3
फरिसी मन मन ने नीकुदेमुस नावर गोटक माने रला, जोन यहूदी मनर मुखिया रला | 2 हांय यीशु लगे आसी करी हाके बलला, “ हे रबी, हामी जानते रलू की तूय माहा परभू ची बाटले गुरु होई करी आयला आचे, मातर हातार संगे ना रये तो ना दकाय के सके |” 3 यीशु हाके जबाब देला, “ मुय तोके सत सत बलबी आची अगर कोनी ना जनमले माहा परभु र राज के दकके ना सकेत |” 4 नीकुदेमुस हांय मन के बलला, “ मुनूक जड़ दाय डोकरा होयले हांय कसन जनम धरके सकसी ? कसन आय आपनार आया र पेट ने दूय हार ओली करी जनम धरके सकसी ?” 5 यीशु जबाब देला, “ मुय तोके सत सत बलबी आची, जड़ दाय ले कोनी मुनूक पानी आवरी आतमा ले ना जनम धरे तो हांय माहा परभू र राज ने ओलके ना सके | 6 कसन की जोन गागर ले जनमला आचे, हांय गागर र आय; आवरी जोन आतमा ले जनमला आचे, हांय आतमा आय | 7 ना हक चकाव की मुय तोके बलबी आची, ‘ तोके नुआ जनम ले जनम धरबार जरूरी आय 8 लेहरा जोन बाटे जीबार छाहू आय हांय बाटे जाऊ आय आवरी तूय हातार शब्द सुनुआस, मातर ना जानीस की हांय कोंति ले आऊ आय आवरी कोन बाटे जाऊ आय ?जोन कोनी आतमा ले जनमला आचे हांय असनी ची आय |” 9 नीकुदेमुस ताके जबाब देला, “ ये गोट कसन होयके सके ?” 10 ये सूनी करी यीशु ताके बलला, “ तूय इस्राएली मनर गुरु होई करी बले काय ये गोट मन के ना समझीस ? 11 मोय तोके सत सत बलबी आची की हामी जोन जानू हाई बलु आव, आवरी जाके हांमी दकलू आचू हातार गवाई देऊ आव, आवरी तोमि हामर गवाई दकलू आचू हातार गवाई देऊ आव, आवरी तोमि हामर गवाई के ना आपना आस | 12 जड़ दाय मुय तोमके धरतनी र गोट बालली आवरी तोमि बिसबास ना करलास, तेबे अगर मुय तमर ले सरग र गोट बलबी तेबे फेर कसन बिसबास करबास ? 13 कोनी सरग उपरे ना चेगला आत, मातर हाई जोन सरग ले उतर ला,आवरी मानेर बेटा जोन सरग ने आचे | 14 आवरी जोन रिती ले मूसा झार ने साप के डेंगे चेगायला, हाई रिती ले जरूरी आय की मानेर बेटा बले डेंगे चेगाया जाओ; 15 की जोन कोनी बले हातार उपरे बिसबास करो हांय जूग जुग र जीवना पाओ | 16 “ कसन बलले माहा परभु जगत संगे असन मया सोंगायला की हांय आपनार गोटक ची बेटा के देई देला, की जोन कोनी बले हातार उपरे बिसबास करो हांय नाश ना होओं, मातर जूग जूग र जीवना पाओ | 17 माहा परभू आपना बेटा के ई काचे जगत ने ना पटायला की जगत उपरे दंड र आगेया देओं, मातर ई काचे की जगत हातार बाटले उधार पाओ | 18 जोन हातार उपरे बिसबास करू आय, हातार उपरे दंड र आगेया ना होये, मातर जोन हातार उपरे बीस बास ना करे, हांय दोसी ठेबला; ई काचे की हांय माहा परभु र गोटकी बेटा र नाव उपरे बिसबास ना करला | 19 आवरी दंड र आगेया कारन ये आय की उजर जगत ने आयला आचे, आवरी माने मनर अंधार के उजर ले खूबे अच्छा जाना कसन बलले तिकर काम घिन घिना रये | 20 कसन बलले जोन कोनी घिन घिना काम करू आय, हांय उजर ले बयर सोंगाऊ आय, आवरी उजर र लगे ना आसे, असन ना होओं की हातार काम मन उपरे दोष लगाया जाओ | 21 मातर जोन सत उपरे हींडू आय हांय उजर र लगे आऊ आय, की हातार काम दका देओ की हांय माहा परभू बाटले होयला आचे |” 22 एतार पाचे यीशु आवरी हातार चेला मन यहुदीया देश ने आयलाय; आवरी हांय आय थाने तिकर संगे रई करी बपतिस्मा देयके मुरायला | 23 यहुन्ना बले सालेम र लगे एनोन ने बपतिस्मा देयते रये, कसन बलले हांय थाने खूबे पानी रये, आवरी लोक मन आई करी बपतिस्मा धरते र ओत – 24 यहुन्ना हांय समेया ले बंदी घरे ना सोंगाया जाई रये- 25 हांय थाने यहुन्ना र चेला मनर कोनी यहूदी संगे सुध करबार लागी झगड़ा होयलाय | 26 आवरी हांय मन यहुन्ना लगे आसी हाके बललाय, “ हे रबी जोन मुनूक यरदन र हांय पाक तोर संगे रये, आवरी जाहार तूय गवाई देली आस; दक, हाय बपतिस्मा देसी आचे, आवरी सबू हातार लगे आयबा आत |” 27 यहुन्ना जबाब देला, “ जड़ दाय ले मुनूक के सरग ले ना दीया जाए, तेबले हांय काई पायके ना सके | 28 तोमि तो आपना ची मोर गवा आचास के मूय बलली, ‘ मूय मसीह नुआय, मातर हातार छमे पटाय लार आचे |’ 29 जाहार दुली आय, हांय ची दुला आय; मातर दुलार मित जोन ठिया उठी हातार सुनुआय, दुलार शब्द ले खूबे हरिक होऊ आय : एबर मूय ये हरिक पूरा होयला आचे | 30 जरूरी आय की हांय बाड़ो आवरी मूय घटबी | 31 “ जोन उपर ले आऊ आय हांय खूबे अच्छा आय; जोन धरतनी ले आऊ आय हांय धरतनी र आय, आवरी धरतनी ची गोट बलु आय : जोन सरग ले आऊ आय हांय सबूर उपरे आय | 32 जोन काई हांय दकला आवरी सुनला आचे, हातार ची गवाई देऊ आय ; आवरी कोनी हातार गवाई के ना आपनायेत | 33 जोन हातार गवाई के आपनायला हांय ये गोट उपरे छापा लगाय देला की माहा परभु सत आय | 34 कसन बलले जाके माहा परभू पटायला आचे, हांय माहा परभु र गोट ब्लू आय ; कसन बलले हांय आतमा नापी नापी करी ना देये | 35 बुआ बेटा ले मया सोंगाऊ आय, आवरी हांय सबू तिज मन के हातार हाथे देई देला आचे | 36 जोन बेटा उपरे बिसबास करू आय, जूग जूग र जीवना हातार आय ; मातर जोन बेटा र ना माने, हांय जीवना के ना दकसी, मातर माहा परभू र रिस हातार उपरे रऊ आय |”