27
जड़ दाय सकार पायला तेबे सबू बड़े मुखियां आवरी लोक मनर पुरनी मन यीशु के बारबा काचे गुहार करलाय | 2 हांय मन ताके बांद लाय आवरी नेई करी पिलातुस हांकीम र हाथे सोपी देला | 3 जड़ दाय ताके धरायबा बीता येहूदा दकला की हांय दोसी माना गला आचे तेबे हांय खीशायला आवरी हांय तीस ठन चांदीर बड़े मुखियां मन लगे आवरी जुना मन लगे बाहाड़ाय आनला 4 आवरी बलला, “मय नीरदोस के मारबा काचे धराय करी पाप करली आची !”हांय मन बललाय, “हांमके काय आय ? तुय ची जान |” 5 जेबे हांय हांय सिक्का के मंदीर ने पकाय करी जायते गला, आवरी जाई करी आपन खुदे फासी देला | 6 बड़े मुखिया मन हांय सिक्का मन के धरी करी बललाय, “एके भण्डार ने सोंगाय बार ठीक नुआय |” 7 तेबे: हांय मन विचार करी दुसरा देशर लोक के गाड़बा काचे कुम्हार र बेड़ा के घेनलाय | 8 हांई लागी हांय बेड़ा आजी ले पने लउर बेड़ा बलाय हऊ आय | 9 तेबे जोन वचन यिर्मयाह भविष्य बकता बाटले बला जाई रये हांय पूरा होयला: “हांय मन हाय तीस टा सिक्का जसन हांय सोंगायला मोल के (जोनके इस्राएल र बेटा मन ले कतक सोंगाय रयेत) धर लाय, 10 आवरी जोन के परभु मके आगेया देई रये असनी ची हांके कुम्हार र बेड़ा र मोल देई देला |” 11 जेबे यीशु हांकीम छमें ठीयां रये तेबे हांकीम ताके पुछला, “काय तुय यहूदी मनर राजा आस ?” यीशु तीके बलला, “तुय आपनी ची बलबी आस” 12 जेबे बड़े मुखिया आवरी जुना मन ताके दोष लगायते रयेत, तेबे हांय काई बले उतर ना देला | 13 तेबे पिलातुस ताके बलला, “काय तुय ना सुनीस की ये तोर बीरुद ने कतक गवाई मन देबा आत ?” 14 मातर हांय ताके गोटक गोटर पने उतर ना देला,ईति ले की हांकिम के खुबे चकित लागला | 15 हांकिम र ये नीती रये की हांय परब ने लोक काचे कोनी गोटक बंदी के जोन के हांय मन चाहते रयेत, छांड़ी देबार आय | 16 हांय समया ने तीकर थाने बरअब्बा नावर गोटक सबू जानबा बंदी रये | 17 तेबे: जड़ दाय हांय मन रुण्डा होयलाय, तेबे पिलातुस तीके बलला, “तोमी काके चायबा आस की मय तोमर काचे छाड़ी देबी ?बर अब्बा के, की यीशु के जोन मसीह बलाय हउ आय ?” 18 कसन की हांय जानते रये की हांय मन ताके कुचर काचे धरायला आत | 19 जेबे हांय नीआयर गद्दी ने बसी रये तेबे हातार बायले ताके खबर पटायला, “तुय हांय धरमी र काम ने हात ना डाला, कसन की मय आजी तार लागी खुबे दुःख उठायली आची |” 20 बड़े मुखीयां मन आवरी जुना मन उकसाय लाय की हांय बरअब्बा के मांगोत, आवरी यीशु र नाश कराओत | 21 हांकिम तीके पुछला, “ऐ दुनो ने काके चायबास की मय तोमर काचे छाड़ी देबी ?”हांय मन बललाय, “बर अब्बा के |” 22 "पिलातुस तीके पुछला, “पाचे यीशु के जोन मसीह बलाय हउआय, काय करुआय ?”सबू ताके बललाय ""हांके क्रूस ने चेगाहा !" 