Aadmiib y'ar.
5
01 Tuun tuuna Aadmiib y'areeb kataabt akay tiifi.
Ukwaasana w'aadami iitkwakwi oodoor,
Ukwaasana t'iiteeb ikwaas.
02 Bareeh takwa takat ikwaasiit idehar.
Malya bareeh <<Oodehay>> iisim.
03 Aadam sheebwa mhay tamuun hawlaab ikwriyihoob,
oor barooh t'iiteeb iibri.
Baruuh w'oorooh Sheetaab iisim.
04 Sheet ifrayi har'ii,
Aadam asimhay sheeb hawlaab iibri,
arwa aritwa warib han iibri.
05 Aadam ashshadhig sheebwa mhay tamuun hawlaabwa ikwiriit malya iya.
06 Sheet sheebwa ay hawlaabwa id'iyahoob,
Anoosh ifri.
07 Baruuh Anooshi baaba ikayi har'ii,
asimhay sheebwa asarama hawlaabwa ikwiri.
Wari arwa aritwa aree iibri.
08 Sheet ashshadhig sheebwa tamna maloob hawlaab id'iit iya.
09 Anoosh ashshadhig tamuun hawla ikwriyihoob,
Geenaan ifri.
10 Baruuh Geenaan ifriyi har'ii,
Anoosh asimhay sheebwa tamna ay hawlaab iibri.
Masi wari arwa aritwa iibri.
11 Anoosh ashshadhig sheebwa ay hawlaab ikwiriit iya.
12 Geenaan asarama tamuun hawla ikwriyihoob,
Mahal'iil ifri.
13 Baruuh Mahal'iil ifriya har'ii,
asimhay sheebwa fadhig tamuun hawlaab iibri.
Masi wari arwa aritwa iibri.
14 Geenaan ashshadhig sheebwa tamin hawlaabwa yhagit iya.
15 Mahal'iil asagwir tamuunwa ay hawla ikwriyihoob,
Yaarid ifri.
16 Baruuh Yaarid ifriia har'ii,
Mahal'iil asimhay sheebwa mhay tamuun hawla iibri.
Masi wari arwa aritwa iibri.
17 Mahal'iil asimhay sheebwa ashshadhig tamuunwa ay hawlaab yhagit iya.
18 Yaarid sheebwa asagwir tamuunwa maloob hawla ikwriyihoob,
Eenook ifri.
19 Baruuh Eenooki ifriyi har'ii,
asimhay sheeb hawlaab iibri.
Masi wari arwa aritwa iibri.
20 Yaarid ashshadhig sheebwa asagwir tamuunwa maloob hawlaab id'iit iya.
21 Eenook asagwir tamuunwa ay hawlaab ikwriyihoob,
Matooshaalah ifri.
22 Baruuh Matooshaalah ifriyi har'ii,
Eenook mhay sheeb hawla Ukwaasana iram,
masi wari arwa aritwa iibri.
23 Eenook mhay sheebwa asagwir tamuunwa ay hawla iibri.
24 Eenook Ukwaasana iram,
shaawti daayaab kiiki.
Ukwaasana barooh haay giigiya.
25 Matooshaalah sheebwa asimhay tamuunwa asarama hawlaab ikwryiyihoob,
Laamik ifri.
26 Baruuh Laamik ifriyi har'ii,
asarama sheebwa asimhay tamuunwa maloob hawlaab iibri.
Masi wari arwa aritwa iibri.
27 Matooshaalah ashshadhig sheebwa asagwir tamuunwa ashshadhig hawlaab id'iit iya.
28 Laamik sheebwa asimhay tamuunwa maloob hawlaab ikwriyihoob,
oor iibri.
29 Laamik w'oorooh Nooh iisim.
Baruuh <<W'ooru Nooh simat,
Ukwaasana y'ateeb whaashiib ushagaay igallabamtii fiinsiini hoon.>>
idi.
30 Nooh ifraayt har'ii,
Laamik ay sheebwa ashshadhig tamuunwa ay hawla iibri.
Masi wari arwa aritwa iibri.
31 Laamik asarama sheebwa asarama tamuunwa asarama hawlaab id'iit iya.
32 Nooh ay sheeb hawlaab ikwriyihoob,
Saamwa Haamwa,
Yaafeetwa ifri.