7
ये भाई मन, काय तमी ना जानास ! बेवस्तार मय बेवस्ता के जानबा बिता के बलबी आचे की जड़ दाय ले माने जीव रउ आय, अड़ दाय ले हान्तार उपरे बेवस्ता परभूता रउ आय ? 2 कसन की बिहा होएला बायले बेवस्तार अनुसार अपनार माने के जीव रला दाय आंय ताने बांदेआ आचे, मातर केबीयी माने मरी गले, तेबे हांय मानेर बेवस्ता ले छाड़ाय होऊ आय | 3 एइकाजे माने जीव रउ रउ हांय कोनी दिसरार मानेर होएले भ्यविचारनी बलाय अउ आय, मातर केबियी माने मरले, तेबे हांय आंय बेवस्ता ले छाड़ाय होयला, ये तान ले केबियी काहारी दूसरा मानेर होएल पने भ्यबिचारनी ना तेबे. 4 असनी ची ये मर भाई मन तमी पने मसीहर देह बाटले बेवस्ता काजे मरलार बनलास, की हांय गोटक दूसरा होई जाहा, जोन मरला तान ले जीव उठला की हामी महा परभू काजे फल आनु | 5 कसन की जड़ दाय हामी गागर ने रऊँ तेबे पापर अभिलाषा जोन बेवस्ता बाटले रहे, मुरतुर फल जनम करबा काजे हामर गागरे काम करते रहे | 6 मातर जाहार बांदेया हामी रऊँ हान्तार काजे मरी करी एबे बेवस्ता ले असन छाड़ाय होयलू, की लिखलार जुना रिति ले नाही मातर आत्मा असन नुआ निति ने सेवा करू आस | 7 तेबे हामी काय बलबू ? काय बेवस्ता पापर आय ? केबियी नाई | मातर बेवस्ता नोयलार मय पाप के ना चुकाई; बेवस्ता केबियी ना बले की, लालच ना कर तेबे मय लालच के नाजानी | 8 मातर पाप समय पायी करी आगेया बाटले मर भीतरे सबू परकार लालच जनम करला, कसन की बेवस्ता नोयलार पाप मुरदा आय | 9 मय तो बेवस्ता नोयलार जीव रईं, मातर जड़ दाय आगेया आयला, तो पाप जियला, आवरी मय मरली | 10 आवरी आंय आगेयार जीव काजे रहे मर काजे मुरतुर कारन तेबला | 11 कसन की पाप समय पायी करी आगेया बाटले मके बहकायला आवरी हान्तार बाटले मके मारी पने देला | 12 एइकाजे बेवस्ता पवित्र आय, आवरी आगेया पने टिक आवरी अच्छा आय | 13 तेबे काय हाय जोन अच्छा रहे, मर काजे मुरतु तेबला ? केबियी नाई ! मातर पाप आंय अच्छा तीज बाटले मर काजे मुरतुर जनम करबा बिता होयला की हान्तार पाप होयबार जरूरी आय, आवरी आगेयार बाटले पाप खुबे ची पाप तेबसी | 14 हामी जानबु आचु की वेवसता तो आत्मिक आय, मातर मय शारीरिक आवरी पापर हाथे बिकी होयली आचे, 15 जोन मय बलबी आची हांके मय ना जानी: कसन की जोन मोके बायसी आचे हांय ना करे; मात्र जोन के मोके गिन आऊ आय हान्यके करू आंय | 16 आवरी जोन मोके ना आचे आंय करू आंय, तेबे मय मानु आय की वेवसता अच्छा आय | 17 तेबे असन दसा ने हान्तार करबा बिता मय नुआय मातर पाप आय जोन मोर भीतरे बसला आचे | 18 कसन की मय जानबी आची की मोर भीतरे जसन की मोर गागर ने कोनी अच्छा तीज ना बसे | अच्छा तो मोर भीतरे आचे मातर अच्छा काम ना होए | 19 कसन की जोन एक कामर दुई मन करू आंय, हांय तो ना करू आय, मातर जोन अडरा मन ना करी, होयके करू आंय | 20 जकन की अगर मय आंय करू आंय जाहार मन ना करे, तेबे हान्तार कारबा बिता मय ना रहीं, मातर पाप जोन मोर भीतरे बसला आचे | 21 ये परकार मय आंय वेवस्ता पाऊं आय की जड़ दाय भला करबा काजे मन करू आय, तेबे अडरा मोर लगे आऊ आय | 22 कसन की मय बितरर माने ले तो महा परभुर वेवस्ता ले खुबे अरिकआची | 23 मातर मोके अपना गागर ने दुसरा परकारर वेवस्ता दका देऊ आय, जोन मोर बुदी वेवस्ता संगे लडू आय आवरी मोके पापर वेवस्तार बंदन ने नेऊ आय जोन मोर गागरे आचे | 24 मय कसन अबागा माने आंय, मोके हे मुरतु देहले कोन छाड़ायसी? 25 हामर पेभु यीशु मसीह बाटले महा परभुर धन्यवाद होओं | येकाजे मय अपनार बुदी ले तो महा परभुर वेवस्तार, मातर गागर र पापर वेवस्तार खांउ आंय |