Kolɔɔsɩ a ‑nʋa i

'Bɔgʋʋ Pɔɔlʋ 'cɛlɩɛ

Kolɔɔsɩ a ‑nʋa

'wʋʋ

'Bɔgʋ nɩ 'mö a wɛlɩɩ

Azii 'tikëyi ‑dʋdʋʋ, ‑wʋ paa zɩ'ɛ Twlikii, wʋ 'wʋ a ‑glɔɔ Kolɔɔsɩ glɩnɩ a‑a. Pɔɔlʋ a'bhë, ɔ'ɔɔ tɛkäsɛ Kolɔɔsɩ 'sibhë. ‑Maa ɔ 'tua ‑bhlʋ wa laa Epaflasɩ, mɔɔ 'nyɛɛ ‑mä a ‑nʋa Lagɔwɛlɩɩ, 'n wa yiɛ Zezwii a ‑nʋä 'zʋ.

‑Maa nɩkpa ‑mumuë, ‑wa 'cɩaa käböwɛlɩɩ ‑yɩ ‑nyɛ Lagɔ 'a ‑tiamö a wɛlɩɩ 'nɩ mönɩɛ yɔwʋʋ, mʋa nyimaa Zezwii a ‑nʋa ‑wa ‑wʋä ‑mä Kolɔɔsɩ 'wlumö.

Yiowa 'la, sɛ'ɛ wa nʋä nɩɩ, nɩkpaa nɩ bʋbɔ Lagɔzuzukuu. Wa nɩ 'zʋ Zwiiföwaa 'a 'fɛtilea 'klʋkpamö. Wa nɩ 'zʋ 'wʋdɩdɛɛ 'klʋkpamö. Wa nɩ 'zʋmö'ɛ ‑li ‑mimii a ‑bɛ 'klʋkpamö. Wɛlɩ 'la, mɩɩ kää 'nglɩ nza Pɔɔlʋ 'pää 'bɔgʋ nɩ Zezwii a ‑nʋa ‑wa ‑wʋä ‑mä Kolɔɔsɩ 'wʋ. ‑Mä wʋ 'mö, 'dɩ 'mö ɔ zuëë nɩɩ, nɩkpadulawa 'la, Zezwii a ‑nʋa nɩ tɩ 'wa yiowɛlɩɩ ‑gänɩ. Ɛ'ɛ ‑bhö nyɩasɛ, ‑maa 'saa Lagɔ glɩnɩɛ 'tɩɩ, ‑mä Kliisɩ 'mö, ‑mä wʋ 'wlʋnɩɛ ‑tiamö 'yli. Zaa, 'wa ‑kä Kliisɩ 'wʋ ‑glɛɛ, wa ‑nyɛ Lagɔ ‑wʋnɩ 'wʋ. Zaa, ‑lu ‑mumuu 'nɩa'a wa dɔ'wʋ ‑mä tʋʋ.