3
इ कारन मुंय पौलूष जोन तुमी दूसरा जाति काजे मसी ईशुर बंदी आय। 2 यदि तमी मापरूर हांय अनुग्रर परबन्धर समाचार सुनला आस, 3 जोन तमर काजे मौके देला आचेत आउर ये कि हांय भेद मोर ऊपरे प्रकाशबन्तर द्वारा छमे आसलाए जसन मय आगे ची संछेप ने लिकली आची, 4 जोनले तमि पड़ी करी जानके सकास की मूय मसीह र हांय भेद कोन लगले समझबी आची । 5 जोन दूसरा समय ने मनुक मनर बेटा-बेटी के असन ना सांगलार आचे, जसन कि आत्मार द्वारा एबरे हांतार पवितर प्रेरित आउर भविष्यबक्ता उपरे परगट करलार आचे। 6 जसन कि ए मसी ईशु र सुसमाचार द्वारा बीजाति लोक मीरास ने साखी आउर गोटक ची देहर आउरी परतिकार आगी 7 ंय मापश्वर अनुग्रहर हांय दान र अनुसार, जोन हामार सामरथ र परभाव र अनुसार मोके देलार आचे। हांय सुसमाचार र सेबल बनली। 8 मोर उपरे जोन सबु पवितर लोक मन ले छोटे ले बले छोटे आंय ए अनुग्रह होयला कि मुंय बीजाति मन के नसीर अगम्सय धन र सुसमाचारसुनाय 9 आउर सबु उपरे ए गोटके परकाशित करबी कि हांय भेदर परबन्ध काय आय, जोन सबुर सृजनहार मापरूर ने पहूले ले गुप्तरए। 10 कि एबर कलिसिया र द्वारा मापरूर विभिन्न परकार र ज्ञान हांय परधान आउर अधिकारी उपरे जोन सरगी स्थान ने आचे, परगट करीत। 11 आउर अधिकारी उपरे जोन सरगी स्थान ने आचे, परगट करीत। 12 हांय सनातन मनसार अनुसार जोने ताने हामके हातार उपरे बिस्बास करबा ने साहस आकर भरोसा संगे मापरूर लगे आयबार अधिकार आचे। 13 इ काजे मंुय बिन्ती करबी आची कि जोन क्लेश तमर काजे मोके होयसी आचे, ताकर कारन साहस ना छाड़ा, कसन बलले हांय ताने तमर महिमा आय। 14 मुंय मसीह र मया कारन हांय बुआ र छोये मांडी टैकबी आची, 15 जोन थानले सरग आउर पृथ्वी उपरे सबु घराना र नाम संगाउआव 16 कि हांय आपना महिमार धनर अनुसार तरके ए दान देओ कि तमी हांतार आत्मा ले आपना र भीतर रमनुष्यमवः ने सामर्थ पाइकरी बलबन्त होयते जाहा! 17 आउर बिस्बास र द्वारा मसी तमर हृदय ने बसो कि तमी मया ने चेर दरी करी आकरी नीव डालीकरी सबु पवितर लोक मन संगे। 18 भली भांति समइबार शक्ति पायबास कि बतार चैर्ड़ा आउर लम्बाई आउर ऊंचाई , आउर गहराई कतक आचे, 19 आउर जनके सकास जोन ज्ञान ले अन्जान आचेत कि तमी मापरू र सबु भरपुरी ले परिपूर्ण होइजाहा। 20 एबर जोन असन सामर्थी आचे हामर बिनती आउर समझ ले ज्यादा काम करके सके, हांय सामर्थ र अनुसार जोन हामर ने काम करूआय। 21 कलिसिया ने आउर मसी ईशु ने हातार महिमा पीड़ी ले पीड़ही तक हमेशा होंयते रओ। आमीन।