21
ये गोट मनर पाचे यीशु आपना के तिबिरियास नदी रेटे चेला मन लगे आयला, आवरी असनी निती ले आयला : 2 शमोन पतरस, आवरी थोमा जोन दिदुमुस बलाय होऊ आय, आवरी गलील र काना नगर र नतनएल, आवरी जबदीर बेटा, आवरी हातार चेला मन ले दुयटा आवरी लोक रुंडा रयेत | 3 "शमोन पतरस हांय मनके बलला, "" मूय माच धरके जीबी आची |""हांय मन हाके बललाय, "" हामी बले तोर संगे जीबू |""तेबे: हांय मन निकरी करी डोंगा ने चेगलाय, मातर हाय राति काई बले ना धरला |" 4 सकरेया होयते खन यीशु रेटे आई ठिया होयला; तेबे बले चेला मन ना चिताय लाय की ये यीशु आय | 5 "तेबे यीशु तिके बलला, "" हे पिला मन काय तोमर लगे खिनिक माच आचे ?""हांय मन जबाब देलाय, ""निआय |""" 6 "हांय तिके बलला, ""डोंगा र बुजनी बाटे जाल पोकाहा तेबे पायबास |""तेबे: हांय मन जाल पोकायलाय, आवरी अबर माच खूबे होयबा लागी हाके झिकके ना सकलाय |" 7 "तेबे हांय चेला जोनके यीशु मया करते रये, पतरस के बलला, "" ये तो परभु आय !""शमोन पतरस ये सूनी करी की हांय परभु आय, आटा ने गागर ने कसला, कसन की हांय नांगा रये, आवरी नदी ने डोगायला |" 8 मातर दूसरा चेला मन डोंगा ने माच मनले भोरला जाल झीकते आयलाय, कसन की हांय मन रेटे ले खूबे दूर नियात, मातर दूय सो हाथ ने रयेत | 9 जड़ दाय हांय मन रेटे उतर लाय, तो हांय मन कोयला र जोय आवरी हायती माच सोंगाय लार, आवरी रोटी दकला | 10 "यीशु तिके बलला, ""जोन माच मनके तोमि धरला आस, हायती ले खिनिकमाँ आना |""" 11 तो शमोन पतरस डोंगी ने चेगी करी एक सो तीरपन बड़े माच मनले भोरला जाल के रेटे झिकलाय, आवरी अतक माच होयबा लागी बले जाल ना फाटला | 12 "यीशु तिके बलला, ""आसा भोजन करा |""चेला मनले कोनी के दम ना होयला की हाके पुचताय, ""तूय कोन आस ?"" कसन की हांय मन जानते रयेत की ये परभु ची आय |" 13 यीशु आयला आवरी रोटी धरी करी हांय मनके देला, आवरी असनी ची माच बले | 14 ये तीसरा हार आय की यीशु मोरला मनले जीव उठबार पाचे चेला मनके दका देला | 15 "भोजन करलार पाचे यीशु शमोन पतरस के बलला, "" हे शमोन, युहन्ना र बेटा, काय तूय एमनले खूबे मोके मया करू आस ?""हांय तिके बलला, "" हव, परभु; तूय तो जानीस की मूय तोके मया करू आय |""हांय हाके बलला, ""मोर मेंडी मनके चराव |""" 16 "हांय आवरी दूसरा हार हाके बलला, "" हे शमोन, यहुन्ना र बेटा, काय तूय मोके मया करू आस ?"" हांय ताके बलला, ""हव, परभु; तूय जानिस की मूय तोके मया करू आय |""हांय हाके बलला, "" मोर छेली मेंडीर राका कर |""" 17 "हांय तीसरा हार हाके बलला, "" हे शमोन, यहुन्ना र बेटा, काय तूय मोके मया करू आस ?""पतरस मुरमुरा होयला की हांय ताके तीसरा हार असन बलला, "" काय तूय मोके मया करू आस ?""आवरी हाके बलला, "" हे परभु, तूय तो सबूके जानिस; तूय ये जानिस की मूय तोके मया करू आय |""यीशु हाके बलला, "" मोर छेली मेंडी मनके चराव |" 18 "मूय तोके सते सते बलबी आची, जड़ दाय तूय जुआन रईस तो आपना आटा के बांदी करी जोंती मन करते रये हायती जायते रईस; मातर जड़ दाय तूय डोकरा होयबीस तो आपना हाथ के फयलायबीस, आवरी दूसर तोर आटा के बांदी करी जोंती तूय ना चाहयबीस हायती तोके नेयसी |""" 19 ". हांय ये गोट मनले ईसारा देला की पतरस कसन मोरना ले माहा परभु र महिमा करसी |आवरी तेबे हांय ताके बलला, "" मोर पीटी बाटे हो |""" 20 "पतरस उल्टी करी हांय चेला के पीटी बाटे आयबार दकला, जोनके यीशु मया करते रये, आवरी जोन भोजन र समेया ने हातार छाती बाटे लोई करी पुची रये, "" हे परभु, तोके धरायबा बिता कोन आय ?""" 21 "हाके दकी करी पतरस यीशु के बलला, "" हे परभु, एतार काय हाल होयसी ?""" 22 "यीशु ताके बलला, "" अगर मूय चायबी की हांय मोरआओतले थेबी रओं, तो तोके एतार ले काय आय ?तूय मोर पीटी बाटे हो |""" 23 "हाई काचे भाई मन मूय ये गोट फयली गला की हांय चेला ना मरसी; तेबे बले यीशु ताके ये ना बलला की हांय ना मरे, मातर ये की "" अगर मूय चायबी की हांय मोर आयबा दायले ठेबी रओं, तो मोके एतार ले काय आय ?""" 24 . ये हाई चेला आय जोन ये गोट मनर गवाई देऊ आय आवरी जोन ये गोट मनके लिकला आचे, आवरी हामी जानू की हातार गवाई सते आय | 25 आवरी बले खूबे असन काम आचे, जोन यीशु करला; अगर हांय गोटक गोटक करी लिका जायता, तो मूय समझबी आची की पुस्तक मन जोन लिका जायता हांय सोसार ने बले ना धरता |