18
आवरी हांय एतार बारे ने की हरमेसा पारतना करबार आवरी हिमत ना छाड़ बार आय, तिके ए कटाव बलला; 2 “कोनी नगर ने गोटक निआव करू रयते रये, जोन ना माहा परभु के डरते रये आवरी ना कोनी मुनुक के परवाह करते रये | 3 हांय नगर ने गोटक रानडी बले रये जोन हातार लगे आसी करी बलते रबार आय, मोर निआव करी मोके मुकदमा ले बाचाव |' 4 खीनिकमाँ दायले तो हांय ना मानला मातर सरासरी दाय मन ने बिचार करी बलला, आवरी ना मुय माहा परभु के डरु आय, आवरी ना मुनुक मनर काई परवाह करु आय; 5 तेबे बले ये रानडी मोके कन्दरायते रऊ आय ई काचे मुय हातार निआय करबी, केबी असन ना होओं की रई रई आसी करी आख़री सरा सरी दाय मोके परेसान करसी |” 6 परभु बलला, “सूना ये अधरमी निआव करू काय बलसी आचे ? 7 ई काचे काय माहा परभु आपनार बाचलार लोकर निआव ना करे जोन राती दीने हातार बिनायते रऊ आत ?काय हांय तिकर बारे ने देर करसी ? 8 मुय तोमके बलबी आची ?हांय तुरते तिकर निआव करसी |तेबे बले मुनुकर बेटा जड़ दाय आयसी, काय हांय धरतनी ने बिसबास पायसी ?” 9 हांय ताके जोन आपना र उपरे भोरसा सोंगायते रयेत की हामी धरमी आव, आवरी दुसरा के तुच्छ जानते रयेत ये कह्का बलला;” 10 दुय झन मुनूक मन मंदीर ने पारतना करबा काचे गलाय; गोटक फरिसी रये दुसरा पटी धरु बिता 11 फरिसी ठिया उठी करी आपनार मन ने ये पारतना करके मुरायला, ' हे माहा परभु मुय तोके धनेबाद करबी आची की मुय दुसरा मुनूक असन अंधार करबा बिता, अनेयाई आवरी बेबिचारी नुआय, आवरी ना ये पटी धरु बिता असन आय | 12 मुय हफ्ता ने दुय हार उपास सोंगाऊ आय; मुय आपनार कमायलार द्समांस बले देऊ आय |' 13 “मातर पटी धरु बिता दुरे ठिया उठी करी, सरग बाटे आकी के उठाय बार बले ना चाह्यला मातर आपनार छाती के पेटी पेटी करी बलला, हे माहा परभु, मोर पापी उपरे दया कर |' 14 मुय तोमके बलबी आची की हांय दुसरा नाई मातर हाई मुनूक धरमी होई करी आपनार घरे गला ;कसन बलले जोन कोनी आपना के बड़े बनाऊ आय, हांय सुरु बले करा जायसी;आवरी जोन आपना के सुरु बनाऊ आय हांय बड़े करा जायसी |*” 15 गोटोक हार लोक, कुबे सुरू पिला-टोकीमन के बले ईसु आपना हात क तिकर ऊपरे सांेगायकरी बर देवो बोलीकरी हांतार लगे आनते रलाय। तेबे चेलामन एके दकीकरी तीके कचकायलाय। 16 मांतर ईसु पीला-टोकीमन के आपना लगे हाग-देयीकरी बोलला, पीला-टोकीमन के मोर लगे आयके दियास; हांयमन के माना ना करा; कसनबलले, महाप्रूर राज असनी मनर आय। 17 मुंय तोमके सते बोलबी आची, कोनी बले महाप्रूर राज के पीला-टोकीमनर असन ना मानले, हांयताने केबे जायके ना सके। 18 अड़किदाय गोटोक मुकिया, ए गुरू तुय अचा आस; तुय सांग, जुगजुगर जीवना के पायबा काजे मोके काय करबार आय? बोली ईसु के पोचारला। 19 तेबे ईसु तार उतारे बोलला, आस? महाप्रू के चाड़ीकरी कोनी बले अचा नु आत। 20 तुय तो मोसा देलार हुकुममन के जानीसः बेबिचार ना करबार आय मोरते ना मारबार आय, चोरी ना करबार आय, पंदी गोटर साकी ना देबार आय, निजर आया आवरी बाबा के मान देबार आय। 