Paulu molaluita i lindoꞌraꞌ toIahudiꞌ
22
Paulu mantepuꞌu molaluita,
nauliꞌ,
“Umaꞌ-umaꞌ,
halalu-halalu!
Nipehádingiaꞌ,
láwiꞌ ina kupahaweꞌákou i katoꞌu-toꞌuána.”
2 Karahádina tauna to handaꞌ Paulu molaluita i lalu básáraꞌ toIahudiꞌ,
maniiꞌ ntepuꞌuheꞌ.
Napaliliu miꞌi Paulu laluitana nauliꞌ,
3 “Kódóꞌ deꞌe toIahudiꞌaꞌ.
Wánuá karapoánákaꞌángkuꞌ,
kótá Tarusu i poropensi Kilikia,
agáiáná rapamahileaꞌ ieneꞌ i kótá Ierusale.
Meguruaꞌ Paturoꞌna Musa hangko i Gamalie,a
guru mahile to rabiláꞌ ntepuꞌu.
Ia mopaturoꞌaꞌ upu-upu áturá to naweꞌi Musa i toioruntaꞌ hangkoia.
Maróhó ntepuꞌu pampeuláꞌingkuꞌ upu-upu áturána Pueꞌ Ala iti,
hibali hai kómu deꞌe-deꞌe.
4 Hangkoia,
kupopeahiahiꞌheꞌ tauna to mouláꞌ Paturoꞌna Iesu.
Araheꞌ to kupapate.
Araheꞌ woꞌo to kuhakaꞌ hai to kutarungku,
maroꞌa tobaleilo maroꞌa towawine.
5 Tadulako Menómbá Mahile hai upu-upu tadulako agama peisá mosabiki katoꞌuna laluitangkuꞌ iti,
láwiꞌ hira miꞌi to mampoweꞌiaꞌ sura kuasaꞌ to mopaliuaꞌ lao i hangka toIahudiꞌtaꞌ i kótá Damasiꞌ.
Tunggáiángkuꞌ bona ina mohakaꞌaꞌ toSarani to ara ionoꞌ,
hai ina kuántiheꞌ mai ieneꞌ i Ierusale bona rahukuheꞌ.”
Paulu mopahaweꞌ noumbá rárána ia mantepuꞌu meuláꞌ i Iesu
6 Paulu mopaliliu wopiꞌi laluitana,
nauliꞌ,
“Tangaꞌ kalialo i polumaongkiꞌ iti,
hungkuꞌmongkaiꞌ i kótá Damasiꞌ.
Hangkaꞌ-hangkaꞌ perái ara pewangkaꞌ to rumihi ntepuꞌu hangko i langiꞌ mewangkaꞌiaꞌ.
7 Madungkáꞌaꞌ i tampoꞌ,
hai kuhádi wambaꞌ to manguliꞌ,
‘Saulu,
Saulu!
Moapa riꞌi haneꞌiAꞌ nupopeahiahiꞌ?’
8 Kupekuneꞌ,
‘Tuá,
heánáKoꞌ?’
Nahánikiaꞌ,
‘Kódóꞌ miꞌi deꞌe Iesu toNasare to nupopeahiahiꞌ.’
9 Rángángkuꞌ moitaheꞌ woꞌo wangkaꞌ iti,
agáiáná tiꞌara raisá apa to Nahángáꞌáꞌáꞌaꞌ.
10 Roo onoꞌ,
kupekuneꞌ,
‘Pueꞌ,
apa to hangaa-ngaa kubábehi?’
Nahánikiaꞌ Pueꞌ,
‘Mearómokoꞌ hai laomokoꞌ i kótá Damasiꞌ.
Ionoꞌ ina rapahaweꞌákoꞌ upu-upu to napakanótómokoꞌ Pueꞌ Ala bona nubábehi.’
11 Ánti pewangkaꞌ iti,
makáindi miꞌi petótóingkuꞌ,
tiꞌarapoꞌ meita,
onoꞌ miꞌi haneꞌi rateteꞌraꞌaꞌ rángángkuꞌheꞌ lao i kótá Damasiꞌ.
12 I kótá iti,
ara hadua tobaleilo to rahangaꞌ Anania.
Ia tauna to mengkoruꞌ i Pueꞌ Ala,
hai maróhó pampeuláꞌina Paturoꞌna Musa.
Ia rabiláꞌ upu-upu toIahudiꞌ to toroꞌ i Damasiꞌ.
13 I kahaweꞌna miꞌi Anania iti,
ia meángkáꞌ i hintáiꞌkuꞌ,
nauliꞌ,
‘Halalungkuꞌ Saulu,
meitamokoꞌ huleꞌ!’
Kásáliu meita mpuꞌumoꞌ,
hai kuita woꞌo Anania.
14 Roo onoꞌ,
nahángáꞌá wopaꞌaꞌ,
‘Pueꞌ Ala to rapenómbái toioruntaꞌ mopileꞌimokoꞌ bona nuisá apa peundeꞌáNa.
Napileꞌikoꞌ bona nuita Huoꞌána Pueꞌ Ala to Manótó,b
hai bona nuhádi laluitaNa.
15 Io miꞌi to ina mewaliꞌ sabiꞌNa bona nupahaweꞌáheꞌ upu-upu tauna apa to nuita hai apa to nuhádi iti.
16 Mewaliꞌ,
apa mani to nupegiá?
