Galatii a ‑nʋa i

'Bɔgʋʋ Pɔɔlʋ 'cɛlɩɛ ‑mä

Galatii a ‑nʋa

'wʋʋ

'Bɔgʋ nɩ 'mö a wɛlɩɩ

Galatii‑bhölɩɩ ‑ɛ paa'aa ‑sɩkaa Twlikii, Pɔɔlʋ mɔɔ bhïlanɩɛ ‑mä tɛɛ Zezwii 'a Mänatɩtɩɩ 'n ɔ yiɛ ‑mä a 'bhugugwlɩ a ‑bɛ 'mö Zezwii a ‑nʋa a ‑zɩkpö sɛ 'gïla.

‑Maa ɔ 'bhööä ‑mä 'wëë, 'n ɔ yiɛ 'nʋ nɩɩ, Zwiiföwa ‑mumuë, ‑wa 'zʋä Zezwii a ‑nʋä, mʋa möä ‑mä 'n wa yiɛ käböwɛlɩ 'cɩa.

Nɩkpa 'la, sɛ'ɛ wa 'cɩaa nɩɩ, 'n nɩkpɛ 'nɩ 'wʋ dɩ‑ɩ, Lagɔ 'naa 'kɔ 'mözlɔnɩnyɔ 'mö 'wʋ 'libhï. Kïbhë 'la, maa 'kää 'nglɩ nza Pɔɔlʋ 'cɛlɩɛ Zezwii a ‑nʋa ‑wa ‑wʋä ‑mä Galatii 'bɔgʋ nɩ 'wʋ. ‑Mä wʋ 'mö, sɛ'ɛ ɔ nyʋää dɩ nɩɩ, Moyizɩ 'a Gböö a 'klʋkpamözʋzwɛɛ, mɛɛ 'nɩɛ 'nglɩ ‑kä nɩkpɛ 'kä 'mö zlɔmanɩ Lagɔ a 'yila 'klʋ a dɔ'wʋ. ‑Maa Zezwii 'a dlɩtɛɛnɩtɛnɛɛ, ɛ 'yize, mɛɛ kää 'nglɩ. Tɛkämɛnɩnɔɔ a 'bɔgʋʋ a'bhë, ‑sɩbhä wʋ gbää. Nza Lagɔ nʋ a‑a Ablaamö a dɛ nɩɩ: «Sɛ ‑n 'tɛɛnɩɛ dlɩ a za, na 'yila 'klʋ a dɔ'wʋ, ‑n yɛ 'mö zlɔmanɩ.» Zaa, ‑sɩkaa a dɔ'wʋ, Moyizɩ 'a Gböö mɩɩ 'nuëa'a gasɛ 'wlu 'mö ‑känɩ. ‑Sɩbhä a za, wa nɩ nglu 'wʋ Lagɔ 'a 'Wugɔmʋʋ 'kʋä ‑su. ‑Lɛ a dɔ'wʋ, sɛɛ 'wa nɩkpɛglɩnɩsaa yɩbhää, wa 'naa 'kä ‑sɩbhä zʋ.