10
आउर हायं हायं थानले उठी करी यहूदियार संदी ने आउर ऐरदनर हायं पाट | भीड़ तार लगे आउर कूड़ा होयलाय आउर तार नियम अनुसार हायं मन के आउर उपदेस देयके धरला | 2 तेबे फरीसी मन हान्तार लगे आसी करी परिक्चा करबा काजे हांके पुचलाय, “काय ऐ अच्छा आय कि मुनुक आपनार बायले के छाड़ी देये ?” 3 हायं तीके जबाप देला, “मुसा तोमके काय हुकुम देला आचे ?” 4 हायं मन बल लाय, “मुसा छाड़ पतर लिकबार आउर छाड़ बार हुकुम देला आचे |” 5 ईशु तीके बल्ला, “तोमर मनर कठोरतार कारन हायं तमर काजे ऐ हुकुम के लिकला 6 मातर धरतनीर मुर ले मापरू नर आउर नारी बली करी तीके बनायला | 7 ई कारन मुनुक आपनार माय आउर बाप ले अलगे होई करी आपनार बायले संगे रयसी, 8 आउर ऐ मन दुनो गोटक अंग होयबाय; ई काजे ऐबर ऐ मन दुय नाई मातर गोटक अंग आत | 9 ई काजे जोनके मापरू जोड़ ला आचे तीके मुनुक अलग ना करा |” 10 घरे चेला मन ऐतार बारे ने हांके आउर पुचलाय | 11 हायं तीके बल्ला, “जोन कोनी आपना बायले के छाड़ी करी दुसर के बिया करसी तेबे हायं तार पईलर बिरूद ने बेबिचार करू आय; 12 आउर अगर बायले आपनार मुनुक के छाड़ी करी दुसर संगे बिया होऊ आय तो हायं बेबीचार करू आय |” 13 आउर लोक मन हान्तार लगे आनके धरलाय कि हायं तिकर उपरे हात के थापो, मातर चेला मन तीके कचकाय लाय | 14 ईशु ईके दकी करी रिस होई करी तीके बल्ला, “पिला मन के मोर लगे आस के दिआस तीके माना ना करा, कसनबल्ले मापरूर राज असनी लोककर आय | 15 मय तोमके सते बलबी आची कि जोन कोनी मापरूर राज के पिला मनर असन ना आपनायेत, हायं हायंथाने केबे बले पोंचके ना सके |” 16 आउर हायं तीके कोरा ने धरला आउर तीकर उपरे हात थापी करी तीके आशीष देला | 17 जड़ दाय हायं हायं थानले निकरी करी बाटे जायते रये, तेबे गोटक मुनुक हान्तार लगे पोराय ते आयला, आउर हान्तार छमे मांडी खुटा देई करी हांके पुचला, “हे अच्छा गुरू, अमर जीवनार हकदार होयबा काजे मय काय करबी ?” 18 ईशु हांके बल्ला, “तुय मके अच्छा काय काजे बलबी आस ? कोनी अच्छा नुआत, केवल गोटक जोनकी मापरू | 19 तुय हुकुम मन के तो जानीस : 'हत्या ना कर, बेबिचार ना कर, चोरी ना कर, झूठ साकी ना देस, छल ना कर, आपनार बुआ आउर आपनार आयार मान कर '|” 20 हायं ताके बल्ला, “हे गुरू, ऐ सबु के मय पिला बेरा ले मानते आयबी आची |” 21 ईशु तार उपरे दकी करी हांके मया करला, आउर हांके बल्ला, “तोर भीतरे गोटक तिजर घाटा आचे | जा, जोन काई बले तोर आय हांके बिकी करी कंगाल मन के देई देस, आउर तोके सरग ने धन मिरसी, आउर आई करी मोर पिटी बाटे हो |” 22 ऐ गोट के सुनी करी हान्तार मुअर पानी उतरी गला, आउर हायं मुरमुरा होई करी जायते गला, कसनबल्ले हायं खुबे सोकार रये | 23 ईशु चारो बाटे दकी करी आपनार चेला मन के बल्ला, “सोकारर मापुरूर राज ने पोंचबार खूबे मसकुल आय !” 24 चेला मन हान्तार गोट ले चकित होयलाय | ऐ थाने ईशु आउरी तीके बल्ला, “हे पिला मन जोन धन उपरे भोरोसा करू आत, तिकर काजे मापरूर राज ने पोंचबार मसकिल आय ! 25 मापरूर राज ने सोकार पोंचबार ऊँटर सूजीर काना ले छिन्गडी जीबार सरल आय !” 26 हायं मन खुबे चकित होई करी एक दुसर के बल्लाय, “तेबे आउर काहार उद्धार होयसी ?” 