यीसू मसी गै खास चेलै यूहना गो लिखेड़ो तीसरो खत
ईं खत गै बारै में
यूहना गो तीसरो खत अगुवा गी ओर ऊं बिस्वासी मण्डली गै एक अगुवै, गायुस नै लिख्यो गेयो हो। जद यूहना आपगै लोगां नै बिस्वासी मण्डली गै बिस्वासियां नै सिखाण खातर भेज्यो। बि टेम दियुतरिफेस बां लोगां नै बिस्वासी मण्डली में आण ऊं मना कर दियो अर बण इंया सोच्यो कै मैं यूहना ऊं मोटो आदमी हूं। पण गायुस बां लोगां गो आदर करयो अर रेण अर खाण पीण गी बांगी मदद करी। ईंखातर यूहना ईं खत में गायुस गी बडाई करै है अर सागै ई सारै बिस्वासियां नै दियुतरिफेस ऊं सावचेत रेण ऊं बी चेतायो है क्यूंकै बो गळत संदेस देंवंतो हो।
रूप रेखा
यूहना गी ओर ऊं निमस्कार 1-4
गायुस नै बधाई 5-8
दियुतरिफेस नै सरायो कोनी9-10
दिमोतरियुस नै सरायो 11-12
आखरी निरदेस 13-15