21 तेबे हांय बोलला, मंुय तो एटा सबु के पिलादाय ले मानबी आची। 22 एके सुनीकरी ईसु ताके बोलला, तोर लगे आवरी गोटोक गोटर उना आचे। तोर लगे रबा सबु दन-माल के बिकीकरी गरीब लोक के देयी देस। तेबे तोके सरग ताने दन मिरसी; तेबे पाचे, आसीकरी मोर पीटी-पीटी आव। 23 मांतर हांय कुबे बड़े सवकार रला गुनुक, एके सुनीकरीह कुबे मुरमुरा होयला। 24 ईसु, तार मुरमुरा होयलाटाके दकीकरी बोलला, सवकार लोक, महाप्रूर राज ने जीबार कुबे मसकुल आय। 25 सवकार लोक महाप्रूर राज ने जीबा तानले, ऊंट के सूजीर काना ले चिंगड़ायबार सरल आय। 26 ए गोट के सुनला लोक पोचारलाय तेबे कोन मुकती के पायके सके ? 27 तेबे ईसु बोलला, जोनटा मानेमन करके ना सकेत, हांयटाके महाप्रू करके सके। 28 तेबे पतरस बोलला, दक ! हांमर लगे रला सबु के चाड़ीकरी तोर पीटी-पीटी आयलु आचु। 29 हांय हांय मनके बललाएश्मुय तोमके सते बलबी आची की असन कोनी निआत जोन माहा परभु र राज काचे घरए नोयले बायलेए नोयले भाई मनए नोयले आया बुआए नोयले पिला टोकी के छाड़ी देला आचेय 30 तेबे ईसु तीके बोलला, मंुय तोमके सते सांगबी आची, कोनी महाप्रूर राजर लागी आपना गर के, बायले के, भाईमन के, आया बाबा के नोयले पीला-टोकी के चाड़ी देला आचे; हांय ए जीवना ने जतक चाड़ला, हंाय तानले कुबे आगर पायसी आवरी जुग-जुग जीवना के बले पायसी।“ 31 तेबे ईसु बारा चेलामन के आपना लगे हाग-देयीकरी तीके बोलला, “दका! हांमी एरूसलेम जीबु आचु आवरी जतक गोट मुनुसर-बेटा मोर इसाब ने, अंतरजानीमन लिकला आचेत, हांयटा सबु हांयताने होयसी। 32 मुंय एहूदी ना रबा लोकर हाते सोपाय होयबी। आवरी हांयमन मोके हांसी पोकायबाय आवरी मोर इजीत दरीकरी मोर ऊपरे तुकबाय। 33 हांयमन कोड़ा मारीकरी मोके मोरते मारबाय। मातर तीसर दिने, मुंय आवरी जीव उटबी।“ 34 मातर चेलामन ए गोटमन ले कांई के ना समजलाय; आवरी ए गोटर अरत हांयमन ले लुकी रला; आवरी हांय बोललाटाके हांयमन ना समजलाय। 35 पाचे, ईसु एरीहो सहर लगे अमरलादाय, गोटोक काना माने सड़ाक रेटे बसीकरी बीक मांगते रला। 36 आवरी लोकर रासी हांयबाटे हींडबाटाके सुनीकरी, “काय होयसी आचे?“ बोलीकरी पोचारला। 37 तेबे लोकमन ताके, “ईसु नासरी जायसी आचे“ बोली बोललाय। 38 तेबे हांय किर-किरीकरी, “ए ईसु ! दाऊद राजार बेटा ! मोर ऊपरे दया कर ! बोलला। 39 आवरी चोमे जायते रला लोक ताके दाका देयीकरी, “ओगाय रा“ बोललाय; मातर हांय, “ए दाऊदर बेटा ! मोर ऊपरे दया कर !“ बोलीकरी कुबे किरकिरके मुरायला। 40 तेबे ईसु टिंया होयीकरी “ताके मोर लगे आना “ बोली हुकुम देला। पाचे हांय माने, लग आसबाके, ईसु ताके पोचारला, 41 “मुंय तोर काजे काय करबार आय बोली तुय मन-करी आस? तेबे हांय बोलला, ए परबु मंुय दकके हो बोली मन-करबी आची। 42 तेबे ईसु ताके बोलला, एबे ले तुय दकके सकबीस; तुय बिसबास करलीस गुनुक अचा होयलीस। 43 तेबे तुरते हांय दकके सकला; आवरी महाप्रूर जय-जय करी तार पीटी-पीटी गला। आवरी एके दकला सबु लोक महाप्रूर जय-जय करलाय।