27 ईशु तिकर बाटे दकी करी बल्ला, “मुनुक मन ले तो ऐ ना होयके सके, मातर मापरू ले होयके सके; कसनबल्ले मापरू ले सबु तीज होयके सके |” 28 पतरस ताके बल्ला, “दक हामी सोबू के छाडी करी तोर पिटी बाटे आयलू |” 29 ईशु बल्ला, “मय तमके सते बलबी आची कि असन कोनी निआत, जोन मोर आउर सुसमाचार काजे घर के भाई के भईन के आया के बुआ के पिला टोकी के बेड़ा खाड़ा केछाड़ी देला आचे, 30 आउर ऐबर ऐ समया ने सोव भाग ना पाये, घर मन भाई मन भईन मन आउर आया मन आउर पिला टोकी मन आउर बेड़ा खाड़ा के, मातर दुक दण्ड संगे आउर पर लोक ने अमर जीवन | 31 मातर खुबे जोन आगले ले आचेत, पिटी बाटे होयबाय; आउर जोन पाचर आत, हायं मन छोमे होयबाय |” 32 हायं मन ऐरूशलेम ने जिबादाय बाटे रयेत, आउर तिकर छोमे-छोमे हिंडते रये : चेला मन अकचकाय करी आउर जोन हान्तार पिटी-पिटी हिंडते रयेत हायं मन डरी रयेत | तेबे हायं आउर हायं बारा लोक के धरी करी हायं मन के हायं गोटाय सांगके मुरायला, जोन तार उपरे आयबा बीती रये, 33 “दका, हामी ऐरूशलेम ने जिबू आचू, आउर मोनुसर बेटा बड़े याजक आउर साश्त्री मनर हाते धराया जायसी, आउर हायं मन हांके घातर लायक ठेबाय बाय, आउर अन्य जातीर हाते सोपबाय | 34 हायं मन हांके हांसी खिआली ने गोटाय बाय, हान्तार उपरे थुकबाय, हांके कोड़ा ने मारबाय आउर ताके घात करबाय, आउर तिन पाचे हायं जीव उठसी |” 35 तेबे जबदीर बेटा याकूब आउर यहूना तार लगे आई करी बल्ला, “हे गुरू, हामी चाहाय बू आचू कि जोन काई बले हामी तोके मांगबू, हायं के तुय हामर काजे कर |” 36 हायं तीके बल्ला, “तोमी काय जानास कि मय तोमर काजे करबी ?” 37 हायं मन ताके बल्लाय, “हामके ऐ बर देस कि तोर महिमा ने हामर ले गोटक तोर बुजनी आउर दुसर तोर डेबरी बाटे बोसोत |” 38 ईशु हायं मन के बल्ला, “तोमी ना जानास कि काय मांगबा आस ? जोन बोटका ने मय पी बा बिता आयं, काय तोमी पीय के सकास ? आउर जोन बपतिस्मा धरू आयं बे, काय तोमी धर के सकास ?” 39 हायं मन ताके बल्लाय, “हामर ले होयके सके |” ईशु तीके बल्ला, “जोन बटका ने मय पिउआय बे, तोमी पिबास; आउर जोन बपतिस्मा मय धरू आयं, हांके धरबास | 40 मातर जाआर काजे तिआर करला आचे, हांके छाड़ी करी आउर कोनी के आपनार बुजनी बाटे आउर आपनार डेबरी बाटे बोसाय बार मोर काम नुआय |” 41 ऐ सुनी करी दस झन याकूब आउर यहूनार उपरे रिस होयलाय | 42 तेबे ईशु हायं मन के लगे हाग देई करी तीके बल्ला, “तोमी जानबा आस कि जोन अन्यजातीर हाकीम समझू आत, हायं मन तीकर उपरे हुकुम चलाऊ आत; आउर तिकर ले जोन बड़े आत, तिकर उपरे हक जताऊ आत | 43 मातर तोमर ने असन नुआस, मातर जोन कोनी तोमर ने बड़े होयके चाहाय सी आचे आले हायं तोमर सेवक बनो; 44 आउर जोन कोनी तोमर ने मुखिया होयबार चाहाय सी आचे आले, हायं सबुर दास बनो | 45 कसनबल्ले मनुसर बेटा ऐ काजे ना आसला आचे कि हान्तार सेवा साशन किया जाओ, मातर ई काजे आयला कि आपने सेवा साशन करे, आउर खुबे लोक के छाडायबा काजे आपनार जीव के देओ |” 46 आंय मन यरीयो आयलाय.आउर जड़ दाय आंय आउर तार चेला मन,आउर गोटोक बड़े बिड यरीयो ले निकरते रहे, तेबे तिमाई बेटा बरतिमाई,गोटोक काना भिकमान्गु,सडाक रेटे बोसी रये | 47 आंय ये सुनिकरी की यीशु नासरी आय, चिचाय चिचाय करी बोल्ला,'' ये दाऊदर बंस यीशु मोर उपरे दया कर | 48 खुबे लोग ताके दमकायलाय ओगायरा मातर आंय आउर बल्ले चिचायके मुरायेला, ये दाऊदर बंस मोर उपरे दया कर |'' 49 तेबे यीशु टेबी करी बोल्ला,'' आंके हाग दिहास आउर लोग मन आंय काना के हाग देही करी हांके बोल्लाय,'' बर्कस हो |उठ |आंय तोके हाग देयसी आचे |'' 50 आंय तार पटही के पकाय करी जटके उटला,आउर यीशु लगे आयला | 51 ये काजे यीशु आंके बोल्ला,''तुयी काय चाहबी आचिस की मय तोर 52 यीशु तिके बलला, “जायते जा, तोर विश्वास तोके अच्छा करला आचे |” हांय अड़की ची दाय दकके मुराय ला, आवरी बाट ने तार पिटी बाटे होयला |