Iunu
Laluita to mopakanótó óntóꞌna sura
Sura deꞌe montaniꞌ hangko i sura to naukiꞌ nabiꞌ to ntániꞌna i Pototowiá to Sae, láwiꞌ tiꞌara moꞌóntóꞌ hai bámbári to naꞌánti nabiꞌ, ngkáliꞌna riꞌi mampodarita peá apa to pewaliꞌ i wátána Iunu tempóna tiꞌara mampeuláꞌi hawaꞌna Pueꞌ. Nahuoꞌ Pueꞌ bona lao i Niniwe, pehodaꞌána kadatuá Asuri, ewáliraꞌ toSáráeliꞌ. Agáiáná Iunu tiꞌara mau lao i kótá iti bona mopahaweꞌ hawaꞌna Pueꞌ, láwiꞌ naisá miꞌi ane toNiniwe iti mokábáhá bábehiáraꞌ to kadake, kótá iti tiꞌara ina mewaliꞌ nagero Pueꞌ. Kahópóꞌána, bahangapa rái pákáꞌna to pewaliꞌ, hangko napeuláꞌi riꞌi Iunu hawaꞌna Pueꞌ, agáiáná ia mabukoꞌ láwiꞌ Pueꞌ tiꞌara mewaliꞌ mogero kótá Niniwe.
Surana Iunu mampopaitaꞌákeꞌ noumbá kamakuasaꞌna Pueꞌ Ala i upu-upuna to Nabábehi. Hai sura deꞌe woꞌo mopakanótóákeꞌ kamahilena mpuꞌu pepokaꞌahiꞌna hai peámpungina Pueꞌ Ala i kitaꞌ. Naundeꞌ mani moámpungi hai mampelae hambuaꞌ kadatuá haneꞌi mehuku hai moropuꞌ, kehapiꞌ kótá iti mampoewaliá taunána Pueꞌ.
Óntóꞌna
1. Iunu rakióꞌ, agáiáná tiꞌara mau mampeuláꞌi (1:1-17)
2. Iunu menosoꞌ hai rahóremá (2:1-10)
3. Iunu mampeuláꞌi hawaꞌna Pueꞌ Ala (3:1-10)
4. Pueꞌ Ala mopatongawaꞌ kamaꞌahiꞌNa (4:1-11)