Pitu tauna to rapileꞌi modurei surona Pueꞌ Iesu
6
Kamarue-rueá katetátámbáiá oaꞌ tauna to meuláꞌ i Iesu.
I tempó iti,
upu-upu tauna to mepoinálái i Iesu,
toIahudiꞌ peá,
agáiáná hantángáꞌheꞌ to mobásá Iberani ba básá Árá,a
hai hantángáꞌheꞌ woꞌo to mobásá Iunani.
To mobásá Iunani,
mohume-humeheꞌ mosalaꞌi rángáraꞌ to mobásá Iberani,
láwiꞌ tobembaꞌ towawine to mobásá Iunani,
tiꞌaraheꞌ molámbiꞌ gáláꞌraꞌ alo-alona.
2 Onoꞌ miꞌi haneꞌi surona Pueꞌ Iesu to hampuloꞌ hai rodua mokióꞌmoheꞌ upu-upu tauna to mepoinálái i Iesu bona hirámpuheꞌ,
hai hadua hangko i oloꞌraꞌ mohángáꞌáheꞌ,
“Tiꞌara maroꞌa ane kaiꞌ surona Iesu to mogáláꞌ-gáláꞌ pandeꞌ,
láwiꞌ ane noꞌonoꞌi,
tiꞌara piꞌi ara tempóngkiꞌ mopahaweꞌ ngkóráꞌna Pueꞌ Ala.
3 Mewaliꞌ halalu-halalu,
rángina miꞌi nipileꞌi hangko i oloꞌmi pitu tauna to rabiláꞌ,
to nakuasaꞌi Inao to Magasaꞌ hai to bukeꞌ pekiri.
Hira to ina kiweꞌi bágóꞌ mokádipurá pogáláꞌ-gáláꞌ pandeꞌ iti.
4 Ane tabábehi noꞌonoꞌ,
peisá kipopobunduꞌ tempóngkiꞌ mekakae hai mopahaweꞌ Ngkóráꞌna Pueꞌ Ala.”
5 Upu-upu tauna mampokana polaluitaraꞌ suro iti,
onoꞌ miꞌi haneꞌi Setepanu rapileꞌi láwiꞌ ia nakuasaꞌi Inao to Magasaꞌ hai maróhó pepoináláina i Pueꞌ Iesu.
Rapileꞌi woꞌo Pilipu,b
Porokoru,
Nikano,
Timo,
Pamena hai Nikolau toAntiokia.c
Nikolau iti,
tiꞌara toIahudiꞌ,
agáiáná mesuaꞌ miꞌi i agama Iahudiꞌ hangko tiꞌara mani mepoinálái i Iesu.
6 Tauna to pitu iti raꞌántimoheꞌ lao i surona Pueꞌ Iesu,
hai suro iti mopágá wuáꞌraꞌ hai mekakae bona nawátiꞌheꞌ Pueꞌ Ala.
7 Mewaliꞌ i Ierusale,
Ngkóráꞌ Marasa rapahaweꞌ oaꞌ hai katetátámbáiá miꞌi kahandaꞌraꞌ tauna to mepoinálái i Iesu.
Handaꞌmoheꞌ woꞌo tadulako menómbád to mepoinálái.
Noumbá rárána handaꞌ tauna i tampoꞌ Iudá, Samaria, hai tampoꞌ ntániꞌna mantepuꞌu mepoinálái i Iesu (6:8–28:31)
Karahakaꞌna Setepanu
8 Setepanu nawátiꞌ ntepuꞌu Pueꞌ Ala hai Naweꞌi kuasaꞌ,
onoꞌ miꞌi haneꞌi nabuku mobábehi handaꞌ pákáꞌna tandaꞌ kuasaꞌ i lindoꞌraꞌ tauna to handaꞌ.
9 Agáiáná araheꞌ woꞌo to meꞌewaꞌ.
Topeꞌewaꞌheꞌ iti ia miꞌi tauna to menómbá i támbi penómbáꞌá to rauliꞌ “Támbi Libetini”,
lempóna támbi penómbáꞌáraꞌ tauna to rakábáhá hangko i karapohawiꞌraꞌ.e
Hira iti,
toIahudiꞌ to hangko i kótá Kirene hai Alesandaria.f
Araheꞌ woꞌo toIahudiꞌ to haweꞌ hangko i poropensi Kilikia hai Asia lao moewaꞌ hai mampombeheheꞌá Setepanu,
10 agáiáná tiꞌara rabuku mohániki apa to nauliꞌ Setepanu,
láwiꞌ Inaona Pueꞌ Ala moweꞌi kapánde molaluita.
11 Onoꞌ miꞌi haneꞌi laoheꞌ moáhui bahangapa tauna bona mopaꞌaraheꞌ laluita to mopakanawoꞌ Setepanu,
rauliꞌ,
“Kihádi ia motitibei Paturoꞌna Musa hai mopakóiꞌ woꞌo Pueꞌ Ala!”g
12 Mewaliꞌ lao mpuꞌumoheꞌ mopahaweꞌ laluita iti.
Karahádina tauna to handaꞌ laluitaraꞌ to mesalaꞌi iti,
mabukoꞌ ntepuꞌuheꞌ,
noꞌonoꞌ woꞌo tadulakoraꞌ toIahudiꞌ hai guru-guru agama,
haneꞌiheꞌ lao mohakaꞌ Setepanu bona raꞌánti i lindoꞌraꞌ Topepáresáꞌ Mahile.
13 Kahaweꞌraꞌ ionoꞌ,
raꞌánti woꞌo bahangapaheꞌ tauna to mewaliꞌ sabiꞌ dongkoꞌ.h
Rauliꞌ sabiꞌ iti,
“Tauna iti motitibei oaꞌ Támbina Pueꞌ Ala to magasaꞌ hai mopakóiꞌ woꞌo Paturoꞌna Musa!
14 Kihádi ia manguliꞌ node:
Iesu toNasare ina mogero Támbina Pueꞌ Alai hai mobáliki upu-upu ádá to naweꞌikeꞌ Musa.”
15 Karahádina Topepáresáꞌ Mahile laluita iti,
motótóiheꞌ Setepanu,
hai moitaheꞌ lindoꞌna nodo lindoꞌ malaꞌeka.j