8
असन एबे जोन मसीह यीशु ने आचे, हान्तार उपरे दण्डर आगेया निआय | [कसन की हाय गागर नुआय नाइ मातर आत्मार अनुसार आलू आत ] 2 सन की जीवर आत्मार वेवस्तार मसीह यीशु ताने मोके पाप बाटे मुरतुर वेवस्ता ले छाड़ाय देला | 3 कसन की जोन काम वेवस्तार गागर र लागी दुरबल होई करी ना करके सके, आंय के महा परभू करला, मातर अपना ची बेटा के पापा मय गागर समान ने आवरी पाप बलि, होयबा काजे पटाय करी, गागर ने पाप उपरे दंड र आगेया देला | 4 इकाजे की वेवस्तार रीती हामके जोन गागर र अनुसार नाइ मातर आत्मा र अनुसार चलू आत पूरा करा जायसी | 5 कसन की शारीरिक माने गागर र गोट ने मन लगाऊ आत, मातर आत्मिक आत्मार गोट उपरे मन लगाऊ आत | 6 गागर ने मन लगाय बार तो मुरतु आय, मातर आत्मा ने मन लगाय बार जीव आवरी सांति आय | 7 सन की गागर ने मन लगाय बार तो महा परभुर बहिर सोंगाय बार, कसन की ना तो महा परभुर वेवस्ता लगे आचे आवरी ना होयके सके; 8 जोन शरिरिर्क दसा ने आचे, आंय मन महा परभुर अरिक नाकरके सकेत | 9 मात्र जड़ दाय महा परभुर आत्मा तमर उपरे बसु आय तिबे तमी शारीरिक दसा ने नाइ मातर आत्मिक दास आचास | मातर कोनी ताने मसीह र आत्मा निआय तो हांय हान्तार लोक नुआय | 10 मातर मसीह तमर उपरे आचे, तेबे गागर पापर लागी मोरला आचे; मातर आत्मा धरमर लागी जीव आचे | 11 मातर हान्तार आत्मा जोन ताने यीशु के मोरला तान ले जिआय ला, हांय तमर नसर गागर के पने अपना बाट ले जोन तमर उपरे बसला आचे, जिआयसी | 12 एइकाजे ये भाई मन, हामी गागर के लागा नाइ गागर अनुसार दिन कटाहा, 13 कसन की आवरी तमी गागरर अनुसार दिन कटाउ आस तो मोरबॉस आवरीआत्मा ले गागर मारबास तेबे जीव रबास | 14 जतक लोक महा परभूर आत्मार चलन ने चलू आत, हांय मन ची महा परभुर बेटा आत | 15 कसन तमके दासलर आत्मा ना मिरला की आवरी डर ना होओं मातर ले पालक मनर आत्मा मिरला आचे, हामी हे अबा, हे बाबा बलि करी आग देऊँ आंव | 16 आत्मा अपना हामर आत्मा सब्गे गवाही देऊ आय, की हामी महा परभुर बेटा आंव, 17 आवरी हांय बेटा आस तो करबी पने, मातर महा परभुर वारिस आवरी मासिः र संगवारी र वारिस आय, जड़ दाय हामी हान्तार संगे दुक उठाय ले तो हान्तार संगे महिमा पने पाय बॉस | 18 कसन की मय समझू आंय की ये समय ने दुक आवरी दंड हांय महिमार आगे, जोन हामर उपरे परकट होयबा बिता आय, काई पने नुआय | 19 कसन की संसार आसा दरी नजर ले महा परभुर बेटा के परकट होयबार बाट दकसी आचे | 20 कसन की संसार अपना मन ले नाइ लगे बनाय बा बिता मन बाटले, अरत तार लगे ये आसा ने करा गला आचे 21 की संसार पने अपना ची नासर हासले छाड़ाय होई करी, महा परभुर बेटा मनर महिमार आजाद पायसी | 22 कसन की हामी जानू आंव की सबू संसार एबे ले मिसी करी करू आय आवरी दंड ने पड़ला आचे; 23 आवरी मातर हांय ची नाइ मातर हामी पने जाहार लगे आत्मार आगले फल आचे, अपनार ची अपना ले करू आय; आवरी लेवाल होय बार, मातर अपनार गागर छाड़ बार होय बार बाट द्कबा आत | 24 ये आसा बाटले हामर मुक्ति होयला आचे; मात्र जोन तिजर आसा करा जाऊ आय, जड़ दाय हांय दका देले तो आवरी आसा कोनी ताने रयसी कसन की जोन तीज कोनी दकते रउ आय हान्तार आसा काय करू आय ? 25 मातर जोन तीज के हामी ना दकु आंव, मातर हान्तार आसा सोंगाउ आंव, तो दिरज ले हान्तार बाट दकु पने आंव | 26 ये रीती ले आत्मा पने हामर दुरबलता ने साहारा करू आय; कसन हामी ना जानू की पारथना कसन रीती ले करबार आय, मातर आत्मा अपना ची असन आये भरी करी, जॉन बयान ले बाहारे आचे, हामर काजे बिनाऊ आय; 27 आवरी मन के जानबा बिता जानू आय की आत्मार मन काय आय कसन की हांय पवित्र लोक मन काजे महा परभुर अनुसार निबाऊ आय | 28 हामी जानबु आचू की जोन लोक महा परभु के मया करू आत, हान्तार काजे सबू गोट मिसी करी अच्छा ची जनम होऊ आय मातर तिकर काजे जोन हान्तार मनर अनुसार आग दिया गला आत | 29 कसन की जोन मन हांय पयेले ले जानला आचे हांय मन के पयेले ले तेबाय ला आचे की हांतार बेटार असन ची हुआ ताकि हांय खबे भाई मन फैलावोत तेबोत | 30 आवरी जाहार हांय पहेले ले तेबाय ला आचे हांय मन आग देला पने आवरी जाके आग देला हांय मन के धरमी पने तेबाय ला आचे, आवरी जाके धरमी तेबाय ला, हांय के महिमा पने तेबाय ला आचे | 31 मातर: हामी ये गोटर बारे ने काय बलू आंव? अगर महा परभू हामर बाटे आय, तो हामर बिरुद कोनी होयके सकू आय? 32 जोन अपनार निजर बेटा के पने ना सोंगाय ला, मातर हांय हामर सबू काजे देई देला, हांय हान्तार संगे हामके आवरी सबू कांई कसन ना देये ? 33 महा परभू ची आय जोन हाने धरमी तेबाय ला आचे | 34 आवरी कोन आय जोन दंड र आगेया देयसी ? मसीह ची आय जोन मोरी गला मातर मोरला तानले जीव पने उठला, आवरी महा परभुर भुजनी बाटे आचे, आवरी हामर काजे बिनती पने करसी आचे | 35 कोन हामके मसीह र मया ले अलग करू आय का दंड, नोयले संकट, नोयले कोलार, नोयले बुक, नोयले फटीही नोयलार, नोयले जोकिम, खंडा ? 36 "जसन लिखला आचे, ""तोर काजे हामी दिन भर घात करते जाऊँ आंव: हामी पूजाय होयबा मेंडा र असन गेनला आत |""" 37 मातर ये सबू गोट ने हामी हान्तार बाटले जोन हामके मया करला आचे जय वंत ले, पने बड़ी करी सस्य | 38 कसन की मय जरुर जान्बी आची की ना मुरतु ना जीवन ना सरगर दूत ना मुख्यार ना एबे, ना पयिले, ना सामर्थ, ना डेग, 39 ना कोदरा, आवरी संसार हामके महा परभुर मया ले जोन हामर परभू मसीह ने आचे, अलग करके सकसी |