JOHN
युहन्ना
1
आगे बचन रये, आवरी बचन माहापरभू संगे रये आवरी बचन माहापरभू रये, 2 एची आगे माहापरभू संगे रये | 3 सबु बानी हांतार ची बाटले जन्म होयला, आवरी जोनटा बले जनम होयला आचे हांय थानले कोनी बले तीज तार नोयला जनम ना होयला | 4 हांतार ने जीवना रये आवरी हांय जीवना माने मनर उजर रये | 5 उजर अंधार ने चमकते रये, आवरी अंधार ताके ना अपनायला | 6 गोटक माने माहा परभू बाटले आई ठीयां उठला जाहार नाव यहुना रये | 7 हांय गवाई देला ताके हांय सबु हांतार बाटले बिसबास आन लाय |हांय आपना चो ये उजर ना रये, मातर हांय उजर र गवाई देबा काजे आई रये | 8 सते उजर जोन सबु गोटक मनुक उजर करू आय, सोंसार ने आयबा बिती रये | 9 सतर उजर जोन सबू मुनूक मनके उजर ने आनु आय, सोसार ने आयबा बिती रये | 10 हांय सोंसार ने रये, आवरी सोंसार हांतार बाटले जनमी रये, आवरी सोंसार ताके ना चितायला | 11 हांय आपना घरे आयला आवरी हांतार आपना हाके आपनायला नाई | 12 मातर जतक लोक हाके आपनाय लाय, हांय तिके माहापरभूर बेटा होयबा काजे अधिकार देला, जसन तिके जोन हांतार नाव ने बिसबास सोंगाऊ आत | 13 हांय मन नाई तो लउ ले, ना गागर र मन ले, ना मनुकर मन ले, मातर माहा परभू ले जनमला आचे | 14 आवरी बचन गागर धरला; आवरी अनुगरह आवरी सत ले समपूरन होई करी हामर मंजी ने डेरा धरला, आवरी हामि हातार असन महिमा दकलू, जसन बाबा गोटक बेटा र महिमा | 15 यहुना हातार बिसय ने गवई देला, आवरी कोलार होई करी बल्ला, “ये हांई आय,जहार मुय सांगी रई 16 कसन बले हांतार समपूरन थानले हामि सबु पायलू जसन की दयार उपरे दया| 17 ऐई काजे की नियम चो मुसा बाटले देलार आचे मातर दया आवरी सत ईशु मसीह बाटले पहुंचला | 18 माहा परभू के कोनी बले केबी ना दकला आत, गोटकी ची बेटा जोन बुआर खोरा ने आचे, हांई ची हांके दकायला | 19 यहुनार गवाये आयकी जड़दाय यहुदीयांने यरूशलेमले पुजारी आवरी यकोन आस ?” 20 तेबे हांय ये मानला, आवरी इंकार ना करला मातर ताके मानला, “मुय मसीह नुआय” “तेबे काय तुय अंतरयामी आस?”हांय जबाब देला “नाई ” 21 . तेबे हांय मन हांके पुछला तेबे फेर कोन आचे ? काय तुय एलिया आस ?” हांय बल्ला, “मुय नुआय |” “तेबे काय तुय हांय अंगमगिआनी आस ?” हांय जबाब देला, “नाई |” 22 तेबे हांय मन हांके पुचलाय, “ फेर तुय कोन आस ?की हामि आपनार पटायबा बिता के जबाब देबू | तुय आपना बारे ने काय बलबी आस ?” 23 हांय बल्ला, “जसन यसाहा अंग्मगिआनी बल्ला आचे: ‘मुय झार ने गोटक हाग देबा बितार शब्द आयं की तमि परभू र बाट सीधा करा’ |” 24 हांय फरिसी मन बाटले पटाय दीया जाई रये| 25 हा य मन ताके ये गोट पचार,” लाय अगर तूय ना मसीह आस आवरी ना एलिया आवरी ना हांय आदम अगम गिआनी आय तेबे आवरी तूय बपतिस्मा काय काचे देबी आस” 26 यहुन्ना ताके जबाब देला मुय तो पानी ले बपतिस्मा देऊ आय मातर तोमर मंजी ने गोटक मुनूक ठिया आचे जोनके तोमि ना जानास | 27 जसन की मोर पाचे आयबा बिता आय जाहार पनही र डोरी के मुय हिटाय बार बले लाईक र नुआय |” 28 ये गोट यरदन र हांय पाट बेतनिया ने होयला, जोन थाने यहुन्ना बपतिस्मा देयते रये | 29 दुसरा दीने हांय यीशु के आपना बाटे आसबाटा के द्की करी बलला, “ दका, ये माहा परभु र मेंडा आय जोन सोसार र पाप के उठाय करी नेऊ आय | 30 ये हाई आय जाहार बारे ने मुय संगी रई, गोटक मुनुक मोर पिटी बाटे आयसी आचे जोन मोरले सबू ले अच्छा आय, कसन बलले हांय मोर ले रये | 31 मूय तो काकी चीतायते ना रई, मातर ई काचे मूय पानी ले बपतिस्मा देयते आयली की हांय इस्राएल ने दका देओं |” 32 आवरी यहुन्ना ये गवाई देला : “ मूय आतमा के पोरवा असनआकाशलेउतरबाटा के दकली आची, आवरी हांय हातार उपरे थेबला | 33 मुय तो काकी चीतायते ना रई, मातर जोन मोके पानी ने बपतिस्मा देबा काचे पटायला, हाई ची मोके बलला, ‘ जाहार उपरे तूय आतमा के उतरबार आवरी ठेबबाटा के दकलास, हाई पवितर आतमा ले बपतिस्मा देबा बिता आय |’ 34 आवरी मूय दकली आवरी गवाई बले देली आची की ई माहा परभू र बेटा आय |” 35 दुसरा दीने आवरी यहुन्ना आवरी हातार चेला मन थानले दूय झन ठिया उठी रयेत, 36 आवरी हांय मन यीशु के जोन जायते रये, दकी करी बललाय, दका, ये माहा परभु मेंडा आय |” 37 तेबे हांय दुनो चेला मन हातार ये सूनी करी यीशु र पिटी बाटे होलाय | 38 यीशु उल्टी करी तिके पिटी बाटे आयबार दकला आवरी तिके बलला, “ तमी काके डगरायबा आस ?” हांय मन ताके बललाय, “ हे रबी ( आवरी हे गुरु ), तूय कोन थाने रऊ आस ?” 39 हांय तिके बलला, “ गले तो जानबास |” तेबे हांय मन जाई करी हातार रबा जगा के द्कलाय, आवरी हांय दीने हातार संगे रयेत | ये दस बजा बजी समेया ने आय| 40 हांय दीन मन ले, जोन यहुन्ना र गोट के सूनी करी यीशु र पिटी बाटे होई रयेत, गोटक सेमोंन पतरस र भाई आन्दरी आस रये | 41 हां य आगे आपनार खुद र भाई समोन संगे भेट होई हाके बलला, “ हामके खिरिस्त, आवरी मसीह मिरला आचे |” 42 हांय ताके यीशु लगे आनलाय | यीशु ताके दकी करी बलला, “ तूय यहुन्ना र बेटा समोन आस; तूय कैफ़ा आवरी पतरस बलाय होयबीस | 43 दुसरा दीने यीशु गलील ने जिबार चायला |हांय फिलिपुस के भेट होयला आवरी बलला, “ मोर पिटी बाटे हुआ |” 44 फिलिपुस, आन्दरिआस आवरी पतरस र नगर बैद्सेदा र रबा बिता आय| 45 फिलिफूस नतनेएल के भेटला आवरी ताके बलला, “ जाहार गोट के मुसा बेबसता ने आवरी अगम गिआनी मन करी करला आत, हांय हामके मिरला; ये युशुफ र बेटा यीशु नासरी आय |” 46 नतनीएल ताके बलला,“ काय कोनी अच्छा तिज बले नासरत ले निकर के सकू आय ?” फिलिफुस ताके बलला, “ जाई करी दकी तो द्कू |” 47 यीशु नतनीएल के आपना बाटे आयबार दकी करी हातार बारे ने बलला, “ दका ये सते ची इस्राएली आय” इती कपट नीआय |” 48 नतनीएल ताके बलला, “ तूय ब्मोके कसन जानीस ?” यीशु ताके जबाब देला, “ एतार आगे की फिलिफुस तोके हाग देला, जड़ दाय तूय अंजीर र गच तले रईस, तेबे मुय तोके दकी रई |” 49 नतनीएल ताके जबाब देला, “ ये रबी, तूय माहा परभू र बेटा आस; तूय इस्राएल र माहा राजा आस |” 50 यीशु ताके जबाब देला, “ मुय तोके बली रली की मुय तोके अंजीर र गचर तले दकली, काय तूय ई काचे बिसबास करबी आस ? तूय एतार ले बड़े बड़े काम के बले दकबीस |” 51 आवरी हाके बलला, “ मुय तोमके सते सते बलबी आची की तोमि सरग के उगाड़ी होयलार, आवरी माहा परभु के आवरी सरग दूत के मुनूस र बेटा र उपरे उतर बार आवरी जीबाटा के दकबास |”