4
मनुक हामके मसीहर सेवक आवरी माहा परुभु र भेदर के भंडारी समझू आत | 2 आवरी हांय भंडारी ने ये गोट दका जाऊ आय की हांय विसवास लाईगर आहास | 3 मातर मोर नजर ने ये खुबे सुरु गोट आय की तमी नोयले मनुक मन ले न्यायी मोके परकतो मातर मुय खुद आपना के ना परकी | 4 कसन की मोर मन मोके कोनी गोट ने दोषी ना ठेबाये, कसन मोर क परखबा बिता परुभु आय | 5 ये काजे जड़दाय ले परुभु ना आसे, समेया ले पहले कोनी गोट र न्याय ना करा : हांय अंधार र लुकला गोट उजर ने दखायसी, आवरी मनर अविप्राय परगट करसी, तेबे माहा परुभु र बाटले सबु गोटकर प्रंससा होयसी | 6 ये भाई मन, मुय ये गोट ने तमर काजे आपना आवरी अपुल्लोस र गोट दुष्टान्त र रिती ने करला आचे, ये काजे की मुय हमर बाटले ये सिखाय की लिखला थानले छोमे ना जाहा, आवरी गोट बाटे आवरी दुसरार विरोध ने गर्व ना करा | 7 कसन की तमके आवरी दूसरा ने कोन भेद करू आय ?आवरी तोर लगे काय आचे जोन तुय (दुसर ले ) ना पायलीस ? आवरी जड़दाय की तुय ( दुसर ले ) पायला आचे, तो असन घमंड कसन करबी आस कि माना ना पायला ? 8 तमी तो तृप्त होई गलास, तमी धनी होई गलास, तमी हामर नोयलार राज करला; मातर भला होयता कि तमी राज की हामी बले तमर संगे राज करलास | 9 मोर समझ ने माहा परभु हामी पेरिरित मनके सबु ले पाचे हांय लोकर समान ठेबायला आचे, जाहार मिरतु र आगिया होयला आचे; कसन कि हामी जगत आवरी सरग दूत मनुक मन काजे गोटक तमासा ठेबे ठेबू आय | 10 हामी मसीह काजे मुरक आंव, मातर तमी मसीह ने बुदिमान आहास ; हामी निर्बल आंव, मातर तमी बल बीता आहस |तमी मान पौ, मातर हामी ना मान पौ आंव | 11 हामी हांय घड़ी ले भुकाहा प्यासा आवरी फटीह नोयलार आचू, आवरी मुटका मार खाऊ आंव लुकुर -लुकुर बुलते रऊ आंव ; 12 आवरी आपना हाथ ले काम करी परिश्रम करू आंव |लोक हामके अडरा बोलू आत, हामी आषीस दे आंव; हांय मन सताऊ आत, हामी सहन करू करू आंव | 13 हांय मन बदनाम करू आत, हामी बिनाऊ करू आंव | हामी आजी तक जगत र कचरा आवरी सबु चीजर खरचन र असन ठेबू आंव | 14 मुय तमके लाज पायबा काजे ये सबु गोट ना सिखायबी आची, मातर आपना -आपना पिला जानी करी तमके चेतायबी आची | 15 कसन अगर मसीह ने तमर सिखायबा लोक दस हजार बले होयताय, तेबे बले तमर बुआ खुबे नाई; ये काजे की मसीह यीशु ने सुसामाचार बाटले मुय तमर बुआ आंय | 16 ये काजे मुय तमके विनती करबी आची की मोर आसन चाल चला | 17 ये काजे मुय तीमुथियुस के जोन परभू ने मोर असन आपना आवरी विश्वास लायगर बेटा आय, तमर लगे पटायला आचे | हांय तमके मोए चलन हेत कराऊ आय, जसन कि मुय सबु जगा गोटक कलिसिया ने उपदेस करू आंय | 18 कोनी तो असन फुलला आत, माना मुय तमर लगे आयबार ची नाई | 19 मातर परभू चाहला तो मुय तमर लगे झटके ची आयबी, आवरी हांय फुलला लोक के गोटके नाई, मातर हांतार सामरत के जानबी | 20 कसन कि माहा परभू राज गोट ने नाई मातर सामरत ने आचे | 21 तमी काय चाहबा आस ? काय मुय डांग धरी करी तमर लगे आयबी नोयले मया आवरी नम्रता र आतमा र संगे ?