23 हांकिम बलला, “काय, हांय काय गलत करला आचे ?”मातर हांय मन आवरी बले कोल्हार होई होई बललाय, “हांके क्रूस ने चेगाहा |” 24 जेबे पिलातुस दकला की काई ना बनसी आचे मातर मातर तार काचे कोल्हार बड़ते ची जायसी आचे, तेबे हांय पानी धरी करी भीड़ र छमे आपनार हाथ धोयला आवरी बलला, “मय ये धरमीर लउ ले नीरदोस आय:तमी ची जाना |” 25 सबू लोक मन उतर देलाय, एतार लउ हामर उपरे आवरी हामर बेटा बेटी उपरे होओं !” 26 तेबे हांय बार अब्बा के तीकर काचे छाड़ी देला आचे, आवरी यीशु के कोड़ा मारी करी सोपी देला, की क्रूस ने चेगाया जाओं | 27 तेबे हांकिम र सिपाई मन यीशु के कीला ने नेई करी सबू पलटन हातार चारो बाटे रुंडा होय लाय, 28 आवरी तार फटई के नीकराय करी ताके लाल रंगर बागापीन्दायला, 29 आवरी काटार मुकुट बनाय करी हातार मुंड ने सोंगाय लाय, आवरी हातार बुजनी हाथ ने खंडा देलाय आवरी तार छमे मांडी खूटा देई तार हासी उड़ाय लाय आवरी बललाय, “हे यहूदी मनर राजा जुहार !” 30 आवरी तार उपरे थूक लाय;आवरी हांई खंडा के धरी करी हातार मुंड ने मारके मुराय लाय | 31 जेबे हांय मन तार हासी उड़ाय सराय लाय, तेबे हांय बागा के हीटाय करी पाचे हातार ची फटई के ताके पीन्दाय लाय, आवरी क्रूस ने चेगायबा काचे नेलाय | 32 बाहरे जीबा दाय तीके शमौन नावर गोटक कुरेनी माने मीरला |हांय मन ताके बेगार ने धरलाय की तार क्रूस के उठाय करी नेओं 33 हांय जगा ने जोन गुलगुता माने खोपड़ी र जगा बलाय हउ आय, पहुची करी 34 हांय मन पीत मीलाय ला दाख रस हांके पीयबा काचे देलाय,मातर हांके चाकी करी पीयबार ना चाहयला | 35 तेबे हांय मन ताके क्रूस ने चेगाय लाय, आवरी चीटटी नीकराय करी हातार फटई के बाट लाय, 36 आवरी हायती बसी करी हातार राका रलाय | 37 "आवरी तार दोस चीटटी के तार मुंड र उपरे लगाय, लाय की "" ये यहूदी मनर राजा यीशु आय”|" 38 तेबे हातार संगे दुयटा डाकू गोटक बुजनी बाटे आवरी गोटक डेबरी बाटे, क्रूस मन ने चेगाय गलाय | 39 आयबा जीबा लोक मुंडी हलाय हलाय हातार खुद खायते रयेत, 40 आवरी ये बलबार आय, “हे मंदीर के भसड़ायबा बीता आवरी तीन दीन ने बनायबा बीता, आपन के तो बचाव !अगर तुय माहा परभुर बेटा आस, आले क्रूस थान ले उतरी आव |” 41 आवरी ये बलबार आय, “हे मंदीर के भसड़ायबा बीता आवरी तीन दीन ने बनायबा बीता, आपन के तो बचाव !अगर तुय माहा परभुर बेटा आस, आले क्रूस थान ले उतरी आव |” 42 """ हांय दुसरा लोक के बाचायला, आवरी आपन के ना बाचायके सके | ये तो इस्राएल र राजा आय |अबर क्रूस ले उतरी आयले हांमी तार उपरे वीसबास करबू |" 43 हांय माहा परभु उपरे भरोसा कारला आचे: अगर हांय एके चाहू आय,तेबे एके छाडाओ,कसन की हांय बली रये, मय माहा परभुर बेटा आय | 44 असनी ची डाकू मन बले हातार संगे क्रूस ने चेगाय जाई रयेत, हातार खुद खायते रयेत | 45 दुय पाहार ले धरी तीसरा पाहार तक हांय सबू देश ने अन्दार होई रला | 46 "तीसरा पाहार र लगे यीशु बड़े शब्द ले हाग देई करी बलला, “एली, एली,लमा शबक्तनी ?” तेबे ""हे मोर माहा परभु, हे मोर माहा परभु, तुय मोके काय काचे छाड़ी देलीस ?”" 