20
हफ्ता र पईल दीने मरियम मगदलीनी बड़े सकरेया अंधार रबा दाय ची मोड़ा लगे आयला, आवरी पोकना के कबर ले गुचलार दकला | 2 "तेबे हांय परायला आवरी शमोन पतरस आवरी हांय दुसरा चेला मन लगे जोनके यीशु मया करते रये, आई करी बलला, ""हांय मन परभु के कबर ले निकराय करी नेला आत, आवरी हामी ना जानू की हाके कोंती सोंगायला आत |""" 3 तेबे पतरस आवरी हांय दुसरा चेला निकरी करी कबर बाटे गलाय | 4 हांय मन दुनो संगे संगे परायते रयेत, मातर दुसरा चेला पतरस ले छमे जाई करी कबर लगे आगे पऊचला; 5 आवरी लोई करी फटई घसरलार दकला, तेबे बले हांय भीतरे ना गला | 6 तेबे शमोन पतरस हातार पीटी पीटी पोऊचला, आवरी कबर र भीतरे गला आवरी फटई घसरलार दकला; 7 आवरी हांय ओंगची जोन तार मुंडे बांदी होई रये, फटई मन संगे मिसलार नाई, मातर अलगे गोटक जगा ने गूड़ायकरी सोंगाय लार दकला | 8 तेबे दूसरा चेला बले जोन कबर ने आगे आई रये, भीतरे गला आवरी दकी करी विशवास करला | 9 हांय मन तो एबले पबितर शास्त्र र हांय गोट के ना समझि रयेत की हाके मोरला थानले जीव उठके पड़सी | 10 तेबे हांय चेला मन आपना घरे जायते गलाय | 11 मातर मरियम कान्दते कबर लगे ची बाहरे ठिया रये, आवरी कांदी कांदी कबर बाटे लोई करी, 12 दुयता सरग दूत मनके उजर फटई पिन्दलार गोटक के मुंड बाटे आवरी दुसरा के गोड़ बाटे बसलार दकला, जोंती यीशु र गागर के सोंगाय रयेत | 13 "हांय मन हाके बललाय, "" हे बायले, तूय काय काचे कान्दबी आस ?""हांय तिके बलला, "" हांय मन मोर परभु के उठाय नेलाय आवरी मूय ना जानी की ताके कोंती सोंगायला आत |""" 14 असन बली करी हांय पीटी करला आवरी यीशु के ठिया उठलार दकला, मातर ना चितायला की ये यीशु आय | 15 "यीशु ताके बलला, ""हे बायले, तूय काय काचे कान्दबी आस ?काके डगरायबी आस ?""हांय माली समझि करी ताके बलला, ""हे माहाराज, अगर तूय ताके उठायली आस तो मोके साग की ताके कोंती सोंगायली आस, आवरी मूय ताके नेऊ आय |""" 16 "यीशु ताके बलला, ""मरियम !""हांय पीटी बाटे उल्टी करी हाके इब्रानी ने बलला, ""रब्बुनी !""तेबे 'हे गुरु' |" 17 "यीशु ताके बलला, ""मोके ना छीव,कसन की मूय एबले बुआ लगे ना गली आची, मातर मोर भाई मन लगे जाई करी हांय मनके बली देस, की मूय आपना बुआ आवरी तोमर बुआ, आवरी माहा परभु आवरी तोमर माहा परभु लगे उपरे जीबी आची |""" 18 "मरियम मगदलीनी जाई करी चेला मनके सांगला, ""मूय परभु के दकली, आवरी हांय मोके ये गोट मनके बलला |""" 19 "हाई दीने जोन हफ्ता र पईल दीन रये, संझ बेरा जड़ दाय हायती र बाट जोंती चेला मन रयेत, यहूदी मनर डरर लागी ढापी होई रयेत, तेबे यीशु आयला आवरी तिकर मंजी ने ठिया होई करी हांय मनके बलला, ""तोमके शान्ति मिरो |""" 20 आवरी असन बली करी हांय आपना हाथ आवरी आपना पांजरा के दकायला |तेबे चेला मन परभु के दकी करी हरिक होयलाय | 21 "यीशु आवरी तिके बलला,""तोमके शान्ति मिरो; जसन बुआ मोके पटायला आचे, असनी ची मूय बले तोमके पटायबी आची |""" 22 "असन बली करी हांय तिकर उपरे फुकला आवरी हांय मनके बलला, ""पबितर आतमा धरा |" 23 "जाहार पाप तोमि छमा करबास, हांय तिकर काचे छमा करा गला आत; जोन मनके तोमि सोंगाय बास, हांय सोंगाय गला आत |""" 24 मातर बारा झन मनले गोटक, माने थोमा जोन दिदुमुसबलाय होऊ आय, जड़ दाय यीशु आयला तो तिकर संगे ना रये | 25 "जड़ दाय दुसरा चेला मन ताके बलके मुराय लाय, "" हामी परभु के दकलू आचू,"" तेबे हांय तिके बलला,"" जड़ दायले मूय तार हाथ मनने खुटी र छेदा ना दकी, आवरी खुटीर छेदा ने आपना अंडकी के ना ओलाय दकी, आवरी तार पांजरा ने मोर हाथ के ना ओलाय दकी, तेबे तक मूय विशवास ना करी |""" 26 "आठ दीनर पाचे तार चेला मन आवरी घर भीतरे रयेत, आवरी थोमा तिकर संगे रये; आवरी बाट बंद रये, तेबे यीशु आयला आवरी हांय मनर मंजी ने ठिया होई करी बलला,"" तोमके शान्ति मिरो |""" 27 "तेबे हांय थोमा के बलला, आपना अंडकी एलगे आनी करी मोर हाथ मनके दक आवरी आपना हाथ आनी करी मोर पांजरा ने ओलाव, आवरी विश्वासी नाई मातर विश्वासी हो |""" 28 "असन सूनी करी थोमा बलला, ""हे मोर परभु, हे मोर माहा परभु !""" 29 "यीशु हाके बलला, 'तूय मोके दकली आस, काय ई काचे विशवास करली आस ?धन्य हांय मन आत जोन मन ना दकी करी विशवास करलाय |""" 30 यीशु आवरी बले खूबे असन चीना चेला मनर छमे दकायला, जोन ये पुस्तक ने लिका ना गला आचे; 31 मातर ये सबू ई काचे लिका गला आचे की तोमि विशवास करा की यीशु ची माहा परभु र बेटा मसीह यीशु आय, आवरी विशवास करी हातार नाव ले जीवना पाहा |