1 Thessalonians
1 थिस्सलुनीकियों
1
पौलुस आउर सिलवानुस आउर तीमुथियुसर बाटले थिस्सलुनिकियोंर कलिसियार नाव, जोन माहापरभु बाबा आउर परभु यीशु मसीह ने आचेः अनुग्रह आउर सांती तोमके मिरते रओ। 2 हांमी आपना पारतना ने तोमके हेत करी आउर सबुदाय तोमी सबुर विषय ने माहापरभुर धन्यवाद करूआय। 3 आउर आपना माहापरभु आउर बाबार छोमे तोमर बिसबासर काम, आउर मयार बुता, आउर हांमर परभु यीशु मसीह ने आशार धीरज के (रोजे), लगातार हेत करते रऊँआंय। 4 ए भाई मन, माहापरभुर निज लोक, हांमी जानबु आचु की तोमी बाचलार आहास। 5 कसनकी हांमर सुसमाचार तोमर लगे ना केवल सबद ची ने मांतर सामरत आउर पवित्र आत्मा ने आउर बड़े निश्चयर संगे चिताउआय, जसन तोमी जानबा आहास कि हांमी तोमर काजे तोमर मंजी ने कसन बनी गलु आचु। 6 तोमी बड़े डण्ड ने, पवित्रआत्मार आनन्दर संगे, बचन के मानीकरी हांमर आउर परभुर असन चाल चलनके धरलाय। 7 ए थान ले कि मकिदुनिया आउर अखयारा सबु बिसबासीर काजे तोमी लायगर बना। 8 कसनकी तोमर थान ले ना केवल मकिदुनिया आउर अखया ने परभुर बचन सुनायगला, मांतर तोमर बिसबासर जोन माहापरभु ने आचे, सबु जगा असन गोट गोरी होयला की हांमके सांगबार जरूरी ना होये। 9 कसन कि हांयमन आपनाची हांमर विषय ने सांगुआत कि तोमर लगे हांमर आयबार कसन होयलाः आउर तोमी कसन सुखी थान ले माहापरभु बाटे बाहाड़ा ताकी जीवना आउर सत माहापरभुर सेवा करा, 10 आउर हांतार बेटा के सरग उपरले आयबार बाट दकते रहा जोन थाने हांय मोरला थानले जीयायला, अर्थात यीशु के जोन हांमके आयबाबीती कोरचले बाचाउ आय।