47 जोन हायती ठीआ रयेत, हांय मनले कतक लोक ये सूनी बललाय, ये तो एलिय्याह के हांग देयसी आचे |” 48 हांय मन ले गोटक अडकी की ची दे परायला, आवरी स्पंज धरी करी सिरका ने बुडाय ला, आवरी खंडा ने सोंगाय करी ताके चुप रायलाय | 49 दुसरा लोक बललाय, “राहा, दकबू एलिय्याह ताके बाचाय के आयसी की नाई |” 50 तेबे यीशु आवरी बड़े शब्द ले कोल्हार होई जीव के छाड़ी देला | 51 आवरी दका, मंदीर र परदा ऊपर ले धरी तलले फाटी करी दुय भाग होयला:आवरी भूई हलला आवरी डेंग पकना मन कीरका होयलाय, 52 आवरी कबर मन उगाड़ी होयला, आवरी सोयला पवित्र लोक मनर खुबे असन गागर जीव पड़लाय, 53 आवरी तीकर जीव उठलार पाचे हांय मन कबर ले नीकरी करी पवित्र नगर ने गलाय आवरी खुबे मन के दका देलाय | 54 तेबे सूबेदार आवरी जोन तार संगे पाहरा देयते रयेत, भूकंप आवरी जोन बले होई रये हांके द्की करी खुबे डरी गलाय आवरी बललाय, “सते ये माहा परभुर बेटारये !” 55 हांयती खुबे बायले मन जोन गलील ले यीशु र सेवा करते तार संगे आसी रलाय,दूर ले ये दकते रयेत | 56 हांय मन ने मरीयम आवरी मगदलीनी, आवरी याकूब आवरी योसेस र आया मरीयम, आवरी जबदी र बेटा मनर आया रये | 57 जेबे संझ होयला तेबे यूसुफ नाव र अरिमतीया र गोटक सावकार माने जोन आपनी यीशु र चेला रये, आयला | 58 हांय पिलातुस लगे जाई करी यीशु र गागर के मांगला |तेबे पिलातुस देबा र आगेया देला | 59 यूसुप गागर के धरला, हांके उजर चदर ने गुड़ायला, 60 आवरी ताके तार नुआं कबर ने सोंगायला, जोन के हांय पकना उपरे कोड़ाय रये, आवरी कबर र बाटे बड़े पकना के टेकी करी जायते गला | 61 मरियम मगदलीनी आवरी दुसरा मरियम हांयती कबर छमे बसी रये | 62 दुसरा दीने जोन तीआरी दीन र पाचे र दीन रये, बड़े मुखीयां आवरी फरिसी मन पिलातुस लगे रुंडा होई बललाय, 63 """हे माहाराज, हामके सुरता आचे की हांय भरमायबा बीता जेबे हांय जीव रये , बली रये मय तीन दीन पाचे जीव उठबी |'" 64 तेबे: आगेया देस की तीन दीन ले कबर र राका करोत, असन ना होओं की तार चेला मन आई करी हांके चोरी नेओतआवरी लोक मन के बलोत, 'हांय मोरला लोक मन ले जीव उठला आचे |'तेबे पाचर धोका आगर धोका ले बले जादा होयसी |” 65 पिलातुस तीके बलला, “तोमर लगे राका रउमन तो आचेत |जाहा, आपनार समझ र असन राका करा |” 66 तेबे: हांय राका रउ मनर संगे गलाय, आवरी पकना ने मोहर लगाय करी कबर राका रलाय |