3
ए काजे जड़दाय हामी ना रयके सकुल, तेबे हांमी हांके थेबायलु कि एथेन्स ने एकला रयी जाओ, 2 आउर हांमी तीमुथियुस के जोन मसीहर सुसमाचार ने हांमर भाई आउर माहापरभुर सेवक आय ए काजे पटायली की हांय तोमर ठेबी रहा आउर तोमर बिसबासर विषय ने तोमके समझाओ, 3 कि कोनी ए डण्डर लागी डगमगाय ना जाये। कसन की तोमी आपना जानास कि हांमी ए ची काजे ठेबाय गलु आचु 4 कसन की पहले ची जड़दाय तोमर थाने रयेत तेबे तोमके बोलते रयेत कि हामके डण्ड उठायबार पड़सी, आउर असनी ची होयला, जसन की तोमी जानास बले आहास 5 इ लागी जड़दाय मोके ले आउर ना रहा गला, तेबे तोमर बिसबासर हाल जानबा काजे पटायला, कि कोनी थाने असन ना होआ कि परिक्षा करबा बीता ने तोमर परीक्षा करी रओ, आउर हांमर परिश्रम व्यर्थ होई गला 6 मांतर ऐबे तीमुथियुस जोन तोमर लगे ले हांमर ए थाने आयला आचे, तोमर बिसबास आउर मयार सुसमाचार सुनायला आउर ए गोट के बले सुनायला कि तोमी सबुदाय मोयार संगे हांमी हेत करबु आचु आउर हांमर दकबार लालच सोगाउ आहास, जसन हांमी बले तोमके दकुआंव 7 इ काजे ए भाई मन, हांमी आपना सबु हक आउर डंड ले तोमर बिसबास ले तोमर विषय ने शांति पायलाय 8 कसन की एबे अगर तोमी परभु ने चलते रहा तेबे हांमी जीव आचु। 9 आउर जसन आनन्द हांमके तोमर लागी आपना माहापरभुर छोमे आचु एतार पलटा तोमर विषय ने कोनी रीति ले माहापरभुर धन्यवाद करू। 10 हांयी रात दिन खुबेची पारतना करते रउआय कि तोमर मु दकबु आउर तोमर बिसबासर घाटा के पूरा करबु। 11 तेबे हांमर माहापरभु आउर बाबा आपना ची आउर हांमर यीशु तोमर थाने आयबा काजे हांमर अगवाई करो। 12 आउर परभु असन करो कि जसन हांमी तमके मया करूआंव, असनीची तोमर मया बले गोटक दुसर ने आउर सबु मनुक मन संगे बाड़ी आउर उन्नति करते जाओ, 13 ताकी हांय तोमर मन असन स्थिर करो की जड़दाय हांमर परभु यीशु, आपना सबु पवित्र लोकर संगे आयले तेबे हांयमन हांमर माहापरभु आउर बाबार छोमे पवित्रता ने निर्दोष ठेबो।