4
ऐ स्वामी मन अपना-अपना दास मनर संगे नियाव आउर सते-सते बेबार करा, हांय समझीकरी की सरगने तमर बले गोटक स्वामी आचे। 2 पारतना ने लगी रहा, आउर धन्यवाद संगे हांयथाने जागरती रहाः 3 आउर हांतार संगे ची संगे हामर काजे बले पारतना करते रहा कि माहापरभु हांमर काजे बचन सुनायबार असन दुआर खोली देओ की हांमी मसीह हांय भेदर गोट के करके सकु जाहांर लागी मुय कैद ने आची 4 आउर हांमके असन परगट करू, जसन मोके करबार उच आय 5 अवसर के खुबे मोल समझीकरी बाहारबीतार संगे बुद्धीमान ले बेबार करा। 6 तोमर बचन सबुदाय अनुग्रह संगे आउर सलोना होओ कि तोमके सबु मनुकर उचित रितिले जबाब देबार आओ। 7 प्रिय भाई आउर बिसबास लायगर सेवक, तुखिकुरा ’जोन परभु मोर संगे आचे, मोर सबु गोट तोमके सांगी देयसी। 8 हांके मुंय ए काजे तोमर लगे पटायली आची कि तोमके हांमर दशा जाना जाओ, हांय तोमर मनके शांति देआ। 9 हांतार संगे मुंय उनेसिमुसर बले पटायली आची’ जोन बिसबास लायगर आउर प्रिय भाई आउरन तोमी ची नेले आहासा ए तोमके हांयथाने के सबु गोट के संागी देबाय। 10 अरिस्तर्खस’ जोन संगे कैदी आत, आउर मरकुस जोन बरनबासर भाई लागुआय (जाहार विषय ने तोमी आज्ञा पाई रलाय की अगर हांयमन तोमर लगे आयले तेबे हांतार अच्छा ले व्यवहार करा) 11 आउर यीशु जोन युस्तुस बोलाय होउआय, तोमके जुहार करूआत। खतना करला लोक थानले केवल ए ची माहापरभुर राज काजे मोर संगवारी आउर मोर सांतीर लागी रहेत। 12 इपफ्रास’ जोन तोमर थानले आचे आउर मसीह यीशुर दास आय, तोमके जुहार करूआय आउर सबु हांय तोमर काजे पारतना मन प्रयत्न करूआय, ताकी तोमी सिद्ध होईकरी सबु बिसबास संगे माहापरभुर मन उपरे ठेबी रहा। 13 मुंय हांतार गवा आय के हांय तोमर काजे आउर लौदिकीया आउर हियरा पुलिस बीतार काजे बड़े काम रते रउआय 14 अच्छा बेद लुका आवरी देमासर तोमके जुहार | 15 लौैदिकीयार भाई मन के आउर नुमफास आउर तिकर घरर कलिसिया के जुहार बोलां 16 जड़दाय ये चिट्टी तोमर थाने पड़ा जाओ तो असन करा की लौदिकीयार कलिसिया ले बले नड़ा जाओ, आउर ऐ चिट्टी जोन लौदिकीया ले आयला हांके तोमी बले पड़ा। 17 आउर अरितीप्पुस ले बोला की जोन सेवा परभु संगे पूरा करा। 18 मोके पौलुसर आपना हाथ ले लिकला जुहार। मोर सिकोरा के हेत करा तमर उपरे अनुग्रह होयते रओ ! आमीन !