4
हांई काचे हामि काय बलबू हामर गागर र बुआ अब्राहम के काय मिरला ? 2 कसन की अगर अब्राहम काम मन ले धरमी होयता तो हांके घमण्ड करबार जगा होयता, मातर माहा परभु र लगे नाई | 3 "पवित्र शास्त्र काय बलु आय ?ए की ""अब्राहम माहा परभु र उपरे विशवास करला आवरी ये हातार काचे धारमिकता ने गेना गला |""" 4 काम करबा लोक के भूती देबार दान नुआय, मातर हक समझू आत | 5 . मातर जोन काम ना करेत मातर भक्ति हिन् के धरमी मानबा लोक के विशवास करू आत, हातार विशवास हातार काचे धार्मिकता ने गेना जाऊ आय | 6 जोन के माहा परभु करम ना करला र धरमी होऊ आय, हांके दाउद बले धन्य बलुआय: 7 """धन्य आत हांय मन जाहार अधरम र माफी होयला, आवरी जाहार पाप के ढाप लाय |" 8 धन्य आय हांय माने जोनके माहा परभु पापी ना माने 9 "तो ये धन्य वचन, काय खतना मनर ची आय काय खतना नोयला लोकर पने आय ?हामि ये बलु आंव, ""अब्राहम काचे तार विशवास धार्मिकता ने गेना गला |""" 10 तो ये कसन गेना गला ?खतना र दाय काय खतना नोयला दाय ?खतना दाय नाई मातर खतना नोयला दाय | 11 हांय खतना र चिना पायला की हांय विशवास र धारमिकता ने छापा होई जाओ जोन हांय खतना नोयला दाय सोंगाय रये,जोनति हांय हांय सबूर बुआ होओं जोन खतना नोयला दाय विशवास करू आत कसन की हांय मन बले धरमी होओत; 12 आवरी हांय खतना करला लोक र बुआ होओं, जोन ना सिरिप खतना करलार आत, मातर हामार बुआ अब्राहम र हांय विशवास र लीक ने बले चलू आत जोन के हांय खतना नोयला दाय करी रये | 13 कसन की ये वादा की हांय जगत र बेटा होयसि, ना अब्राहम के ना तार कुटुम र बेबसता बाटले देई रयेत, मातर विशवास र धार मिकता र बाटले मिरला | 14 कसन की अगर बेबसता बिता मन बेटा आत, आले विशवास फोकाहा आवरी वादा निष्फल होयसि | 15 बेबसता तो रिस के आनु आय, आवरी जोनति बेबसता निआय हांयति तार उलंघन पने निआय | 16 एतार लागी वादा विशवास र संगे आचे की अनुगरह र निती ले होओं की हांय तार सबू बेटा बेटी लोक बाक काचे मजबूत होओं, नाई की सिरिप तार काचे जोन बेबसता बिता आय मातर तिकर काचे बले जोन अब्राहम र असन विशवास घाति मन आत;हाई तो हामि सबुर बुआ आय, 17 "जसन लिकला आचे,""मय तोके खुबे असन जाति मनर बुआ बनायलि आची ""हांय माहा परभु र छमे जोन के हांय विशवास करला, आवरी जोन मरला लोक के जीआउ आय, आवरी जोन गोट आचे ची नाई तिकर नाव असन धरु आय की माना जसन हांय आय |" 18 "हांय निराश ने रला दाय पने आशा सोंगाय करी विशवास करला,ई काचे की हांय वचन र असन की ""तोर खान दान असन होयबाय, "" हांय खूबे जाति मनर बुआ होयसि |" 19 हांय जोन एक सौ बरस र रये, आपन र मरला लोक मनले गागर आवरी सारा र पेट र मरला असन दशा के जानी करी बले विशवास ने कमजोर ना होयला, 20 आवरी ना अविश्वासी होई करी माहा परभु र वादा के डाउट ना करला, मातर विशवास ने मजबूत होई माहा परभु र महीमा करला; 21 आवरी सते जानला की जोन गोट र हांय वादा करला आचे, हांय ताके पूरा करबा काचे बले राजी आचे | 22 एतार लागी ये तार काचे धारमिकता ने गेना गला | 23 "आवरी ये वचन,""विशवास हातार काचे धारमिकता ने गेना गला,""ना सिरिप तार काचे लिका गला," 24 मातर हामर काचे पने जाहार काचे विशवास धारमिकता ने गेना जायसि, माने हामर काचे जोन ताके विशवास करू आत जोन हांमर परभु येशु के मरला थानले जियला | 25 हांय हामर करला पाप काचे धराय गला, आवरी हामर धरमी होयबा काचे जीव बले पड़ला |