Meángkáꞌmokoꞌ bona rariumokoꞌ.
Mekakaemokoꞌ i Pueꞌ Iesu bona dósámu Naꞌámpungi.’ ”
Paulu nahuoꞌ Pueꞌ Ala moánti ngkóráꞌNa i tauna to tiꞌara toIahudiꞌ
17 Paulu mopaliliu wopiꞌi laluitana,
nauliꞌ,
“Mewaliꞌ hangko ionoꞌ,
mesuleꞌmoꞌ mai i Ierusale,
hai tangaꞌkuꞌ mekakae i tangabaa Támbina Pueꞌ Ala,
kuita pampetudeꞌá.
18 Moitaꞌaꞌ Pueꞌ Iesu hai Nahángáꞌáꞌáꞌaꞌ,
‘Hawiáꞌmokoꞌ pohuꞌ hangko i Ierusale,
láwiꞌ tauna ieneꞌ tiꞌaraheꞌ ina mampoinálái apa to nupolaluita mokana i Kódóꞌ.’
19 Kuhániki,
‘Pueꞌ,
raisánto bábehiángkuꞌ hangkoia.
Raisá noumbá pesuaꞌkuꞌ i támbi penómbáꞌá,
mohakaꞌheꞌ,
mopapahái hai motarungku tauna to mepoinálái i Hio.
20 Noꞌonoꞌ woꞌo,
i tempóna sabiꞌMu Setepanu rapapate,
araꞌaꞌ woꞌo ionoꞌ láwiꞌ kódóꞌ miꞌi to mokámpái waruꞌraꞌ tauna to mopapate,
hai kupokana karapapatena.’c
21 Agáiáná nahángáꞌá wopaꞌaꞌ Pueꞌ,
‘Hangaa-ngaa pohuꞌmokoꞌ,
láwiꞌ ina Kuhuoꞌkoꞌ lao i tampoꞌ to karaoꞌ,
i tauna to tiꞌaraheꞌ toIahudiꞌ.’ ”
22 Maniiꞌheꞌ tauna to handaꞌ mampehádingi Paulu molaluita.
Agáiáná kanauliꞌna ina lao i tauna to tiꞌaraheꞌ toIahudiꞌ,
monganga-ngangaheꞌ rapasimbuku mopakóiꞌ Paulu,
rauliꞌ,
“Nipapate pemiꞌi!
Ineeꞌ miꞌi rapatodáhi tueꞌ!”
23 Monganga-ngangaheꞌ hai motelángaheꞌ kumbáraꞌ.
Mokámburáheꞌ awu i laerawa ánti kamabukoꞌraꞌ.
24 Onoꞌ miꞌi haneꞌi kapalaꞌ tadulako surudadoꞌ iti mohuoꞌ miꞌi surudadoꞌna moánti Paulu mesuaꞌ i lalu támbi surudadoꞌ,
bona rahepe hai gulaꞌ haneꞌi rapáresáꞌ,
bona raisá ntóáꞌna apa to rakáhihiꞌá toIahudiꞌ.
25 I karatakaꞌna miꞌi Paulu i áriꞌi ina rapahái,
molaluita miꞌi Paulu i hadua tadulako surudadoꞌ to ara i hintáiꞌna,
nauliꞌ,
“Ba hintotoꞌ toRoma rahepe ane tiꞌara mani rapáresáꞌ hai rabutusi kárá-kárána?”d
26 Kanahádina peá tadulako surudadoꞌ laluita iti,
ia lao i kapalaꞌ tadulako surudadoꞌ nauliꞌ,
“Tuá,
moapa riꞌi haneꞌi nuhuoꞌangkaiꞌ mohepe tauna iti?
Ia toRoma!”
27 Onoꞌ miꞌi haneꞌi kapalaꞌ tadulako surudadoꞌ iti lao i Paulu,
napekuneꞌ,
“Nuhángáꞌáꞌáꞌaꞌ,
ba toꞌu-toꞌu toRomakoꞌ?”
Nahániki Paulu,
“Toꞌu.”
28 Nauliꞌ kapalaꞌ tadulako surudadoꞌ iti,
“Masuliꞌ kakubaiarina i topopárentá,
bona mewaliꞌaꞌ toRoma.”
Nahániki Paulu,
“Agáiáná kódóꞌ deꞌe,
toRomaꞌaꞌ hangko i karapoánákangkuꞌ.”
29 Hangko ionoꞌ,
surudadoꞌ to ina mopahái Paulu mosuliꞌheꞌ,
hai kapalaꞌ tadulako surudadoꞌ iti malááꞌ miꞌi woꞌo,
láwiꞌ ia miꞌi to mampehuoꞌá bona Paulu ratakaꞌ,
mole toRoma.
Paulu i lindoꞌna Topepáresáꞌ Mahile Agama Iahudiꞌe
30 Kapalaꞌ tadulako surudadoꞌ iti mampoinao moisá ba apa mpuꞌu ntóáꞌna haneꞌi Paulu rasalaꞌi toIahudiꞌ.
Onoꞌ miꞌi haneꞌi kahalona ia mokióꞌheꞌ upu-upu kapalaꞌ-kapalaꞌ tadulako menómbá hai tadulako agama Iahudiꞌ to ntániꞌna bona hirámpuheꞌ.
Roo onoꞌ,
Paulu rakábáhá miꞌi hangko i timpukuna haneꞌi raꞌánti lao i lindoꞌraꞌ.