इब्रानी मसी लोगा गै नाम खत
ईं खत गै बारै में
ओ खत इब्रानियों में रेण आळा बिस्वासी लोगां गै नाम लिख्यो गेयो। झिकै टेम इब्रानी गै बिस्वासी लोगां पर भोत सताव आयो। बि कारण लोग मसी गो बिस्वास छोडण लागग्या। ईं खत गै द्वारा बानै दुख झेलता होया बिस्वास में बण्यो रेण खातर केयो गेयो अर बानै समझाण गी बी कोसिस करी गेई कै यीसू मसी परमेसर गो सच्चो रूप है झिकै दुख झेलगे आपगै पिता गो आग्या गो पालण करयो हो। यीसू मसी पुराणै टेम गै परमेसर गी बात बोलण आळा अर सुरगदूतां अर मूसा ऊं बी ऊंचो है। यीसू मसी गै बिस्वास करण आळै नै पाप, डर अर मरण ऊं बचा लियो जावैगो। इंया केगे लेखक बानै होसलो देवै कै थे बिस्वास में बण्या रेवो अर आपगो पूरो बिस्वास यीसू मसी पर राखो झिका दुख आवै बानै दिरजाई ऊं सेहन कर ल्यो।
ओ खत ईस्वी सन् 67-69 गै टेम लिख्यो गेयो।
रूप रेखा
मसी परमेसर गो पूरो चानणो 1:1-3
मसी सुरगदूतां ऊं ऊंचो 1:4–2:18
मसी मूसा अर यहोसु ऊं बी ऊंचो 3:1–4:13
मसी याजकां ऊं बी ऊंचो 4:14–7:18
मसी वायदा ऊं बी ऊंचो 8:1–9:28
मसी गो बलिदान गो म्हत्व 10:1-19
बिस्वास गो म्हत्व 11:1–12:29
आखरी संदेस 13:1-25