मरकुस गो लिखेड़ो सुब समाचार
ईं सुब समाचार गै बारै में
ओ सुब समाचार मरकुस गै नाम पर, खास चेले पतरस गै आध्यात्मिक बेटै अर ईं सुब समाचार गै लेखक गै नाम ऊं जाण्यो जावै है। ईं किताब में आपां यीसू मसी नै जाणा हा झिकै अधिकार गै सागै आपगो काम करयो हो।
मरकुस यरुसलेम में रेवंतो हो अर बरनाबास गै काकै गो बेटो हो अर बिंगी मां गो नाम मरियम हो। पेली परचार यातरा गै टेम मरकुस पौलुस अर बरनाबास गै सागै हो। पण बिचाळै ई बो पाछो आ'ग्यो हो। बिंगो इब्रानी नाम यूहना अर लतीन नाम मरकुस हो।
ईं किताब नै रोम में ईस्वी सन् 55 ऊं 65 में लिखी गेई ही।
आपां नै ईं किताब में यीसू गा काम अर सिक्सा गी जाणकारी विस्तार ऊं मिलै है। मरकुस ईं किताब में यीसू मसी नै ओपरी नै काड़णो अर पाप माफ करण गी ताकत गै सागै दिखायो है। ईं किताब में यीसू मसी परमेसर गो बेटो है। बो ईं धरती पर आयो क्यूंकै लोगा गै पाप खातर आपगो जीवन दियो अर लोगा नै बांगै पापा ऊं बचाया।
रूप रेखा
सुब समाचार गी सरुआत 1:1-13
गलील में यीसू गी सेवकाइ 1:14–9:50
गलील ऊं यरुसलेम जाणो 10:1-52
यरुसलेम में आखरी सप्ता 11:1–15:47
यीसू गो जी उठणो 16:1-8
जींवतो प्रभु गो दिखणो अर सुरग जाणो 16:9-20