Filiipö a ‑nʋa i

'Bɔgʋʋ Pɔɔlʋ 'cɛlɩɛ

Filiipö a ‑nʋa

'wʋʋ

'Bɔgʋ nɩ 'mö a wɛlɩɩ

Filiipö, Masedʋanɩ‑bhölɩɩ 'mö a 'bhuguglɔ 'kɔdʋä. Dɛɛ Pɔɔlʋ möä 'wʋ 'sɔnadɔ'wʋ ‑mä ‑gwlɩ gömö Zezwii 'a 'Mänatɩtɩɩ biaaa, ‑lɛ ɔ 'gïlanɩɛ ‑mä Zezwii a ‑nʋa a ‑zɩkpaa sɛ. Zaa, ‑zɩkpa 'la 'mö a ‑nʋa, wa 'nʋä nɩɩ, wa yɛ Pɔɔlʋ ‑mä Ghlɔɔmö ‑jie 'mö 'pää, moni wa tuä, 'n wa yee wa ‑daayu ‑bhlʋ wa laa Epafloditɩ yowʋ 'nyɛ, 'n ɔ yonyɩɛ ‑mä ‑jie 'mö kwä.

Nyɩasɛ Pɔɔlʋ 'nɩɛ 'bɔgʋ nɩ 'cɛlɩ, ‑maa ɔ 'kä Filiipö a ‑nʋa bhälɩ, ɔ 'kʋä'ɛ 'gämö ‑mä ‑jie 'mö mä ɔ ‑wʋä a 'tɩtɩ 'nyɛ, nza ɔ 'cɛluëë 'wʋ.

Ɔ bhäluëë, ɔ 'nyʋää ‑mä ‑jie 'mö mä ɔ ‑wʋä a 'tɩtɩ 'wëë, 'n ɔ yuëë swɩ nyɛmʋ 'mö 'pä nɩɩ, ‑mä 'wa ‑wʋwʋsaa 'wuë 'mö, wa nɩ 'zʋ Puënyɔɔ Lagɔ ‑sɛɛ ‑lɛ 'a 'Mänatɩtɩɩ 'klʋkpamö. ‑Lɛ a dɔ'wʋ, 'mö Pɔɔlʋ, ɔ yuë 'ylɩmöä yi oo, ɔ 'nuë 'ylɩmöä yi oo, wa yi 'yli yɔwʋ 'tɛɛ 'yize, 'nyu 'naa 'kʋä jijo'wʋ 'plɩnɩ. 'Bɔgʋ 'la, Epafoditɩ, ‑ɔ kwɔɔ ‑mä jie 'mö moni ‑wʋä ‑mä Filiipö 'bɩwʋ mö dɔ'wʋʋ, 'mö ɔ suluuä.