13 ए भाईमन हांमी ना चाहउं कि तोमी तिकर विषय ने जोन सोउआत, अज्ञानी रहा असन ना होओ की तोमी दुसरर असन दुक ने रहा जोनमन के आशा बिचाय। 14 कसनकी अगर हांमी बिसबास करबु आचु कि यीशु मोरला आउर जी बले उठला, तेबे असनी ची माहापरभु तिके बले जोन यीशु ने सोयबा आत हांतार संगे धरी आनसी। 15 कसन की हांमी परभुरप बचन र अनुसार तोमके ये बोलबु आचु कि हांमी जोन जीव आचे आउर परभुर आयबा दाय ले बाची रयसी, सोयला लोक ले केबी छोमे ना जाये। 16 कसनकी परभु आपना ची सरगले अतरसी: अड़दाय ललकार, आउर बड़े दुतर सबद सुना देयसी आउर माहापरभुर तुरिही फूका जायसीः आउर जोन मसीह ने मोरला आत हांय मन पहिले जी उठबाय 17 आउर बाची रबाय हांतार संगे बादरी उपरे उठाय जीबाय कि हवा ने कि परभु के भेटोत, आउर ए निति ले हांमी सबु दाय परभु संगे रबु। 18 ए परकार ए गोट ले गोटक दुसरार सांती देयते रहा।